InfoHub Logo

Jazdyń jaımashýaq kúni edi. Aınalanyń bári ádemi, kókte kún kúlimdep, shýaǵyn shashyp tur. Kúnniń shýaǵy aınalaǵa nuryn tógip, jan bitkenniń bárine erekshe kóńil kúı syılap turdy. Jazdyń osyndaı jaımashýaq kúninde ormanda erekshe bir oqıǵa boldy.

Bir mezette aspandy qara bult torlap, kúnniń betin jaýyp tastady. Sol-aq eken aınalanyń bári qarańǵylanyp, kún kúrt salqyndap ketti. Naızaǵaı oınap jańbyr jaýa bastady. Jaýraǵan balapan aǵashtyń túbine jasyrynyp qaldy. Qoryqqanynan jylaı bastady. Ony kórip qasyna mysyq keledi.

Mysyq: Balapan, sen nege jylap otyrsyń?

Balapan: Aspandy bult torlady, kúnniń kózi joǵalyp ketti. Men qorqyp otyrmyn.

Mysyq: Sen qoryqpa, Balapan! Ekeýimiz dos emespiz be? Júr, men saǵan kúndi izdeýge kómekteseıin.
Sóıtip ekeýi kúndi izdeýge shyǵady. Az júrdi me, kóp júrdi me, kele jatyp, butanyń túbinde jasyrynyp otyrǵan qoıandy kóredi.

Balapan: Sálem, Qoıan!

Qoıan: Sálem, dosym!

Mysyq: Saǵan ne boldy? Nege jylaısyń?

Qoıan: Kúnniń sáýlesi bolmaǵan qandaı jaman! Men qorqyp otyrmyn.

Mysyq: Bilesiń be, qoıan, kún sáýlesi bárimizge qajet. Biz balapan ekeýimiz kúndi izdeýge shyqtyq. Bizben birge barasyń ba?

Qoıan: Árıne, Mysyq dosym! Men de baramyn.
Sóıtip, ústi-basy sý bolyp, tońyp qalǵan qoıandy ertip úsh dos kúndi izdeýdi jalǵastyrady. Jolda quıryǵyn bulǵańdatyp, sylqym túlki kele jatty.

Mysyq: Amansyń ba, túlkishek?

Túlki: Joldaryń bolsyn, balaqaılar!

Mysyq: Túlki, túlki kúndi qalaı tabýǵa bolady?

Túlki: Kúndi qaıtpeksińder? Ony tabý senderdiń qoldaryńnan kele qoımas. Meniń sendermen bos sóılep turatyn ýaqytym joq. Áteshten surańdar, sol bárin biledi. Al men kettim!

Úsheýi qol ustasyp, átesh dosyna bet alady. Átesh kele jatqan qonaqtardy kórip amandasady:

Átesh: Ký - ka - re - ký, ký - ka - re - ký! Amansyńdar ma, dostarym!

Balapan: Sálem, átesh dosym!

Qoıan: Átesh dosym, sen kúndi qaıdan tabý kerek ekenin bilesiń be?

Mysyq: Bizge kómektesshi, Átesh dosym, áıtpese, barlyǵymyz qatty jaýradyq, kóńil - kúıimiz joq.

Átesh: Jaraıdy. Men senderge kómekteseıin. Anaý taýdyń basyndaǵy aq bultqa jetseńder, ol senderdi kúnge alyp barady. Ký - ka - re - ký!

Balapan: Taýǵa? Joq, men taýǵa shyǵa almaımyn!

Qoıan: Biz qalaı taýǵa shyqpaqpyz? Men qorqamyn, barmaımyn!

Mysyq: Dostar, bularyń ne? Sendersiz men jalǵyz qalaı taýǵa shyǵyp, kúndi tabamyn? Kún bárimizge de óte qajet qoı.

Átesh: Mysyq durys aıtady. Dostar qashan da bir - birine kómektesýi kerek. Dostar tatý, birge bolsa, kez kelgen qıyndyqty jeńýge bolady. Kettik, endeshe!

Barlyǵy qol ustasyp bıik taýǵa jetedi. Taýǵa shyǵý olarǵa qıyn boldy. Osynyń bárin bult kórip turady.

Bult: Dostar, sender kúnniń árdaıym jarqyrap turǵanyn qalaısyńdar ma?

Bári: Ia, ıá, árıne, qalaımyz! Kún – bizge kerek.

Bult: Olaı bolsa, men kúnniń kózin ashyp bereıin.

Kúnniń jyly shýaǵy jandaryn jylytyp, qushaqtary meıirimge tolǵan Dostar qýanysyp, án aıtady.

---