InfoHub Logo

Taqyryby: «Kúz syıy»
Zaldyń ishi kúz mezgiline qaraı bezendirilgen. Balalar mýzyka áýenimen zalǵa kiredi.
Tárbıeshi: Qurmetti qonaqtar, ata - analar, búldirshinder. Kúz qandaı keremet mezgil! Qazan tolyp, eńbeginiń jemisin kórip, adamzattyń naǵyz baılyǵy emes pe?
- Iá, Sol izgi dástúr bizdiń bóbekjaı - baqshamyzda jalǵasýda. Olaı bolsa «Juldyzdar» tobynyń «Kúz syıy» dep atalatyn erteńgiligimizge qosh keldińizder!
Tárbıeshi:
Qarsy alaıyq bárimiz
Jasymyz ben kárimiz.
Qyrdan kelipti qydyryp,
Altyn kúz bizge nur tógip.
Tilegim aman bolsyn el irgesi,
Altyn kúz qaıta keldi berekesi.
Molshylyqtyń jarshysy bola bildi,
Altyn kúz - yrys, bereke, birlik ala keldi.
Tárbıeshi:
- Balalar qazir jyldyń qaı mezgili?
- Kúz mezgili
Kúz mezgilinde neshe aı bar?
- Qyrkúıek, Qazan, Qarasha
Durys aıtasyńdar, balalar.
Kúz mezgilinde tabıǵatta qandaı erekshelikter bolady?
Kúzde kún salqyndap, keıde jańbyr jaýyp, jel soǵady, qustar jyly jaqqa ushyp, adamdar jyly kıine bastaıdy. Japyraqtar sarǵaıyp jerge túsedi.
Tárbıeshi:
Al, balalar, balalar,
Endi beri qarańdar
Bizge qonaq kelmekshi
Senderdi bir kórmekshi
Áýeli jumbaq jasyram
Qýlyǵymdy asyram
Taba alsańdar sheshimin
Qonaǵymdy ortaǵa shaqyram.
«Kók maısaly kórikti, alqaptaǵy kóp egin
Bul kúnderi kıipti, sary jibek kóılegin» - Bul kim, balaqaılar? (Kúz)
Kúz hanshaıymy:
Sálem meniń dostarym,
Ómirge kóp qosqanym,
Kúz syılyǵyn alyńdar
Syılyǵyna qanyńdar.
Molshylyqqa kenelip,
Shattyq ánge salyńdar.
Tárbıeshi:
Al, endi balalar biz sizdermen oıyn oınap jibereıik.
Oıyn: «Dámin tap»
Oıyn sharty: Balalar ýstel - ústindegi jemister men kókónisterdiń dámin ajyratý.
Tárbıeshi:
- Al, balalar ónerimizdi kórsetip, merekeni toılaıyq.
Án: «Altyn kúz»
Tárbıeshi:
Kúzde ózderi pisetin, tamaqqa kep túsetin,
Maqtanbaqshy sizdergi, jemister, kókónister san túrli.
Ortaǵa jemister men kókónister, ózderi týraly taqpaqtar oqıdy.
Aıqyn
Ashanadan shyqpaımyn,
Atym pıaz, buqpaımyn.
Kózden jasty shyǵaram.
Tumaýdan biraq saqtaımyn.
Áselhan
Tal shybyǵym buralyp,
Baqshalarda qyzaryp
Turgan ol men qyzanaq
Kúnge qarap uıalyp.
Nurdaýlet
Kartop bizdiń atymyz
Jer astynda jatyrmyz
Bir tamyrdan taraǵan,
Aǵaıynbyz bárimiz.
Nurádil
Ósiretin boıyńdy
 Damytatyn oıyńdy.
Qoıanǵa da azyqpyz,
Sábizdermiz jazyqsyz.
Qalbıbi
Pisip turǵan almamyn,
Tamsandyrar bal dámim
Jerge silkip túsirme
İsip keter mańdaıym.
Janǵalı
Japyraqty tasalap
Ósetin jeri baqsha - baq
Kúreń qyzyl shirkin - aı
Meniń atym qulpynaı.
Aıym
Men júzimmin, júzimmin
Monshaqtaı bolyp tizildim
Aqmańdaı
Órik, alma, shıe, alsha,
Jıdek júzim pisedi.
Qaýyn, qarbyz, qıar, sábiz.
Dúkenderge túsedi
Kúz hanshaıymy: Jaraısyńdar, balalar!
- Sender jaqsy - jaqsy taqpaqtar biledi ekensińder!

Tárbıeshi:
Endeshe ne turys
Bolmasyn jan qalys
Toılaıyq, kúleıik
Qýanyp bıleıik!
Bı: «Tamshylar»
Kúz hanshaıymy: Keremet! Qandaı ádemi! Balalar, meniń basqa bóbekjaı - baqsha búldirshinderine baratyn ýaqytym bolypty. Men endi keteıin, saý bolyńyzdar. Kelesi kezdeskenshe amanshylyq bolsyn!

Tárbıeshi: Óte jaqsy balalar, Osymen «Juldyzdar» tobynyń «Kúz syıy»- dep atalatyn erteńgiligimiz aıaqtaldy. Ýaqyt bólip kelgenderińizge kóp - kóp rahmet.