InfoHub Logo

Sabaqtyń taqyryby: Kúzgi butaq.
Sabaqtyń maqsaty:
Bilimdiligi: zatqa qarap sýret salý, boıaý arqyly zattyń kólemin kórsete bilý daǵdylaryn jetildirý, tabıǵatqa degen súıispenshilikterin arttyrý.
Damytýshylyǵy: pishinderdi beıneleýde proporsıalyq qatynastardy kóre bilý jáne ony qaǵaz betine túsirý daǵdylaryn damytý.
Tárbıeligi: akvarel boıaýdy qoldanýdyń ár túrli tásilderin durys paıdalana bilýge úıretý.
Kórnekiligi: sýretshiler shyǵarmalary, aǵash butaqtary.
Túri: jana sabaq.
Ádisi: túsindirý, kómektesý, praktıkalyq jumys, sýret salý kezeńderi.
Kerek quraldar: qaǵaz, qaryndash, akvarel boıaýy, t. b.

Sabaqtyń barysy:
1. Uıymdastyrý kezeńi.
Oqýshylarmen amandasý.
Quraldaryń tekserý, túgeldeý.
Nazarlaryn sabaqqa aýdarý.

2. Úı tapsyrmasyn tekserý: Oqýshylarǵa kúzdiń sýretin taqtaǵa
ilip kórsetý arqyly suraqtar beriledi.
- Kúzde japyraqtar qandaı túske enedi?
- Qandaı qustar jyly jaqqa ushyp ketedi?
- Qandaı qustar sýyqqa tózimdi?
Oqýshylar sýret boıynsha suraqtarǵa jaýap beredi, úıge berilgen tapsyrmalardyń sýretterin baǵalaımyn.

3. Oı ashý. Endi, balalar, men senderge taqpaq aıtamyn.
Jıyn terin bolatyn,
Qambaǵa astyq tolatyn.
Qyzyl qyrman oınaıtyn,
Qaı mezgil dep oılaısyń? (Kúz)
Abaı Qunanbaevtyń «Kúz» óleńin oqý.

4. Jańa sabaq.
- Sonymen, balalar ótken sabaqta altyn kúz týraly ótken bolatynbyz. Búgingi bizdiń taqyrybymyz «kúzgi butaq» dep atalady.
Kúzge baılanysty kúzdegi aǵashtardyń butaqtaryn, japyraqtaryn sýrettep dápterimizge salamyz.
Aǵash butaqtaryna sıpattama berý.
- Bizdiń ólkemizde aǵashtardyń túrleri óte kóp. Sonyń ishinde jemis aǵashtary da bar. Mysaly: alma, shıe, qaraórik, qaraqat t. b. Bul aǵashtar kóktem aıynda gúldep, kúzde jemisin beretin aǵashtar.(oqýshylar ózderi alyp kelgen aǵash butaqtarynyń pishinine, túr - túsine, japyraqtaryna baılanysty óz oılaryn aıtý.)

5. Praktıkalyq jumys.
Oqýlyqtaǵy úlgige qarap aǵash butaqtarynyń sýretin salamyz.
Kezeń boıynsha:
1. Aldymen japyraq pen butaqtyń sýretin dápterge qalaı ornalastyratynyn oılaý. Perspektıva zańdylyǵyn oryndaý:
2. Qaǵaz betine syzyq arqyly butaqtaǵy japyraqtyń sýretin kórsetý.
3. Akvarel boıaýymen jumys isteý ádisteri eske túsiriledi.
(Aldymen boıaýdy jaǵyp, japyraǵyna butaǵyna óń beredi. Boıaý
Kepkennen keıin ekinshi qabat boıaýdy jaǵyp sýretke qanyq tús beredi. Boıaýdy qajet jerinde qoıýlatý arqyly zattyń kólemi aıqyndalady. Oqýshylar japyraqtyń túsi tolyq sáıkes kelgenge deıin boıaıdy).

6. Sergitý sáti.
Sý, sý bolǵan boıaýym.
Qaǵaz betin torlaıdy,
Shirkin sýret sabaǵy,
Myń qubyltyp boıaıdy.
Oqýshylar salǵan sýretterin boıaýdyń aldynda hormen aıtady.

7. Sabaqty qorytyndylaý.
Jańa sabaqqa baılanysty sózjumbaqtar sheshý arqyly sabaqty qorytý.

8. Úıge tapsyrma:
Oqýshylardyń aıaqtalmaǵan jumysyn úıge berý.