InfoHub Logo

Bilim salasy: «Qatynas»
Bólimi: Til damytý
Taqyryby: Kúzgi tabıǵat

Maqsaty
• Kúzgi tabıǵattaǵy, aýa raıyndaǵy ózgeristerdi baıqaı otyryp, artıkýlásıalyq jáne daýys apparatyn damytý;
• Qoıylǵan suraqty tyńdap, durys jaýap berýge tárbıeleý;
• Tabıǵattaǵy, aýa raıyndaǵy ózgeristerdi baıqaýǵa talpyndyrý.
Qural - jabdyqtar, kórnekilikter orman maketteri, shyrsha, aqqaıyń, terek, emen, butalar; qoıan, túlkiniń sýretteri, japyraqtar.
Sózdik jumysy
qalqyp, múlgıdi, ishik.
Bılıngvaldy komponent
japyraq - lıst, orman - les, kúz – osen

Motıvasıalyq - qozǵaýshylyq
Jylýlyq sheńberi
Qaıyrly tań!
Qaıyrly tań, móldir kózderim!
Qaıyrly tań, jumsaq qoldarym!
Qaıyrly tań, myqty aıaqtarym!
Qaıyrly tań, araıly kún, aspan!
Óleń tyńdaımyz
Maqsut Netalıevtiń «Kúz sýreti» óleńin oqý:
Sary ala japyraqtar,
Qonady qalqyp ushyp.
Múlgıdi atyrap bar,
Jamylyp altyn ishik.
Bý shyǵyp búıirinen,
Aǵady jylǵa - bulaq.
Suraqtar qoıý:
- Balalar, bul óleńde ne týraly aıtylǵan, qandaı jyl mezgili týraly jazylǵan?
Jaýaptaryn tyńdap, tolyqtyrý.
Jańyltpash aıtamyz
Sanaı ber, qaraı ber,
Boıaýy júz, keldi kúz.
«Japyraqtar» tynys alý jattyǵýy
Jipke baılanǵan japyraqtyń úlgisine úrletý.
Japyraqtardyń qaıda ushyp baratyny týraly suraq qoıyp, balalardy ormanǵa serýenge barýǵa shaqyrý.
- Kózimizdi jumyp, sary japyraqtar sıaqty aınalyp, ormanǵa ushyp baramyz.

Uıymdastyrý - izdestirý
«Ormandaǵy oqıǵa» oıyny
Toptyń bir buryshyna aldyn ala orman kórinisin daıyndaý: aǵashtar men butalar, tyǵylyp otyrǵan sur qoıan, túlkiniń sýretteri.
«Bul qandaı janýar?» oıyny
- Balalar, ormanda qandaı janýarlardy kezdestirýge bolady?
- Qarańdarshy, anaý aǵashtyń arasynda bireý otyrǵan sıaqty (qoıannyń qulaqtaryn kórsetý)
Balalarmen aǵashqa jaqyndap qoıannyń sýretine nazar aýdarý, suraqtar qoıý:
- Qoıan qandaı? Túsi qandaı?
Osy retpen sýretten túlkine de tapqyzyp, ol týraly suraqtar qoıý, ekeýin salystyrý.
Sózdik jumysy: «qalqyp, múlgıdi, ishik» degen sózderdiń maǵynasyn túsindirý.
«Jańǵaqtardy sebetke jına» dıdaktıkalyq oıyny
- Balalar, jerde kóp jańǵaqtar jatyr, qane, terip jınaıyq, myna sebetke salaıyq, aıý qarny ashyp oıanǵanda, sebettegi jańǵaqtardy alyp jeıdi.
Aıý degende qandaı árip estilip tur?
A - A - A - A - A - A - A
Balalardyń qoldaryna sebetter beriledi, orman ishinde jatqan tústeri, kólemderi ártúrli jańǵaqtardy jınaýǵa tapsyrma beriledi (jańǵaqtardyń ishinde jasyl jańǵaqtar da bar, olardy jınamaý kerektigin eskertý). Oıyn sońynda nege jasyl jańǵaqtardy jınamaý kerektigin suraý.
- Sebetterdi aǵashtyń túbine qoıý.

Kúzgi tabıǵat. júkteý