Lıtvanyń eks-mınıstri qazaqstandyq ýnıversıtettiń prorektory boldy
Lıtvanyń burynǵy Bilim jáne ǵylym mınıstri Daınús Pavalkıs Qazaq Ulttyq medısına ýnıversıtetiniń birinshi prorektory bolyp taǵaıyndaldy, dep QR DSM baspasóz qyzmeti habarlaıdy.
QazUMÝ-dyń jańa qurylymyna sáıkes, Daınús Pavalkıs ǵylymı-zertteý, akademıalyq jáne klınıkalyq jumystar boıynsha máselelerge jaýapty bolady.
Daınús Pavalkıs 1960 jyly 5 mamyrda Lıtvanyń Kaýnas qalasynda dúnıege kelgen. Ár jyldary hırýg, Baltyq-Amerıkalyq aýrýhanasynyń jalpy medısına kafedrasynyń dırektory, Lıtva densaýlyq ǵylymy ýnıversıtetinde profesor bolyp jumys istedi.
2012 jyldan bastap 2015 jylǵa deıin Lıtva Respýblıkasynyń Bilim jáne ǵylym mınıstri qyzmetin atqardy.
2015 jyldan qazirgi ýaqytqa deıin Lıtvanyń Kaýnas klınıkasynyń ınovasıa jáne damý bóliminiń meńgerýshisi. Lıtva densaýlyq ǵylymy ýnıversıtetiniń hırýrgıa fakúltetiniń profesory.
Eýropa Komısıasynyń Konsýltatıvtik tobynyń múshesi RISE HL, zertteý, ınovasıa jáne ǵylymı saıasat jónindegi sarapshylar toby. SPH múshesi, Eýropalyq Komısıanyń densaýlyq saqtaý boıynsha ǵylymı toby. Kaýnas qalasynyń meriniń keńesshisi.
You Might Also Like
-
Esińizge túsirińizshi,ómir súrý týraly sońǵy ret qashan oılandyńyz?Ómir ol aǵyp jatqan ózen.Aǵa beredi,alǵa jyljı beredi.Al ómir tikeleı ýaqytqa baılanysty.Ýaqyt degeniń-kózge kórinbeıtin,qolǵa ustal...
-
Almaty qalasy Alataý aýdany №182 jalpy bilim beretin orta mekteptiń 2-synyp oqýshysy Áshim Zere Ońdasynqyzy Jetekshisi: Smaılova Dınara Asqarqyzy
