InfoHub Logo

Sabaq taqyryby: Maǵynasy qarama - qarsy sózder.
Sabaq maqsaty: Maǵynasy qarama - qarsy sózderdi meńgertý jáne sóz maǵynasyna mán berýdi úıretý.
Mindetteri: 1. Sóz maǵynasy qaraı túrlerin eske túsire otyryp, qarama - qarsy maǵynaly sózderdi taba bilýge jáne baılanystyryp sóılem quraı bilýge qalyptastyrý.
2. Oqýshylardyń este saqtaýyn jáne tilin, sózdik qoryn damytý.
3. Tez oılaýǵa, durys sheshim qabyldaýǵa baýlý. Halyq pedagogıkasyn dáripteýge úıretý.
Túri: Saıahat sabaq
Tıpi: Jańa bilimdi meńgerý
Ádisteri: suraq - jaýap, izdený, oı qorytý, kórnekilik ádisi, sáıkestendirý testi Kórnekilik: ınteraktıvti taqta, slaıdtar, úlestirmeler

Sabaq barysy
İ. Uıymdastyrý bólimi.
Psıhologıalyq daıarlyq
- Aq kóńildi júrekpen
Aq nıetti tilekpen
Amandasyp alaıyq
Qonaqtarǵa izetpen

İİ. Ótkendi qaıtalaý. Tirek bilimdi jetildirý.
Balalar, búgingi sabaǵymyz burynǵydan erekshe bolmaq. Óıtkeni, qazir biz
« Jeti ata»aýlyna saıahat jasaımyz.
Saıahatqa shyǵý úshin ózimizge kólik ázirlep alaıyq. Buryn ata - babalarymyz tehnıka damymaǵan, mashına bolmaǵan kezde kólik retinde neni paıdalanǵan?
- Atty, túıeni, ógizdi
- Sender sonyń qaısysyn qalaısyńdar?
- Atty.
- Jaraıdy, atty jolǵa ázirleıik.
- Atty shanaǵa jegý úshin qandaı jabdyqtar kerek?
- Qamyt, doǵa, delbe, shana, ershik t. b.
Suraqtarǵa jaýap bere otyryp, atamyzdyń aýylyna kelip qalyppyz.

1 «Ata» aýyly senderdiń bilimderińdi teksermekshi eken, mynadaı tapsyrmalar daıyndapty.
«Synaq dorbasy»
● Sóz maǵynasynyń túrlerin ata.
● Maǵynasy jýyq sózderge mysal keltir.
● Maǵynasy qarama - qarsy sózderge mysal keltir.
● Dybystalýy birdeı, maǵynasy ár basqa sózderge baılanysty sóılem oıla.
İİİ. Maqsat qoıý kezeńi
● Dıdaktıkalyq oıyn. Oı qozǵaý (mysaldardy sheshe otyryp, jańa taqyryp ashylady)
232 * 20
348 * 2
3720: 3
Maǵynasy qarama - qarsy sózder
Al balalar, saıahatymyzdy jalǵastyraıyq. Aldymyzda kóringen qaı aýyl?.

İİİ. Jańa sabaq Dáptermen jumys
2 «Áke» aýyly.
Kórkem jazý. J j
jeti
Jeti atasyn bilgen er,
Jeti jurttyń qamyn jer.

3 «Bala» aýyly.
Bul aýylda «Poezıa mınýtyn» ótkizemiz.
7 - jattyǵý
Qyzǵaldaqtyń qasyna
Qoıyp edim qondyrmaı,
Bizin suǵyp basyma
Shaqty - aý ara ońdyrmaı

Endi tımen oǵan men,
İsip ketti bas, shekem.
Baly tátti bolǵanmen,
Tili óziniń ashshy eken!
(Qadyr Myrza Álı)
Avtor týraly málimet aıtylady)
● Óleńdi mánerlep oqıdy.
● Maǵynasy qarama - qarsy sózderdi tabady: Tátti - ashshy

4. Al balalar, úsh aýylǵa saıahat jasap, sharshańqyrap qalǵan bolarmyz. Endi «Nemere» aýylyna keldik. Bul aýylda «Sergitý sátin» jasap alaıyq.
Sergitý sáti
Ornymyzdan turaıyq,
Alaqandy uraıyq,
Alǵa qaraı bir adym
Artqa qaraı bir adym
Joǵary - tómen qaraıyq
Bir otyryp, bir turyp
Ornymyzdy tabaıyq.
- Balalar sergitý sátinde de biz qandaı qarama - qarsy sózder paıdalandyq?( joǵary – tómen, alǵa – artqa, otyr - tur)
«Nemere» aýly mynadaı tapsyrma daıyndaǵan eken?
● Maqaldy jatqa jazý
1. Meıirimdi alǵys alsa,
Meıirimsiz qarǵys alar.
2. Aqyldy is tyndyrady,
Aqymaq tis syndyrady.
* Maǵynasy qarama - qarsy sózderdiń astyn syz.
5. Káne, balalar saıahatmyzdy jalǵastyraıyq. Áli de baratyn aýyldarymyz bar, ýaqyt bolsa jaqyn qaldy.
Kózdi ashyp jumǵansha «Shóbere» aýylyna kelip qalyppyz. «Sıqyrly sandyq» ázirlepti.(sandyqtyń ishinen sózderdi alyp, maǵynasy qarama - qarsy sózdi tabady)
● Berilgen sózderge maǵynasy qarama - qarsy sózderdi tap.
Meıirimdi - meıirimsiz
Jýas - asaý
Qymbat - arzan
Suıyq - qoıý
Qashyq - jaqyn

6. «Shóbere» aýylynan shyǵyp,«Shópshek» aýylyna bet aldyq. Mine,
«Shópshek» aýylyna keldik. «Shópshek» aýly senderge mynadaı tapsyrma daıyndapty.
10 - jattyǵý.
● Tek maǵynasy qarama - qarsy sózder jubyn terip jaz.
● Kesteni paıdalanyp, pikirińdi dáleldep úıren.
jaqsy – jaman, joǵary – tómen, ońaı – qıyn, úlken – kishi.
Dáleldeý úlgisi: jaqsy jáne jaman sózderi - maǵynasy qarama - qarsy sózder, óıtkeni ekeýiniń maǵynasy bir - birine qarama - qarsy, ári ekeýi de syn esimge jatady.
● Óziń qalaǵan sóz juptarymen sóz tirkesin jaz.
jaqsy bala, jaman adam, ońaı tapsyrma, qıyn esep, úlken úı, kishi bólme.
7. Al, balalar, sońǵy aýylǵa kelip jettik. Bul qandaı aýyl? «Nemene»aýyly
3 topqa bólip tapsyrma daıyndapty.
1 top – sáıkestendirý testi
2 top – maǵynasy qarama - qarsy sózderi bar sóılemder jazý.
3 top – ishinde qarama - qarsy maǵynasy bar jumbaq ne maqal - mátel taýyp jaz.
3. Sabaqty qorytý.
«Nemene» aýlynan mynadaı syılyq beripti. Aýzyn ashý myna bir tapsyrmany oryndaıyq: «Sıqyrly uıashyq»
Ereje - 10 20
Maqal – mátel - 10 20
Túsindirme - 10 20
ár túrli sózdik - 10 20

Ereje
10 - sóz maǵynasyna qaraı qandaı túrlerge bólinedi?
20 - qandaı sózder qarama - qarsy maǵynaly sóz dep atalady?
Maqal - mátel
10 - Bilim sózine baılanysty maqal aıt.
20 - Jalǵastyr. Jaqsydan úıren,.......
Túsindirme sózdik
10 – «momyn» sóziniń maǵynasyn túsindir. Mándes sóz aıt.
20 – «shyq» sóziniń maǵynasyn túsindir.
Ár túrli
10 - jeti atańdy ata.
20 - jeti qazynany ata.
Búgingi sabaqta ne istediń, ne úırendiń? Jeti ata qalaı bólinedi eken?
Ata, áke, bala, nemere, shóbere, shópshek, nemene
4. Baǵalaý.( qoraptyń ishin ashyp, balalarǵa baǵalar úlestiriledi)
5. Úıge tapsyrma. 12 - jattyǵý(72 bet)

Semeı qalasy.
Bastaýysh synyp muǵalimi
Kýteshova Jadyra Serıkalıevna