InfoHub Logo

Sabaqtyń taqyryby: Makrame toqý tehnologıasy

Sabaqtyń maqsaty:
A) Bilimdilik: makrame toqýdyń ádis - tásilderin, ony ózderi istep kórip, qorytyndylaýǵa jáne josparlaýǵa úıretý.
B) Damytýshylyq: teorıalyq bilimderin is - júzinde (praktıka) shyǵarmashylyqpen damytý, makrame toqý týraly alǵan bilimderin, daǵdylaryn nyǵaıtý.
V) Tárbıelik: Óner adamdaryn qurmetteýge, ásemdikke, uqyptylyqqa, tózimdilikke baýlý. Estetıkalyq jaǵynan damyǵan, oılaý sheńberi keń, jeke tulǵa tárbıeleý.
Sabaqtyń túri: Panoramalyq sabaq.
Sabaqtyń ádisteri: túsindirmeli, ıllústratıvti, toppen jumys, saramandyq jumys.
Sabaqtyń kórnekiligi: toqylǵan daıyn buıymdar, býklet, nusqaý karta, test - kartochka.
Kórnekti qural - jabdyqtar: 1. Shnýr, tesma, toqyma jipter, arqan, sıntetik shnýr t. b. ár túrli jipter.
2. jartylaı jumsaq jastyqsha nemese stanok
3. toqý úshin krúchok
4. qaıshy, santımtrly lenta.
Illústratıvtik shema: toqýdyń shartty belgileri.
Pánaralyq baılanys: beıneleý, matematıka.

Sabaqtyń jospary:
1. Uıymdastyrý kezeńi - 2 mınýt.
2. Ótkendi pysyqtaý – 8 mınýt.
3. Jańa sabaq. Sabaqtyń teorıalyq bólimi – 25 mınýt
4. Tús úılesimdiligi týraly. Beıneleý pániniń muǵaliminiń túsindirmesi - 5 mınýt
5. Makrame qurylymy týraly jáne ólshemderi. Matematıka páni muǵaliminiń túsindirmesi – 5 mınýt
6. Saramandyq jumys.- 30 mınýt
7. Qorytyndylaý - 7 mınýt
8. Baǵalaý – 2 mınýt
9. Úıge tapsyrma – 3 mınýt.
10. Jumys ornyn jınaý - 3 mınýt
Sabaqtyń barysy:

1. Uıymdastyrý kezeńi.
Synyptaǵy oqýshylar sanyn túgeldeý. Oqýshylardyń sabaqqa daıyndyǵyn tekserý. Sabaqtyń taqyrybymen, maqsatymen tanystyrý.
2. Ótkendi pysyqtaý. Oqýshylar bilimin jan – jaqty tekserý maqsatynda suraqtar qoıylady.
1. Qol ónerdiń qandaı túrlerin bilesińder?
2. Makrame týraly ne bilesińder?
3. Toqyma men makramenyń aıyrmashylyǵy nede?
4. Makramenyń maǵynasy qandaı?
Úıge berilgen tapsyrmany kim bitirdi?
3. Jańa sabaq barysy: Sabaqty bastamas buryn qyzyǵýshylyqty oıatý maqsatynda sózjumbaq sheshý arqyly oqýshylardy eki topqa bólemiz.
Óner jaıly maqal - mátel.

Jańa sabaq: Jazyq baılaý arqyly «shahmat» órnegin toqý.
1. Makrame ónerine sholý jasaý
2. Makrame týraly ańyz.
3. Jumysqa daıyndyq.
4. Qural jabdyqtardy daıyndaý.
5. Órnek jáne túıinderdiń toqylý ádisteri
6. Jibin daıyndaý.
7. Jip uzyndyǵyn eseptep qyrqý.
8. Toqý.

1. Qazaq halqynyń qol óneri onyń tarıhymen birge ósip, bite qaınasyp kele jatqan baı qazyna. Ol tek qazaq halqynyń ǵana emes Orta Azıa, Reseı halyqtarynyń ónerimen ushtasyp keledi.
«Óner kózi - halyqta», halyqsyz óner, ónersiz halyq joq, ony jańǵyrtyp iske asyrý – bizdiń perzenttik paryzymyz.
2. Túıindep toqý óneri myńdaǵan jyldar boıy, atadan balaǵa jalǵasyp kele jatqan qol ónerdiń bir túri. Bul óner eki jipti bir - birine baılaý kerek bolǵan kezde paıda bolǵan jáne ol birinshi túıin bolǵan. Ańshylar ańdardyń terilerden jáne balshyq shopterinen tór toqyǵan. Adamzat damýy jolynda bul ónerge ár túrli qaraǵan, kezi kelgende toqýǵa tyıym salynǵan.
Hrıstıandarǵa túıindep toqylǵan amýletin taǵyp júrýge ruqsat berilmegen. Al keı bir halyqtar, kerisinshe, túıinder paıda keltirýine sengen, nege degende toqylǵan jáne sheshilgen túıinder adam taǵdyryna baılanysty dep oılaǵan.