InfoHub Logo

Mamandyq – qarapaıym ómir súrý kózi bolyp tabylatyn jáne qandaı da bir daıyndyqty, jaýapkershilikti talap etetin eńbek qyzmetiniń mańyzdy bóligi. Ómirde tek eki nárseden qatelespeý kerek. Onyń biri jar tańdaýdan bolsa, ekinshisi mamandyq tańdaýdan. Bulaı aıtylýdyń sebebi seniń tańdaǵan mamandyǵyń seniń bolashaǵyń.
Adamdar mamandyqty júreginiń qalaýy boıynsha tańdaýy kerek. Óıtkeni, árbir adamnyń bolashaǵy tańdaǵan mamandyǵyna tikeleı baılanysty. Óz isin jaqsy kórip, úlken jaýapkershilikpen atqarǵanda ǵana adam ózin baqytty sezinedi eken. Mamandyq tańdaý – óte jaýapkershilikti jáne mańyzdy is. Mamandyq tańdaýda ár adam óziniń qyzyǵýshylyǵyna, qabiletine, beıimdiligine, qalaýyna súıený kerek. Qazirgi tańda mamandyqtyń túri kóp. Tańdaý jasaý ońaı emes. Eń bastysy – adam eńbekke qabiletti, zeıindi bolýy qajet jáne onyń mamandyǵy ózi ósken ortaǵa mańyzdy, baǵaly úles qosatyndaı bolýy shart. Álemde 40 myńǵa jýyq ártúrli mamandyqtar bar. Men osy mamandyqtardan muǵalim mamandyǵyn tańdadym. Shynymdy aıtsam mamandyq tańdaýdan qatty qınaldym. Biraq ata-anamnyń oıyn tyńdap osy mamandyqty tańdaýdy sheshtim. Mamandyq tańdaýdan qatelespedim dep oılaımyn. Sebebi oqytý bul ulaǵatty da uly is.
Ustazdyq, bala tárbıeleý – zerdeli de zerek, parasatty, ulttyq jáne azamattyq qundylyqtardy urpaq boıyna darytý. Alǵa talpynǵan oqýshynyń aldynda  ustazdyń  jaýapkershiligi zor. Sondyqtan, oqytýshylyq joldy tańdaýda, aldymen, myń oılanyp, júz tolǵaný kerek. Óıtkeni, ol – jaýapty mamandyq. Adamnyń adam bolyp qalyptasýynda úlken ról atqarady.
«Muǵalim  mamandyǵy – barlyq  mamandyqtyń  anasy» - dep beker aıtylmaǵan. Ustaz  aldynan  tárbıe  almaıtyn  jan  joq. Ustaz  bergen  tárbıe  — árbir  jannyń  ómirine  jol  silter  shamshyraq  bolary  anyq. 
Bala ómirge qadam jasaǵan sátte onyń jolynda nebir qıyndyqtar kezdesedi, sol kezde óziniń tájirıbesimen bólisetin adam sol balanyń ómirinde óshpes iz qaldyrady. Ata-anamyz biz ómirge kelgen kúnnen bastap: júrip-turýǵa, oqýǵa, sanaýǵa, jaza bilýge, qoǵamdyq oryndarda ózimizdi qalaı ustaý kerek ekendigin úıretedi. Alaıda  ata-ananyń úıde berilgen tárbıesi jetkiliksiz, óıtkeni olar balaǵa óziniń nárestesi retinde qaraıdy. Ata-anamyzdan keıingi aqylymen bóliser, ar-uıatty boıǵy sińirer birde-bir adam bolsa, ol – ustaz. 
Ustaz bolý - sezimniń aqyndyǵy,
Ustaz bolý – júrektiń batyrlyǵy.
Ustaz bolý - minezdiń kún shýaǵy,
Azbaıtuǵyn adamnyń asyldyǵy.
Osy tórt qasıet ár ustazdyń boıynan tabylýy qajet.
«Muǵalimniń maqsaty — oqýshynyń oılaýyna jańa perspektıvalar ashý»
— Konfýsıı 
Osydan on jyl buryn eń alǵash mektep tabaldyryǵyn attap kirgen sátimde kúlimdep qarsy alǵan, qolymnan jetektep partaǵa otyrǵyzyp, «Álippe» kitabyn ustatqan, alǵash árip úıretken-meniń súıikti de eń alǵashqy ustazym áli esimde. Sol ustazymdy kórip júrip bolashaqta muǵalim bolýdy armandadym. Mende ózimniń alǵashqy ustazym sekildi bolǵym keledi. Sondyqtan bolashaqta oqýshylardyń jaqsy tárbıe jáne bilim alýy úshin kóp eńbektenetin bolamyn.