InfoHub Logo

Senarı taqyryby: Táýelsizdik - tuǵyrym
Senarı barysy: «Toıbastar» kúıi (habarlanbaıdy)
1 - júrgizýshi:
Armysyzdar, qurmetti ustazdar, oqýshylar jáne qadirmendi qonaqtar! Búgingi Táýelsizdigimizdiń 30 jyldyǵyna arnalǵan «Táýelsizdik - tuǵyrym» atty merekelik keshimizge qosh keldińizder!
Táýelsizdik eń basty qundylyǵymyz! Táýelsizdikke qantógissiz, beıbit túrde qol jetkizgennen keıin ǵana elimizdi álemniń órkenıetti memleketteriniń qataryna qosa aldyq. 31 jyl ishinde táýelsiz Qazaq elin qalyptastyryp, naryqtyń qıyn ótkelekterinen aman ótkizip kelemiz. Osy kezeńde Qazaqstandy dúnıe dıdaryndaǵy eń myqty memleketter tanıtyndaı, syılaıtyndaı deńgeıge jetkizgen tuńǵysh Nursultan Nazarbaevtaı kóregen saıasatkerdiń eren eńbegin dál búgin jáne árqashanda aıtyp ótemiz.
Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata - babalarymyz ǵasyrlar boıy armandap, kútýmen ótti.
Altaıdan Alataýǵa deıin ulan – ǵaıyr jerdi meken etken ata – babalarymyz táýelsizdikti arman etken. Osynaý keń dalany kók naızanyń ushymen, som bilektiń kúshimen qorǵaǵan babalarymyzdyń amanatyn oryndaý úshin talaı bozdaqtar jankeshtilikke barǵan. Qarakereı Qabanbaı, Qanjyǵaly Bógenbaı batyrlardan bastap, Isa Dosan, Shotan batyrlar, berirekte Baýyrjan, Mánshúk, Álıa syndy batyrlar sol el qorǵaýdy uran etken, sol úshin qurban bolyp, el qurmetine bólengen batyrlar.
Reseıdiń ezgisinde bolyp, tilimiz ben dinimizden bezip, orystanǵaly turǵanda Qaırat Rysqulbekov, Lázzat Asanova sıaqty qyrshyn jastardyń qurbandyqqa barýy arqasynda ǵana táýelsizdik alyp, egemendi el boldyq.

2 - júrgizýshi:
Qazaq halqy erkindikke jetý úshin qanshama qıyn – qystaý kezeńderdi bastan keshirdi. Myńdaǵan jyldyq tarıhy bar, Qazaqstan óz táýelsizdigin aldy. Al, 1986 jylǵy oqıǵa halyqtyń esinde máńgi saqtalady.
16 – jeltoqsanda qazaq jastary Ortalyq alańǵa shyǵyp, Qazaqstan táýelsizdigin talap etti.
Bul kún - Qazaqstan tarıhynda táýelsiz Qazaqstan Respýblıkasynyń týǵan kúni dep altyn árippen jazyldy. Sondyqtan da jeltoqsan búkilhalyqtyq mereke.
Qazaqstan joǵary Keńesi 1991j. 16 jeltoqsanda Qazaqstandy táýelsiz Respýblıka dep jarıalady. Eki júz jyldaı patshalyq Resseıdiń otary, jetpis jyldan astam Keńes úkimetiniń buǵaýynda bolǵan Qazaqstan egemen el boldy. Mine sodan beri 30 jyl!
Táýelsizdigimizge arnalǵan merekelik keshimizdi elimizdiń memlekettik ánuranymen bastaıyq.
Ánuran oryndalady

1 - júrgizýshi:
Armandardy jaqyndatyp tym alys,
Bizdiń jaqqa jetken eken jyly aǵys.
Egemendik - el baqyty, erteńi,
O, halaıyq! Qutty bolsyn qýanysh!
Azat ólkem kúndeı kúlgen shyǵystan,
Asyl elim jan - júrekti uǵysqan.
Ata babam ańsap ótken baqytym,
Aınalaıyn, Qazaqstan - Gúlstan!

2 - júrgizýshi:
Keń baıtaq, kóz jetpeıtin jerim meniń
Taýly orman, jasyl jaılaý kólim meniń
Búginde bar álemge dańqyń jetti
Táýelsiz Qazaqstan – elim meniń
Quttyqtaý sóz kezegi mektebimizdiń dırektory Dándibaev Saǵyndyq Muhamedıaulyna beriledi.
Án «Týǵan jer» oryndaıtyn 9 - synyp oqýshysy: Tekebaı Káýsar

1 - júrgizýshi: Meıirjan, sen bilesiń be Jeltoqsan oqıǵasynyń shyǵý sebebi ne ekenin?
2 - júrgizýshi: Iá, bilemin. 1986 jylǵy 16 jeltoqsanda tańerteńgi saǵat 10. 00 - da bar - joǵy 18 mınýtqa sozylǵan Qazaqstan Kompartıasynyń plenýmynda elimizdi shırek ǵasyr basqarǵan Dinmuhamet Ahmetuly Qonaev ornynan alynyp, shetten kelgen Gennadıı Kolbın saılandy. Bul, árıne, Qazaq halqynyń narazylyǵyn týǵyzyp, áıgili Jeltoqsan oqıǵasyn týǵyzdy.
Osy 17 - 18 jeltoqsan kúnderin qarapaıym aýyl azamaty Lesbek Omarov bylaı dep jyrlaıdy:
Qasqaldaq ushyp kólinen,
Shúregeı kelip qonǵan kún.
Qyrandy qýyp kóginen,
Qarǵalar bılik alǵan kún.
«Nashaqor» dep, «ultshyl» dep,
Qazaqqa kúıe jaqqan kún.
Qaqaǵan kúnniń yzǵary,
Súıekten ótip ketken kún.
Qarakóz Qazaq qyzdaryn
Omondar bastan tepken kún,
Ozbyrlyq kúshpen tunshyǵyp,
Úmittiń oty óshken kún.
Janyna tappaı bir daýa
Er qaırat qyrshyn ketken kún.
Án: «Qara baýyr qasqaldaq» 8 - synyp oqýshysy: Zıada Erlan

Táýelsizdik - tuǵyrym. júkteý