InfoHub Logo

Taqyryby: Mamandyqtyń bári jaqsy
Maqsaty:
- oqýshylardyń oılaý qabiletin damyta otyryp, mamandyqqa baılanysty uǵymdaryn tereńdetip, qyzyǵýshylyǵyn arttyrý; zat esimniń jalǵaýlaryn qaıtalaý
- sýret boıynsha sózder, sóz tirkesterin jáne shaǵyn mátinder qurastyrýǵa úıretý; sózdi baılanystyryp sóıleý qabiletterin damytý,
- basqanyń pikirin tyńdap, syılaı bilýge tárbıeleý. Dıalogty sóıleýge jattyqtyrý.
Kórnekiligi: túrli mamandyq ıeleri týraly sýretter, ınteraktıvti taqta.

Sabaqtyń barysy:
İ. Uıymdastyrý. Sálemdesý, túgendeý.
Aýyzeki sóılesý
1. Búgin neshesi?
2. Búgin qaı kún?
3. Búgin aýa raıy qandaı?
4. Jyldyń qaı mezgili?
5. Aınalada qandaı ózgerister bar?
İİ. Úı tapsyrmasyn tekserý
Oqýshylardyń úıge berilgen taqyryptar boıynsha qurastyrǵan áńgimelerin tekserý. «Men bos ýaqytymdy qalaı ótkizemin», «Meniń dosymnyń áýes isi»,
«Kóp bilip, kóp úırený qajet».

İİİ. Jańa sabaq barysy.
1. Ázir as joq dúnıede.
Sabaq ózi oqylmaıdy,
Kóılek ózi toqylmaıdy,
Tuqym ózi sebilmeıdi,
Úıler ózi salynbaıdy,
Kender ózi tabylmaıdy,
Kitap ózi jazylmaıdy.
... Barlyq istiń batyry – biz,
Eki qol men aqylymyz.

Osynyń bárin kim isteıdi? Kim aıtady?
Asty kim ázirleıdi?
Sabaqty kim oqıdy?
Kóılekti kim toqıdy?
Tuqymdy kim sebedi?
Úılerdi kim salady?
Kendi kim tabady?
Kitapty kim jazady?
(kesteni toltyr)

Tirek shemany ınteraktıvti taqtada kórsetý.
Osy sózderdi bir ataýmen qalaı ataımyz? Osy sózderdiń ortaq ataýy - MAMANDYQ.
Sabaqtyń taqyrybyn aıtyp, maqsatty aıqyndaý.

İÚ. Taqtadaǵy sýrettermen súıemeldep kórsetý - kórnekilik ádisi boıynsha mamandyqqa baılanysty sózderdi paıdalana otyryp sóılem qurastyryp, dápterge jazdyrý.
Úlgi: Mynaý tiginshi. Tiginshi atelede jumys isteıdi. Bul on saýsaǵynan óner tamǵan tiginshi. Aýdan adamdary bul tiginshini qatty syılaıdy
1. Júrgizýshi
2. Órt sóndirýshi
3. Tiginshi
4. Áskerı qyzmetker
5. Ártis
6. Qurylysshy
7. Aspazshy
8. Dáriger
9. Etikshi
10. Shashtaraz
11. Muǵalim
12. Kitaphanashy

V. «Durys pa, burys pa?» oıyny.
Durys bolsa qol kóteredi, burys bolsa kótermeıdi.
Qoıshy balalardy oqytyp júr.
Júrgizýshi mashına júrgizedi
Aspazshy úı salyp júr.
Dáriger adamdardy emdeıdi.
Jazýshy hat, gazetter tasyp júr.
Dáriger etik tigip otyr.
Muǵalim balalardy emdep júr.
Ushqysh ádemi kıim tigedi.
Órt sóndirýshi órtti sóndiredi.
Sýretshi sahnada án aıtyp tur.

Vİ. MÁTİNMEN JUMYS
1. Jańa sózdermen tanysý:
mamandyq tańdaý - vybor professıı
maqsat - sel
degenine jete alady - ýmeet dostıgnýt selı
qalaýymen tańdap alady - vybıraıýt po jelanıý
arashashysy - spasatel
órnek salady - pletet ýzory
tereń - glýbokıı
bilim alýǵa talpynady - stremıtsá polýchıt znanıe
árqashan úndesip jatady - vsegda sozvýchny

2. Mamandyq tańdaý. Mátinmen jumys
Mamandyq tańdaý - ár adamnyń maqsaty. «Armansyz adam, qanatsyz quspen teń»,- deıdi halyq. Barlyq adamnyń armany bolady. Armanshyl adam bolashaqta degenine jete alady. Mamandyq pen ónerdi ol óz qalaýymen tańdap alady.
Mamandyqtyń túri kóp. Ánshi halyq aldyna shyǵyp án salady. Dáriger – adam ómiriniń arashasy. Ustaz shákirtterdi bilimge jeteleıdi. Jazýshy sózben órnek salady.
Adam jas kezinen tereń bilim alýǵa talpynady. Kóp oqıdy. Óz betinshe izdenedi. Basqa adamdardyń ómirimen tanysady. Sondyqtan da bala shaq pen bolashaq árqashan úndesip jatady.

3 Mátindi oqyp, jospar quryńdar
4. Oqýshylar jospar boıynsha dıalog qurastyrady
Vİİ. GRAMATIKALYQ TAPSYRMALAR
Zat esim degen ne?
Ol qandaı suraqtarǵa jaýap beredi?
Onyń qandaı jalǵaýlary bar?
Jalǵaýlar qandaı zańǵa júginedi?

Kesteni toltyr, mysaldar keltir (ınteraktıvti taqtany qoldaný).
Mysaly: mamandyq+tar (kóptik jalǵaý)
mamandyǵ+ym (táýeldik jalǵaý)
mamandyq+tyń (septik jalǵaý İ. s)
maman+myn (jiktik jalǵaýy)

Mátindegi zat esimderdi taýyp, jalǵaýlaryn anyqta.

Sabaq qorytyndysy.
«5 saýsaq birdeı emes» degendi qalaı túsinesińder? Árıne, ár adam ózinshe qyzyqty. Barlyǵymyz birdeı qutqarýshy, muǵalim, ushqysh bola almaımyz. Ár adam óz qalaýy boıynsha mamandyq tańdaıdy. Bizdiń tańdaýymyz da ártúrli. Bireýiń erteń aqyn, ekinshiń ınjener, úshinshiń qurylysshy bolasyń. Jaman mamandyq joq. Mamandyqtyń bári jaqsy.

Úİİİ. Úı tapsyrmasy:
Sózderdi jattaý.
«Meniń bolashaq mamandyǵym» taqyrybyna áńgime qurastyrý.
Sabaqqa qatysqan oqýshylardy baǵalaý