InfoHub Logo

Zal ásem bezendirilgen. Ana men balanyń sýretteri, túrli - tústi sharlar ilingen. Plakattan «Mápeleıdi ana - qolyndaǵy qusyn» degen jazýlarda ilingen. Balalar áýendi ánmen zalǵa kiredi.

Tárbıeshi:
Naýryz meıram júrekterge nur sepken
Mańdaıymnan súıip jatyr kún kóktem
Jaryǵyńmen, shýaǵyńmen kún - Ana,
Alyp keldiń jer betine gúl kóktem.
Shyn júrek aq kóńilmenen
Alǵashqy kóktemniń kúlimdegen
Quttyqtaımyz segiz naýryz merekesi
Halyqaralyq áıelder kúnimenen
Qurmetti analar! Qurmetti balabaqsha qyzmetkerleri! Búgin sizderdi kópten kútken segizinshi naýryz halyqaralyq áıelder kúnimen quttyqtaımyz. Mektepaldy daıarlyq tobynyń «Mápeleıdi ana - qolyndaǵy qusyn»- atty saıys erteńgiligine qosh keldińizder!
Sulýlyqtyń ózine de kómektesý kerek, kórkem nárseniń ózi eger onyń kemshiligin jasyryp, artyqshylyǵyn asyryp otyrmasa usqynsyz keıipke túsedi, dep uly adamdar aıtqandaı búgin ardaqty aıaýly analar saıysqa túsedi.
(Ádil qazylar alqasyn saılaý)

Saıysymyzdyń shartymen tanystyramyz.
1. Shash úlgi. Ásemdik salony. (anasymen birge)
2. Ózin - ózi tanystyrý. (bala)
3. Gúlderden býket jasaý.(anasymen birge)
4. «Men anamnyń kómekshisimen» (bala)
5. Tanımyn – jazamyn, bárinde bilemin. (bala)
«Monshaq tizeıin» (ana)
6. Úı tapsyrmasy (ekeý)
7. Kóktemgi koleksıa. (ekeý)
8. Óz ónerin kórsetý. (Bala)

Tárbıeshi:
O, qazaqtyń qyzdary ǵajap netken,
Sulýlyqty ónerdi qanat eken
Pash etti qazaǵymdy kúlli álemge
Olarǵa Aı qyzyǵar qarap kóktem.
Saıysqa qatysatyn arý búldirshin qyzdarymyzdy ortaǵa shaqyramyz. (Saıyskerlerdi ortaǵa esimderin atap shyǵarý)
1 - shartymyz. Shasha úlgi. Ásemdik salony. (anasymen birge)
Oljas:
Aıalaǵan baptaǵan,
Asyraǵan saqtaǵan
Saqtandyryp kúnde eppen
Aıtyp bárin úıretken
Anamyzǵa myń alǵys
Adal bol dep baldyrǵan
Ádildikke baýlyǵan
Júreginde mahabbat tileginde marhabat
Anamyzǵa myń alǵys.
Jandos:
Ulym - ulym deısiń de
Urysýmen ustaısyń,
Kúnim – kúnim deısiń de
Úıde otyr dep qystaısyń
Janym - janym deısiń de
Shapalaqtap alasyń
Ókpeler em ózińe
Átteń tátti mamasyń.