InfoHub Logo

Maqtanshaq Qoıan
Ormanda bir qoıan ómir súripti. Ala jazdaı saırańdap, toǵaıdaǵy jemis - jıdekterdi terip jegen ol, qys tússe qarny ashyp, aýylǵa arpa urlaýǵa barady eken.
Bir kúni ol aýyl shetindegi turatyn sharýanyń úıine urlyqqa keledi. Qorasyna kirse, qaptaǵan qoıan. Ol maqtana bastaıdy.
- Sender úıde tursańdar qaıteıin?! Men senderden báribir artyqpyn. Meniń murtym - murt - aq! Senderdikindeı emes! Al, tabanym men tisterim she? Senderdiki salystyrýǵa da kelmeıdi. Men eshkimnen qoryqpaımyn! Úı qoıandary maqtanshaq qoıannyń qylyǵyn Qarǵa tátelerine aıtyp beredi. Ol bóspe qoıandy jazalamaq bolyp, izdep taýyp alady. Dańǵoı qoıan shoshyp ketedi: - Qarǵa táte! Tıispeshi. Men endi maqtanyp, eldiń mazasyn almaıtyn bolamyn! - Solaı de! Bosqa maqtanba! Elden ereksheligińdi bos sózben emes, isińmen kórset! - deıdi Qarǵa. Arada biraz kún ótken soń, birde qarasa, álgi qarǵany ıtter talap jatyr eken. Jany ashyp ketken qoıan qutqarmaq bolady. Itterdiń nazaryn ózine aýdaryp, tura júgiredi. Qarǵany tastaı salǵan ıtter qoıandy qýa jóneledi. Ol qashyp qutylady.
Qoıannyń erligine rıza bolǵan qarǵa oǵan kelip jolyǵyp: - Raqmet saǵan! Sen maqtanshaq emes ekensiń, maqtaýǵa turatyn er ekensiń! - dep rızashylyǵyn bildiredi.

Ertegiler eline saıahat, ertegiler jınaǵy