InfoHub Logo

Ózin - ózi taný páninen qysqa merzimdik sabaq jospary

I. TARAÝ
TANYM TAǴYLYMDARY
Sabaqtyń ataýy «Mahabbat - ómir nári»
Jalpy maqsaty: «Mahabbat» qundylyǵy týraly túsinikterin keńeıtý. Adam boıyndaǵy mahabbat sezimin, súıispenshilikti tanyp, ony qurmet tutýǵa baýlý;
Mindetter:
- mahabbattyń bar adamǵa ortaq kóp qyrly degdar sezim ekenin, al súıý men ǵashyq bolý jaratylystyń adamǵa bergen erekshe nurly, ińkárligi ekenin bildirý;
- adamdy, ómirdi, tabıǵatty súıe bilýge, ony qurmettep, qadir tutýǵa baýlý; óz sezimin damytýyna, sezim shýaǵynan lázzat alýǵa jeteleý;
- súıispenshilikke, sezimtaldyqqa, náziktikke tárbıeleý.
Sabaqta týyndaǵan negizgi ıdeıalar: Oqýshylar mahabbat sóziniń kópqyrlylyǵyn, maǵynasyn ashyp, túsinedi. Óz sezimderimen bólisedi. Mahabbat pen Ýaqyttyń adam ómirindegi alatyn ornyn óz betterinshe izdenedi. Oılaryn ashyq aıtyp, sezimderin jetkizýge úırenedi, basqalardyń pikirin tyńdap, qorytyndy shyǵarýǵa úırenedi. Juppen jumys jasaı alady.

Kútiletin nátıje: Synı oılaý arqyly ózin baǵalaıdy, óz is – áreketin baǵalaıdy.
Tapsyrmalar
Úsh deńgeıli oqýshylarǵa I. «Mahabbatsyz - ómir bos» esse jazý
II. «Ómirińizge mahabbatty engizý» (338 bet) mátindi oqyp, túıinin shyǵarý
III. «Jan qalaýynan - mahabbat, sana qalaýynan - dostyq, tán qalaýynan - qumarlyq týady. Demek mahabbat pen qumarlyq eki basqa. Qaıyń otpen dostasýǵa qumartypty. Ot qaıyńǵa óziniń jalyndaǵan gúlin usynypty. Jasqaıyńnyń kúli ǵana qalypty» maǵynasyn ashý. (741 - bet)
Oqýshylardy uıymdastyrý, sálemdesý shattyq sheńberi, psıhologıalyq ahýal ornatý, yntalandyrý

STO suraqtary
Sabaqtyń mańyzdylyǵy ne?
- oqýshylar ne alady?
- burynǵy bilimin qalaı paıdalana alady?
- ómirden alǵan tájirıbesiniń áseri?
- sabaqtyń bolashaqta oqýshyǵa qandaı paıdasy bar?

Sabaq barysynda jasaǵan muǵalim men oqýshynyń is - áreketi
Kóshbasshylyq jasaý. «Merekem - sen» ánin oryndaý.
Sózi men áni Q. Qazybekovtiki
Mahabbatym, nár berdiń,
Júregime - janyma
Ǵumyryma gúl ektiń,
Armanyma - jolyma.
Qaıyrmasy:
Jan shýaǵym merekem,
İzdegenim sen eken.
Ózińmenen shattanyp,
Kirer meniń berekem.
Móldiregen kózińdi,
Súıem degen sózińdi,
Qýat etip kelemin.
Qaıyrmasy:
Baqytym da sen boldyń,
Maqsatym da ańsaǵan.
Boldym yntyq ózińe,
Kezdeskeli men saǵan.

Aqmola oblysy,
Selınograd aýdany, №10 orta mektebiniń
psıholog jáne ózin-ózi taný páni muǵalimi
Esbosynova Aınash Kýanyshovna