InfoHub Logo

Almaty qalasy Túrksib aýdany №84 jalpy bilim beretin mekteptiń ózin-ózi taný páni muǵalimderi
Gaýhar Mankýova, Aqnur Ermahan

Tulǵany ózimen úılesimdilikte damytý – qazirgi kúnniń basty baǵyttarynyń biri. Meıirimdilik pen súıispenshilik, mahabbat pen senim arnalarynyń toǵysýyn ǵylym retinde qarastyratyn «Ózin-ózi taný» pániniń mektep oqýshylary úshin taǵylymdyq jáne ónegelik astary mol. Sondyqtan osyndaı baǵyttaǵy is-sharalardy respýblıka kóleminde bir ýaqytta, bir mezgilde qatarlastyra alyp, ózara kelisimde ótkizýdi biraz jyldan beri dástúrge aınaldyryp kele jatqan «Ózin-ózi taný pániniń onkúndigi» bıyl erekshe datamen – Sara Alpysqyzynyń 80 jyldyq mereıtoıymen tuspa-tus keldi. Atalǵan buqaralyq aýqymdaǵy is-sharaǵa Almaty qalasy Túrksib aýdany №84 jalpy bilim beretin mekteptiń ózin-ózi taný muǵalimderi de súbeli úlesterin qosyp, josparǵa saı is-sharalar ótkizdi. 1-aqpan kúni onkúndik saltanatty túrde ashylyp, kitaphanashy I.Kalmykovanyń «Meıirim tógetin ana» atty kitap kórmesine ulasty. Sh.Djakýpovanyń «Adamgershilik-rýhanı bilim berýdiń 12 qadamy» atty qabyrǵa buryshy, G. Mankýovanyń «Altyn júrek anamyz» atty esse baıqaýy, A.Arapbaeva men A.Ermahannyń uıymdastyrýymen «Altyn júrek» atty mánerlep oqý saıysy, M.Adambekovanyń «Adamgershilik pen rýhanıattyń móldir bulaǵy» atty 2-4 synyptar arasynda sýret kórmesi, áleýmettik pedagog B.Erjanovanyń «Altyn júrek: qol ushyńdy soz» atty is-sharasy, sonymen qosa «Júrekten júrekke» qamqorlyq aksıasy, S.A.Nazarbaevanyń 80 jyldyǵyna arnalǵan kınofılmder kórsetý, áleýmettik jobalar jasaý, ózin-ózi taný páni muǵalimderiniń ashyq sabaqtary syndy túrli formatty qamtyǵan onkúndik erekshe ótkizildi. Oqýshylar belsendilikpen qatysyp, shyǵarmashylyq qabilettiriniń joǵary deńgeıin kórsetti. 12-aqpanda onkúndiktiń jabylý saltanatynda ótkizilgen is-sharalarǵa taldaý jasalyp, S.A.Nazarbaevanyń ómiri men qyzmeti jaıly tanymdyq materıaldar ortaǵa salyndy.

Tulǵanyń úılesimdi damýy men jaǵymdy ortasyn qalyptastyrý maqsatyndaǵy «Ózin-ózi taný» onkúndiginiń mektep ómirindegi mańyzyn aıqyndaı kele, baǵdarlama avtory S.A.Nazarbaevanyń 80 jyldyǵymen quttyqtaımyz! Ómirimiz óristi, shyǵarmashylyǵymyz kelisti bolsyn!

---