InfoHub Logo

Ózin-ózi taný sabaǵynyń jospary
Taqyryp: Mektep - bizdiń ortaq úıimiz
Qundylyq: durys áreket
Qasıetter: uqyptylyq, jaýapkershilik, qurmetteý.
2 synyp
Sabaq maqsaty: oqýshylardyń mektepti ortaq úıi retindegi kózqarastaryn qalyptastyra otyryp, durys áreket qundylyǵynyń mánin ashý.
Mindetteri:
- mekteptegi minez - qulyq erejesiniń mánin durys áreket qundylyǵymen baılanystyra otyryp, uǵyndyrý;
- uqyptylyq, jaýapkershili qasıetterin damytý;
- uqyptylyqqa, jaýapkershilikke, qurmetteı bilýge tárbıeleý.
Sabaq barysy:
1. Uıymdastyrý kezeńi.
Tynyshtyq sáti.(baıaý áýen)
Nurǵa bólený.
2. Úı tapsyrmasyn tekserý.
27 - bet "Meniń mektebim" (J. Jaılaýbekqyzy)
Suraqtar:
1. Ataıdyń óz mektebin maqtanysh etýdiń sebebi nede?
2. Atasy mektebinde kimdi (neni) asqaq, jaryq, taza dedi? Nelikten?
3. Sen óz mektebińde kimdi (neni) asqaq, eń jaryq, eń taza der ediń?
3. Dáıek sóz.
Mektep - keme, bilim - teńiz,
Barar jerge tez jetemiz. ( Q. Amanjolov)
Dáıeksózdi hormen oqý, qaıtalaý dápterge kóshirip jazý.
Dáıeksózdiń mánin ashý.
Suraqtar:
1. Ustaz qandaı bolý kerek?
2. Ustamy jaqsy degendi qalaı túsinesińder?
3. Shákirt ustazynan ozady degendi qalaı túsinesiń?
4. Áńgimeleý (suhbat). Muǵalim syıy:
Tabandy bala
Erte zamanda Álim degen bala ómir súripti. Onyń ákesi qaıtys bolyp, jalǵyz anasymen qalady. Olar kedeı otbasynan edi.
Kún artynan kún óte beredi. Balanyń mektepke baryp, oqıtyn ýaqyty keledi. Biraq ony mektepke aparýǵa esh múmkindik bolmaıdy. Alaıda Álim «Men oqýym kerek» dep arlanady.
Kishkentaı Álimniń kórshileri óte baı adamdar edi. Álim kórshisine kelip: «Siz úıińizge qyzmetshi izdep júr ekensiz, meni alyńyzshy! Eńbegime kóp aqy suramaımyn, tek qana anda - sanda sizdiń uldaryńyz qalaı oqyp jatqanyn kórsem, jetkilikti», – deıdi.
Baı tegin jumysshy tapqanyna qýanyp, kelise ketedi.
Bala baıdyń úıinde tań atqannan kesh batqanǵa deıin bel jazbaı jumys isteıdi. Biraq Álim muǵalimge kórinbeı, onyń aıtqandaryn tyǵylyp turyp tyńdap alatyn edi. Sóıtip, Álim oqý men jazýdy úırenip alady.
Bir jyldan keıin óz betinshe sózderdi ajyrata alatyn boldy. Biraq qaıda, nemen jazaryn bilmeı, basy qatady.
Álim óziniń anasymen teńiz jaǵasyndaǵy kishkentaı úıde turatyn edi. Teńiz tolqyny qum betin shaıyp, tegistep ketetin. Álim qolyna taıaq alyp, teńiz jaǵasyna kelip, qum betine áripterdi jaza bastady. Teńiz tolqyny shaıyp, jazǵandaryn óshirip ketedi. Álim erinbeı qaıta jazýdan jalyqpaıdy. Endi oǵan oqıtyn kitap kerek boldy.
Bir kúni baıǵa kelip: «Siz maǵan óz kitaptaryńyzdy oqýǵa ruqsat etseńiz, men taǵy da bir jyl aqysyz jumys isteýge keliser edim», – deıdi.
Baı mundaı tegin jumysshydan aıyrylǵysy kelmeı, kelise ketedi.
Álimge erteden qara keshke deıin jumys istep, túnde oqýǵa týra keldi.
Odan beri kóp jyldar ótti. Álim óz maqsatyna jetip, úlken ǵalym bolypty.
Adamdar kishkentaı Álimniń tabandylyǵyn áli kúnge deıin eske alyp otyrady eken.
Suraqtar:
• Bala óz maqsatyna qalaı jetti?
• Balanyń ǵalym bolýyna qandaı qasıetteri kómektesti?
• Qazaq halqynyń qandaı ǵulama ǵalymdaryn bilesińder?

Shaǵan jalpy orta bilim beretin
Muǵalim: Sabırova A. B.

Mektep - bizdiń ortaq úıimiz. júkteý