InfoHub Logo

Mektep jasyna deıingi balalardy dıdaktıkalyq oıyn arqyly oınata otyryp olardyń oı-órisin damytý
Mektep jasyna deıingi balany damytatyn, ósiretin, ári tárbıeleıtin óziniń negizgi is – áreketi - oıyn. «Oıyn oınap, án salmaı óser bala bolama?!» deıdi bizdiń qazaq halqymyz. Balalar oıyndarynyń tárbıelik mańyzyn joǵary baǵalaı kelip, A. S. Makarenko bylaı dep jazady: « Bala oıynda qalaı bolsa, ósken soń jumysta da kóp jaǵynan uqsas bolady». Oıyn ústinde bala ózin erkin ustaıdy, onyń izdempazdyq, tapqyrlyq qabileti oıanady. Oıyn bala úshin naǵyz ómir.
Oıyn negizinen balalarǵa dene shynyqtyrý jáne estetıkalyq tárbıe berýdiń mańyzdy quraly. Oıyn balalardy uıymshyldyqqa úıretedi. Oıyn túrleri kóp, sonyń ishinde mańyzy – dıdaktıkalyq oıyn. Dıdaktıkalyq oıynnyń mazmuny birneshe elementten qurylady:
- dıdaktıkalyq tapsyrmalar;
- Mazmuny men erejesi jáne oıynnyń oryndalýy.
Munda basty element – dıdaktıkalyq tapsyrmalar, qalǵan elementter osy tapsyrmaǵa jáne onyń oryndalýyna kómektesedi. Tapsyrmalar ár túrli bolady ( jospar taqyryptaryna saı). Oıyn erejelerge súıenedi. Erejeler ár balanyń oıynda ne isteý kerektigin, qalaı isteý kerektigin, maqsatqa jetý joldaryn kórsetedi jáne aqyl – oı qabiletterin damytady, ásirese kishkentaı toptaǵy balalardyń ózin - ózi ustaýǵa, ózderiniń minez - qulyqtaryn qadaǵalaýǵa úıretedi. Sonymen birge, psıhologıalyq jaǵdaılaryn jaqsartady: kóńil aýdarǵyshtyǵyn, baıqaǵyshtyǵyn jáne meıirimdilikke, kishipeıildilikke úıretedi. Balalar alǵan bilimderin oıyn barysynda kórsete bilýge, bir – birimen qarym – qatynas jasaýǵa, ádil bolýǵa, qıyndyq kezinde kómektesýge, óz oılaryn jetkize bilýge, qıalynyń damýyna, qıyndyqty aqylmen jeńe bilýine kómektesedi. Osynyń bári balany mektepke daıarlaıdy.

Qaraǵandy qalasy,
KMQK «Qarlyǵash»
balabaqshasynyń tárbıeshisi
Adılova Nýrjanat Sagatbekovna

Tolyq nusqasyn júkteý