InfoHub Logo

Taqyryby: Mektepaldy daıarlyq toptarynda ınovasıalyq tehnologıalardy qoldaný
Ómirdiń - negizgi maqsaty ózińdi - óziń jetildirý.

Qazirgi zamanda bilim berý paradıgmasy ózgerdi, bilim berýdiń mazmuny jańaryp, jańa kózqaras jańasha qarym - qatynas paıda boldy. Jańa ǵasyr jańa bilim berýdi júktep otyr.
Pedagogterdiń aldyna qoıyp otyrǵan basty mindetteriniń biri - oqytýdyń ádis tásilderin únemi jetildirip otyrý jáne jańa pedagogıkalyq ınovasıa tehnologıany meńgerý.
HHİ ǵasyr tabaldyryǵyn bilim men ǵylymdy ınovasıalyq tehnologıalyq baǵy
Damytý maqsatymen atalýynyń ózi úlken mindettiń basty nyshany bolyp tabylady. Urpaǵy bilimdi halyqtyń bolashaǵy bulyńǵyr bolmaıdy.

Básekege qabiletti bilim keńistigin qurýǵa baǵyttalǵan qazaqstandyq bilim berý reformasynyń basty maqsattarynyń biri – ınovasıalyq tehnologıalarǵa súıene otyryp, balanyń boıynda shyǵarmashylyq oılaýdy damytýǵa múmkindik jasaý bolyp otyr. Mundaı kúrdeli máselelerdi sheshýde mektepke deıingi mekemelerdiń alatyn orny erekshe.

Qazirgi kezeńde elimizdiń bilim berý uıymdarynda oqytý prosesin izgilendirý úshin kóptegen jumystar jasaýda. Olardy ǵylymı tilmen aıtqanda ınovasıalyq proses dep ataıdy.»
Innovatıka uǵymynyń latynnyń «in - novus» degen sózinen shyqqan, «jańartý, ózgertý, jańashyldyq»degen maǵynany bildiredi. Iaǵnı pedagogıka ǵylymynda jańa ádisterdi, tásilderdi, quraldardy baǵdarlamalardy paıdalanýdy ataıdy.

Inovasıa degenimiz - bilim berý, tárbıeleý jumysyna jańalyqty engizý, ıaǵnı jańa ádis - tásilderdi, amaldardy, quraldardy, jańa konsepsıalardy jasap, olardy qoldaný dep anyqtalǵan.
Inovasıalyq bilim berý quraldaryna; aýdıo, vıdeo quraldar, kompúter, ınteraktıvti taqta, ınternet, kompúter - mýltımedıalyq qural, elektrondyq oqýlyqtar men oqý ádistemelik keshen, ınovasıalyq aqparattyq bank, ınovasıalyq saıt jáne taǵy basqalary jatady.
Mýltımedıalyq oqýlyqtar arqyly tárbıeshi ýaqytty tıimdi jáne utymdy paıdalana alady.

Mýltımedıalyq oqýlyqtar birinshiden, balalardyń qyzyǵýshylyǵyn arttyrady, ekinshiden, zeıin qoıyp kórýmen qatar túsinbegen jerlerin qaıta kórýge múmkindik beredi. Sonymen qatar búldirshinderdiń bilim alý kezeńinde oqý is - áreketine belsendiligin arttyrady. Mundaı quraldardy balabaqsha búldirshinderine taptyrmas qural dep ataýǵa bolady
Sebebi, bul kezeńdegi balalardyń zeıini ádemi tústerge, ádemi oıynshyqtarǵa jalpy ádemilikke áýes bolady.

Mýltımedıalyq oqýlyqtar tárbıeshi úshin de bala úshin de kúnbe-kún damytylyp otyratyn ádistemelik júıe bolyp tabylady
Mektepke deıingi. bilim berý úrdisinde aqparattyq, qatynastyq tehnologıa quraldaryn paıdalaný - balanyń tanymdyq qyzyǵýshylyǵyn qalyptastyrady.
Al tehnologıa degenimiz - pedagogtyq bilim, biliktilik, ıntellektýaldyq kásiptik ádis - tásilder júıesin qoldaný arqyly bilim berý maqsatyndaǵy pedagogpen balalardyń ózara qarym - qatynas úrdisi
Osy tehnologıalarǵa oıyn tehnologıasy kiredi.
Oıyn arqyly oqytý tehnologıasy.
Dıdaktıkalyq, tárbıelik, damytýshylyq maqsatqa jetý. Oıyndyq is - árekettiń psıhologıalyq mehanızmi jeke bastyń ózindik talap talǵamdaryna súıenedi. Balanyń boıynda bilimdilik, tanymdyq, shyǵarmashylyq qasıetterin asha túsýdi kózdeıdi.

Balanyń birinshi áreketi - oıyn, sondyqtanda onyń mán - maǵynasy bala úshin erekshe. Oıyn - adamnyń ómirge qadam basardaǵy alǵashqy qadamy. Uly oıshyl Abaı Qunanbaev atamyz «Oıyn oınap, án salmaı, óser bala bolar ma?»dep aıtqandaı balanyń ómirinde oıyn erekshe oryn alady. Oıyn oınaý kezinde eń birinshi balaǵa alynatyn oıynshyq olar: shelek, qalaq, ár túrli pishinder.
Sondyqtanda balanyń bir - birimen ara qatynastary qumda bolady. Bul qumda oınalatyn dástúrli oıyndar
Qumdaǵy oıyn - balanyń tabıǵı áreketiniń bir formasy. Qumnan sýretter turǵyza otyryp, túrli oqıǵalardy oıdan shyǵarady.

Qummen oınalatyn oıyndar - bul balanyń tabıǵı belsendiligin kórsetedi.
Sonymen qatar balanyń aqyl - oıyn júıeleý, oılaý, qabiletin jetildirý, dáldikke úıretý, shyndyqqa tárbıeleý, salaýattylyqqa tárbıeleý búgingi kún talaby. Jas balanyń ómirdi tanyp, eńbekke qatynasy, psıhologıalyq erekshelikteri osy oıyn ústinde qalyptasady.
Oıynǵa shartty túrdegi maqsattar qoıylady, al sol maqsat jolyndaǵy is - áreket bala úshin qyzyqty. Oıyn balalarǵa aqyl - oı, adamgershilik, dene shynyqtyrý jáne estetıkalyq tárbıe berýdiń mańyzdy tetigi deýge bolady.

Balalar oıyn barysynda ózderin erkin sezine alady. Oıyn barysynda bala qýanyshy men renishin aıqyn kórsete alady. Oıyn kezindegi balanyń psıhologıalyq ereksheligi olar oılanady, emosıalyq áseri ushqyndaıdy. munyń bári balanyń shyǵarympazdyq qabiletin ushtaıdy.
Oıynnyń túrleri kóp, sonyń ishinde mańyzdysy - dıdaktıkalyq oıyn. Bul oıynnyń paıdasy balanyń aqyl oıynyń qalyptasýyna áser etedi.

Dıdaktıkalyq oıyndar arnaıy maqsatty kózdeıdi jáne naqty mindetterdi sheshedi. Oıynnyń mindeti – balanyń qyzyǵýshylyǵyn oıatyp, belsendiligin arttyrý. Dıdaktıkalyq oıyndardy tıimdi paıdalaný sabaqtyń áserliligin, tartymdylyǵyn, belsendiligin, balanyń yntasyn kúsheıtedi.
Dıdaktıkalyq oıyndar úshke bólinedi

Dıdaktıkalyq oıyndar.

• Zattyq dıdaktıkalyq oıyndar
• Ústel ústinde oınalatyn dıdaktıkalyq oıyndar
• Sózdik dıdaktıkalyq oıyndar