InfoHub Logo

Mektepke deıingi bilim berý salasyna ınovasıalyq tehnologıalardy engizý arqyly balalardyń shyǵarmashylyq áleýetin damytý

Mektepke deıingi bilim berýde ınovasıalyq tehnologıalardy qoldaný
Biz danalyqty úsh jolmen úırenemiz:
oılaný - eń izgi jol;
Elikteý – eń jeńil jol;
Tájirıbe joly – eń aýyr jol.
Benedıkt Spınoza

Qazirgi tańda mektepke deıingi oryndarda ınovasıalyq tehnologıany endirýge kóptep kúsh jumsalady. Sol sebepti mektepke deıingi uıymdarda pedagogtardyń negizgi mindeti: ádis tásilderdi durys tańdaý, jańasha pedagogıkalyq tehnologıalardy durys qoldana bilý, jeke tulǵanyń durys damyp qalyptasýy úshin yńǵaıly jaǵdaı jasaý. Mektepke deıingi bilim berý oryndarynda, pedagogıkalyq tehnologıalar mektepke deıingi bilim berý standartyn júzege asyrýǵa baǵyttalǵan.

Pedagogıkalyq tehnologıada eń mańyzdy jaǵy bilim berý men tárbıe júıesinde eresekter men balalardyń qarym - qatynasy bolyp tabylady. Qarym - qatynas jasaýda úlkender jaǵynan balaǵa mynadaı jaǵdaı týǵyzý qajet:
«Bala bizdiń bolashaǵymyz, qoǵamyzdyń azamaty».
Onyń maqsaty: Balany jeke tulǵa etip qalyptastyrý.
Qazirgi tańdaǵy bilim berý tehnologıasynyń qataryna mynalar kiredi:
- Densaýlyq saqtaý tehnologıasy.
- Jobaly - is shyǵarmashylyǵy.
- İzdenis - shyǵarmashylyq tehnologıasy.
- Qatynastyq - aqparattyq tehnologıa
- Jeke tulǵaǵa baǵyttaý tehnologıasy.
- Bala men tárbıeshi portfolıo tehnologıasy.
- Oıyn tehnologıasy.
- Trız tehnologıasy jáne t. b.

Densaýlyq saqtaý tehnologıasy.
Densaýlyq saqtaý tehnologıasynyń maqsaty: Balanyń densaýlyǵyn nyǵaıtýǵa, bilim daǵdylaryn qalyptastyrýǵa baǵyttalǵan. Mektepke deıingi tárbıe men oqytý uıymdary, balanyń densaýlyǵy men onyń dene bitiminiń qalyptasýyna úlken úles qosady.
Qazirgi tańda adamdardyń damý jaǵdaıynda onyń densaýlyǵyn qalyptastyrýda rettik júıesiz múmkin emes.

Densaýlyq saqtaý pedagogıkalyq tehnologıasyn myna tómendegilermen tyǵyz baılanysta bolady:
- Mektepke deıingi mekemelermen.
- Ondaǵy balalardyń kúndelikti qatynasýy.
- Tárbıeshilerdiń jumys baǵdarlamasy.
- Mektepke deıingi uıymdardaǵy is - sharalar.
- Pedagogtyń kásibi quzirettiligi.
- Balalardyń densaýlyq kórsetilimi.