InfoHub Logo

Sabaqtyń taqyryby: Men elimniń azamatymyn!

Maqsaty:
- oqýshylardyń Otanǵa degen patrıottyq sezimin qalyptastyrý;
-«Otan», el qundylyqtary týraly túsinikterin qalyptastyrý;
Mindetteri:
- týǵan el, ósken ortanyń adam ómirindegi mańyzyn túsindirý;
- elge, Otanǵa degen súıispenshiligin arttyrý;
- eljandylyqqa tárbıeleý;
Kórnekiligi: Interaktıvti taqta, úntaspalar, sýretter, oqýlyqtar.

Sabaq barysy
1. Uıymdastyrý kezeńi
Sálemetsizder me balalar, men sizderdi kórgenime qýanyshtymyn.
Tynyshtyq sáti. Iran baqqa oısha serýen
Muǵalim: Balalar yńǵaılanyp, denelerińizdi tik ustap otyryńyzdar. Kózimizdi jumbaýǵa da bolady. Tańerteń sabaqqa kele jatyrsyz. Kenet kúlimdep kún shyǵyp saǵan nuryn tókti. Sol kezde seniń boıyńda keremet kúsh paıda boldy. Bul nur sáýlesiniń saǵan berip jatqan jylylyǵy, jaqsylyǵy, qýanyshy. Ony sen dostaryńa berýge mektepke qaraı asyqtyń. Kenet aldyńnan Iran baq kezdesti. Baqtyń ishine jaılap enip ediń tamasha tabıǵat, móldir bulaq, taý samalynan esken samal jel, bári - bári tamasha, keremet kúıge enesiń. Sen sol jaqsylyqty dostaryńmen, ustazyńmen tezirek bólisýge asyǵyp mektebińe keldiń. (Mýzyka jiberilip bir sát tyńdatady)
- Al balalar sen mektepke kele jatqanda qandaı sezimde boldyń?
- Týǵan jerińdi kóz aldyńa qalaı elestettiń?
Oqýshylar pikiri tyńdalady. Jetekshi suraqtar arqyly taqyryp ashylady

Jańa sabaq: Men elimniń azamatymyn
Balalar Sender azamat degen sózdi qalaı túsinesińder?
Sen óz elińdi qalaı súıesiń?
Naǵyz azamat – dep kimdi atar ediń?
Oqýshylar jaýaby tyńdalady
Ekrannan «Óz elim»ániniń klıpi jiberiledi
Oılanaıyq, pikirleseıik aıdary boıynsha jetekshi suraqtar qoıylady
- Án aıtylyp jatqanda qandaı sezimde boldyńdar?
-«Jerim dep meniń,
Soǵady máńgi júregim»- degendi
qalaı túsinesińder?
Áńgimeleý:
S. Máýlenov «Men elimdi súıemin»mátini úntaspadan tyńdalady.
Mátin boıynsha jumys jasalynady.
Jetekshi suraq.
*«Týǵan jersiz adamyn kúni joq»- degen sózdi qalaı túsinesińder?
* Óz eliń nesimen ystyq?
*Óz elińdi súıetinińdi qalaı dáleldeısiń?

Dáptermen jumys:
Biz mátinmen jumys jasap jatqanda Gaýhar apaılaryńyz sýret saldy. Sol sýretke at qoıyp shaǵyn áńgime quraımyz.
Oqýshylar jaýaby tyńdalady

Muǵalim sózi:
Týǵan el, jer degen sózder júrekke jyly áser etedi. Týǵan elin, ósken jerin súıý - árbir urpaqtyń paryzy. Sondyqtan da árbir adam týyp - ósken jerin aıalaıdy, qasterleıdi, qorǵaıdy, maqtan tutady. Óıtkeni, Otan - altyn besigimiz, ata - anamyz!
Dáıeksóz «El ishi - altyn besik»degen maqal berilgen osyny qalaı túsinesizder.
Oqýshylar pikiri.
Muǵalim sózi: El ishi - altyn besik»- dep beker aıtylmaǵan. Árbir adam týǵannan - aq el besiginde terbeledi. Olaı deıtinim ol sol eldiń topyraǵynda ósip, sýyn iship, aýasymen dem alyp, tabıǵatymen bite qaınasady. Elmen birge bolyp sýyǵyna tózedi, ystyǵyna shydap óz elimen birge tárbıelenedi.
Balalar úlkender bizderge «Jaraısyń», «Oı, azamat», «Úlken azamat bol»- dep rızashylyqtaryn bildirip jatady. Kánekeı oı bóliseıikshi.
Oqýshylar pikiri.
AZAMAT sóziniń árbir árpine, sol áripten bastalatyn adamnyń jaqsy qasıetterin jazyńdar.
A - adal
Z - zeıindi
A - ardaqty
M - meırimdi
A - abyroıly
T - tárbıeli
Minekeı balalar Sender azamat sóziniń mán maǵynasyn túsindińder.
Sender Táýelsiz Qazaqstanda ómir súrip jatyrsyńdar. Ata zańymyzdyń 30 babynda Azamattar memlekettik oqý oryndarynda tegin orta bilim alýǵa mindetti
Al, 36 babynda Qazaqstan respýblıkasyn qorǵaý - onyń árbir azamatynyń qasıetti paryzy jáne mindeti - dep atap kórsetilgen. Sondyqtan árqaısyń óz otanymyzdy súıip adal qyzmet etýleriń qajet. Otanǵa adal qyzmet etý senderdiń paryzdaryń. Ol úshin jaqsy oqyp, tıanaqty bilim alý kerek.

Tynyshtyq sáti.
Balalar bizder búgingi sabaqta nur sáýlesinen qýat alyp bilimimizdi tıanaqtap únemi eldiń alǵysyna bólenip, úlkenderden bata alyp, kishilerdiń qurmetine bólenip, táýelsiz qazaqstandy kórkeıtetin naǵyz eljandy azamat bolýdy úırendik. Abaı atamyzdyń 14 qara sózinde «Adam boıyndaǵy eń qymbaty - onyń júregi». Meırimdilik, izgilik, ózgeni óz baýyryndaı qabyldaý, oǵan ózine tileıtin tilek tileıtiniń barlyǵy júrektiń qalaýy. Adam bolyp týý az. Adam bola bilý kerek!. «Adam bolý qaǵıdasyn murat et»- deıdi. Abaı atamyzdy «Ǵajaıyp sózder» aıdarymen tolyqtyrar bolsaq;
- eliniń bedelin kóteretin;
- eliniń atyn shyǵaratyn;
- eliniń qamyn oılaıtyn;
- eli úshin eńbek etetin;
- eli úshin ómir súretin - naǵyz AZAMAT Sendersińder. Men senderge senemin.

Toppen án aıtý.
N. Tilendıevtiń «Óz elim»ánin aýdıo kassetadan tyńdatý.
Úıge tapsyrma «Men elimniń azamatymyn» taqyrybyna esse jazý.