InfoHub Logo

«Men jáne meniń esimim»

5 - 6 - synypqa arnalǵan psıhologıalyq trenıń - sabaq

Maqsaty:
●“Men” beınesiniń jaǵymdylyǵyn qalyptastyrýǵa jaǵdaı jasaý;
● Qarym – qatynas túrlerin damytý;
● Ózin - ózi tanýdy qalyptastyrý;

Búgin biz sizdermen ótkizgeli otyrǵan psıhologıa sabaǵynda basqa sabaqtaǵydaı jańa bilim alamyz. Ol bilim ózderiń týraly, bárimiz týraly.
Men kimmin? Osy suraqty adamdar jıi qoıyp keledi. Al adamdarǵa ony bilý ne úshin qajet?
Sonymen, “Men kimmin?” eń alǵashqy jaýap ózinen ózi týyndaıdy (Men adammyn). Al, árbir adamda onsyz ómir súre almaıtyn ne bar? (Esim) Endeshe men senderdiń esimderińmen jaqynyraq tanysqym keledi.

«Ózin - ózi tanystyrý» jattyǵýy
Oqýshylar sheńber boıymen, birin - biri qoldarynan ustap turyp óziniń atyn aıtady da, ony kim qoıdy, onyń shyǵý tarıhyn, óziniń atynyń qandaı maǵyna beretinin aıtý. Atynyń bas árpine baılanysty qandaı jaqsy qasıetterdi jatqyzýǵa bolady, sony aıtady.

M e n:
 Men – tek qol, aıaq nemese dene emespin.
 Men – bul senderdiń oılaryń, sezimderiń, sózderiń, senderdiń qylyqtaryń, senderdiń bir - birińe, basqalarǵa degen kózqarastaryń

Meniń esimim bolashaqta:

 Esimderińdi bolashaqta qandaı dárejede elestete alasyńdyr?
 Esimderińniń ataýyn nege bergileriń keledi?

«Meniń jaqsy qasıetterim» jadynama blankisi
Meniń jaqsy qasıetterim -------
Meniń qabiletim men talantym --------
Meniń jetistikterim ---------

«Kóz aldyńa elestet» jattyǵýy
Óz esimderińdi elestetińder. Yńǵaılanyp otyryńdar (aıaqtaryń edende, qoldaryń aldaryńda bos jatsyn), birneshe ret tereń dem alyp, syrtqa shyǵaramyz. Kózimizdi jumamyz. Múmkin sender ony jazý kúıinde nemese sýret túrinde kóretin shyǵarsyńdar. Ol qandaı? Úlken be, álde kishi me? Onyń túsi qandaı? Názik pe, álde aıqyn ba? Seniń esimińdi ustap kórse jumsaq pa, álde qatty ma, jyly ma, álde sýyq pa? Múmkin esimderińniń dybysyn estirsińder. Óz esimderińmen osy sátte birge bolyńdar. Al endi qaıtamyz... Kózimizdi ashamyz, denemizdi jazamyz, tik otyramyz.

«Órmekshi tory» jattyǵýy
Biz basqa da adamdar arasynda ómir súrgendikten, biz ózge adamnyń pikirimen de sanasýymyz kerek. Ol úshin ózimiz týraly basqalardyń ne oılaıtyndyǵyn bilýimiz qajet. Bul jattyǵý bizge ózge adamnyń kózimen qaraýǵa kómektesedi. Al búgin men senderden ádepti bolýdy jáne joldastaryń týraly tek jaqsy oı aıtýlaryńdy suraımyn. Endeshe jattyǵýymyzdy bastaıyq. Jipti bir birimizge laqtyra otyryp, sol adamnyń jaqsy qasıetterin aıtyp shyǵamyz.

«Jınaqtaýshy qol shapalaqtaý» jattyǵýy
Balalar, senderdiń búgingi jumystaryń úshin rahmet. Maǵan sendermen óte qyzyq boldy. Bir - birimizge jınaqtaýshy qol shapalaqtaý jattyǵýy arqyly alǵysymyzdy bildireıik. Men bir oqýshynyń qasyna baryp atyn atap, qolymdy shapalaqtaımyn, osylaı barlyǵymyz bir - birimizge birge baryp qol shapalaqtaý arqyly alǵys bildiremiz.