Men kimge uqsaǵym keledi?
Almaty qalasy, Áýezov aýdany
№42 jalpy bilim beretin mekteptiń
3 "á" synyp oqýshysy: Djýmagýlova Janıa
Synyp jetekshisi: Baktorazova Aıgerım
Ózimniń shyǵarmamdy tarıhta qalǵan 1986 jyly jeltoqsan oqıǵasynyń bas qaharmany Qaırat Rysqulbekov týraly jazǵym keldi. Moıynqum óńirinde, Birlik selosynda shopan otbasynda dúnıege kelgen.
Qaırat aǵamyz qaısar rýhty qazaqtyń balasy bolǵan. Ol bar joǵy jıyrma birde edi. Ómirge qushtar jas júrek, qansha bulqynsa da, ólim tuzaǵynan qashyp qutyla almady. Ol tiri qalǵanda aqyn bolar ma edi? Abaqtyda otyrǵan kezde óziniń óleńderiniń únin qosqan: «Meniń taǵdyrym», «Aqtyq sóz», «Anama», «Ana tili» jáne t,b. Onyń jyrlaryn búkil qazaq uıyp tyńdaıdy. Óleńderi adamnyń jan dúnıesin tebirentip, eriksiz kózińe jas keledi. Kóshelerge, mektepterge, mádenı-demalys saıabaqtaryna aǵamyzdyń esimi berilgen, eskertkishter de qoıylǵan, kitaptar shyǵarylǵan, derekti fılmder kórsetilgen.
Tarıhta ádil baǵasyn alǵan jeltoqsan oqıǵasyn búkil álem moıyndady. Qazaq eli óziniń táýelsizdigin aldy, kók týymyz jelbirep tur! Mende bir ǵana ókinish bar. Azattyq úshin jandaryn aıamaı alysqan, qaısarlyqtaryn kórsetip sol aǵa-ápkelerimiz búgingi baqytty sátterimizge, qýanyshty kúnderimizge kýá bolyp ortaqtasa almaýy.
Qazaq jerinde, qazaq otbasynda osyndaı aǵamyzdyń týylǵanyna maqtan tutamyn. Meniń oıymsha ol óz zamanyna saı bir úlken tulǵa dep esepteımin. Óıtkeni, onyń erligi qazirgi ósip kele jatqan bizdeı urpaqqa keremet úlgi. Sol sıaqty namysty qazaqtyń ul-qyzdary kóp bolsyn!
You Might Also Like
