InfoHub Logo

«Men ómirdi súıemin» trenıńi
Maqsaty: Trenıń qatysýshylaryna “Ómirdi súıý” jáne onyń máni týraly túsinik berý. “Men ómirdi súıemin” senimin ornatý. Adamnyń ómiri óz qolynda ekenin túsindirip, ómirdi súıýge daǵdylandyrý.

Trenıń barysy:
1. Trenıńke qatysýshylarmen sálemdesý.
2. «Men ómirdi súıemin» tanysý jattyǵýyn oryndaý. Shattyq sheńberin qura otyryp, árbir qatysýshy «Men ómirdi súıemin» dep óziniń aty - jónin men mektebin kezektesip aıtyp shyǵady.
3. Sergitý sátin oryndaý. Beınetaspa arqyly muǵalimderdi «Qyzyl órik» bıine bıletý.
4. Trenıń qatysýshylaryna ómir jaıly óleń oqý.
Ómir jaıly suraı berme sen menen
Ómirdi men jete zerttep kórmegem
Ómir jaıly bilgiń kelse qartqa bar
Qan maıdannan jalǵyz uly kelmegen.
Ómir jaıly ne túsinem men degen,
Ómir jaıly suraı berme sen menen
Bireý jylap, bireý nege kóńildi
Sodan baryp sura sen ómirdi
Sonda ǵana túsinesiń ómirdi.

Ómir qas - qaǵym sátte óte shyǵatyn aǵyndy ózen sekildi. Osy ómirdegi adamdar bir - biriniń qadirin bilip, bir - birine qamqor, qaıyrymdy, meıirimdi bolýy kerek. Ómirdiń, jaqyn adamdardyń, dostarymyzdyń, balalarymyzdyń qundylyǵyn sezinýimiz kerek!

5. Áńgimelesý sáti: "Oılanaıyq, pikirleseıik!" aıdary.
Adam balasy ne úshin ómir súredi?
Ómir adamǵa nesimen qymbat?
Sizdiń ómirdegi maqsatyńyz qandaı?
Ómir mánin túsinýge umtylý qanshalyqty qajet?
Siz ómirdi súıesiz be? Suraqtaryn muǵalimderge qoıyp, pikirlesý.

6. Muǵalimderge «Qolsyz jáne aıaqsyz» múgedek adamnyń bıi beınetaspasyn kórsetý.

7. Inklúzıv termınin muǵalimderge túsindirý.
ınklúzıv – qamtıtyn, lat. – qamtımyn – barlyq balalardyń túrli qajettilikterine beıimdeý turǵysynan barlyǵy úshin qol jetimdi bolýdy kózdeıtin jalpy bilimdi damytý úderisi, bul bilimdi erekshe qajet etetin balalardyń da bilimge qol jetkizýin qamtamasyz etedi.
Inklúzıvti bilim balalarǵa baǵyttalǵan jáne barlyq balalar – oqýda túrli qajettilikteri bolatyn ındıvıdýýmdar dep tanıtyn ádistemeni damytýǵa umtylady. Inklúzıvti bilim oqýdaǵy ártúrli qajettilikterdi qamtamasyz etý úshin ıkemdi bolatyn oqytý men oqý tásilderin jasaýdy kózdeıdi. Inklúzıvti bilim engizetin ózgeristerdiń nátıjesinde oqytý men oqýdyń tıimdiligi artsa, (erekshe qajettilikteri bar balalar ǵana emes barlyq balalar utady.

8. «Múgedek balalarǵa arnalǵan» beınetaspasyn muǵalimderge kórsetý.
Inklúzıvti bilim júıesin damytý slaıd betin kórsetip, túsindirý.
2015 jylǵa qaraı:
• múmkindikteri shekteýli balalardy biriktirip oqytýdyń modýldik baǵdarlamalary;
• múmkindikteri shekteýli balalardy jalpy bilim beretin ortada biriktirip oqytý erejesi ázirlenedi;
• túrli kemistigi bar balalar úshin birigý nysandary anyqtalady;
• múgedek balalarǵa qashyqtyqtan bilim berýdi uıymdastyrý qaǵıdalary ázirlenedi.
2020 jylǵa qaraı mektepterde múgedek balalar úshin kótergish jabdyqtar, pandýstar, sanıtarlyq bólmelerde arnaıy quraldar ornatý, tutqalarmen, arnaıy partalarmen, ústeldermen jáne basqa da arnaıy kompensatorly quraldarmen jaraqtandyrý arqyly «kedergisiz aımaqtar» qurylady.

9. "Qaýymdastyq" oıyny.
Trenıńke qatysýshy muǵalimdermen shattyq sheńberin qurý. Oń qoldyń alaqanyn jumyp, bas barmaǵyn shyǵaryp tómen qaratyp, kelesi muǵalimniń jazylǵan sol alaqanyna qoıý kerek. Al sol qoldyń alaqanyń kelesi muǵalimniń jumylǵan alaqanynyń bas barmaǵynyń astyna qoıý kerek. «1, 2, 3» ret sanap, 3 dep aıtqanda sol alaqandy jumyp qalý kerek. Osylaı eki ret, eki qoldy kezek aýystyrýǵa baılanysty oryndalady. Sodan keıin barlyq muǵalim oń qoldaryn qoıyp, odan keıin sol qoldaryn qoıyp, barlyǵy birge júrgizýshi tilegin aıta otyra aspanǵa qoldaryn kóteredi.
10. Qorytyndy.