InfoHub Logo

Men - qazaqtyń qyzymyn!
Men - qazaqtyń qyzymyn, baılyǵymyn.
Ata - anama kúsh beretin aıbynymyn.
Oılasam táýelsiz elim qazaǵymdy,
Umytylar boıymdaǵy qaıǵy - muńym.

Men - qazaqtyń qyzymyn, ulanymyn.
Bıikke samǵap ushar qyranymyn.
Álıa, Mánshúk apamyzdy uran etken,
Men elimniń maqtanyshy jyr - ánimin.

Men - qazaqtyń qyzymyn, ulymyn da.
Óz taǵdyrym myna meniń quzyrymda.
Eli úshin óz jandaryn qurban etken,
Júrek jutqan batyrlardyń júzi munda.

Men - qazaqtyń qyzymyn, altynymyn.
Erkelegen elimniń jarqynymyn.
Jeteleıtin elimdi men bolashaqqa,
Alǵa qaraı umtylar qarqynymyn.

Men - elimniń jaınap ósken gúlimin.
Kóktem shyqsa erte ashqan búrimin.
Baıtaq elim qazaǵymnyń jerinde,
Ómir súrgen adamdardyń birimin.

Men - qazaqtyń qyzymyn, jaqutymyn.
Qýanyshqa shashylatyn baqytymyn.
Balasy ketkende uzaq saparlarǵa,
Anasynyń saqtap qoıǵan sarqytymyn.

Men - qazaqtyń qyzymyn, aqynymyn.
Elim úshin eń alǵashqy jaqynymyn.
Balasy shapsa báıgelerde, úıde otyryp,
Anasynyń qysatyn taqymymyn.

Men - qazaqtyń qyzymyn, urpaǵymyn.
Qıyndyqty oılasam qorqady únim.
Táýelsizdik tuǵyryn bıik ustap,
Qazaǵymnyń ánuranyn shyrqarymyn.

Men - qazaqtyń qyzymyn, tasqynymyn.
Erekshe bop shyǵatyn basqa únimin.
Sharshaǵanda qulaıtyndaı mamyqqa,
Men daǵy qazaǵymnyń jastyǵymyn.

Men - qazaqtyń qyzymyn, kóktemimin.
Este qalar máńgilik ótkenimin.
Óleńderim tamsandyryp barlyq jandy,
Jyrlar máńgi ózińdi tókpeli únim.

Men - qazaqtyń qyzymyn, aǵynymyn.
Keı kezderi kórinetin saǵymymyn.
Jaryp shyǵyp bult kózderin men daǵy,
Sáýle tóger máńgilik jaryǵymyn.

Men - qazaqtyń qyzymyn, shýaǵymyn.
Bir buryshyn jamaǵan quraǵymyn.
Bıik taýdan bastaý alyp aǵatuǵyn,
Tup - tunyq móldiregen bulaǵymyn.

Men - qazaqtyń qyzymyn názik jandy.
Óleńderim shýmaqtalyp betke tamdy.
Názik, sulý arýlardy men jyrlasam,
Eljireter kez kelgen árbir jandy.

Men - qazaqtyń qyzymyn, qundyzymyn.
Jymyńdaǵan aspandaǵy juldyzymyn.
Adam bol dep ósirip, er jetkizgen,
Men daǵy ata - anamnyń ul - qyzymyn.

Men elimniń kúnimin jaryp shyqqan.
Árqashan qazaǵymnyń janyn uqqan.
Jarqyrap nur tógetin bárimizge,
Men daǵy altyn kúndi janaı ushqam.

Men - qazaqtyń qyzymyn, erkesimin.
Asyr salyp oınaıtyn serkesimin.
Kóktem shyqsa tóseletin jer betine,
Jap - jasyl kógaldaǵy kórpesimin.

Men - qazaqtyń qyzymyn, týǵanymyn.
Aqyl - oıdy qorjynyma býǵanymyn.
Tek qana jaqsylyqty jınap alyp,
Jamandyqty qazaǵymnan qýǵanymyn.

Men - qazaqtyń qyzymyn, qara kózdi.
Aqylmenen aıtatuǵyn barlyq sózdi.
Qaıǵy menen qýanyshty kóterip,
Qazaǵym barlyǵyna birdeı tózdi.

Men - qazaqtyń qyzymyn, tulparymyn.
Bıikterge ushatyn suńqarymyn.
Talaı aqyn jyrlaǵan sulýlardy,
Men daǵy qazaǵymnyń ińkárimin.

Men - qazaqtyń qyzymyn, qyzyǵymyn.
Ata - ájemniń erke totaı buzyǵymyn.
Al búginde arý bolyp er jetip,
Názik jandy, sulý bolyp syzyldy únim.

Men - qazaqtyń qyzymyn baldaı tátti.
Árqashan da jaqtaımyn aqty, pákti.
Qazaq elin jyrlaý úshin men búgin,
Uzaq kúttim ómirimde osy sátti.

Men - qazaqtyń bolashaq kemeńgeri.
Alǵa qaraı umtylyp kelem endi.
Ómirge kelgen kezde mańdaıyma,
Jazylǵan taǵdyryma kónem endi.

Almaty oblysy, Taldyqorǵan qalasy,
İ. Jansúgirov atyndaǵy memlekettik ýnıversıtetiniń
3 - shi kýrs stýdenti Ámirjanova Merýert Sabyrjanqyzy