InfoHub Logo

Men tańdaǵan mamandyq - Dintaný mamandyǵy. Bul mamandyqty bitirgen stýdent meshitte ımam bolyp, ýaǵyz aıtatyn adam emes. Dintaný zaıyrly mamandyqtardyń biri, ıaǵnı ekonomıs, zańger, býhgalter degenderińizden asyp túspese, kem emes. Besinshi pán retinde dúnıejúzi tarıhyn tańdaýyńyz qajet.
Qazirgi kezde dintaný memleket tarapynan erekshe kóńil bólinip, qajet dep tapqan mamandyqtardyń birine aınaldy. Qazaqstan qoǵamynyń túrli etnostyq, konfesıalyq sıpatyn eskere otyra, soǵan qosa ulttyq dinı murany saqtap qalatyndaı qazirgi zaıyrly qoǵamǵa, zaman talabyna saı dintaný pánin oqytý, dintanýshy mamandar asa qajet jáne bul taqyryp qashan da ózektiligin joǵaltpaıdy.
Col sebepti, Ál Farabı atyndaǵy QazUÝ - ń fılosofıa jáne saıasattaný fakúltetiniń "Dintaný" mamandyǵy jaıynda bilip júrińizder.
Dintaný - fılosofıa, tarıh, áleýmettaný, psıhologıa, fılologıa, antropologıa jáne t. b. ǵylymdardyń dinı saraptamadaǵy jetistikterin qamtıtyn pánaralyq ǵylym. Joǵarǵy mamandandyrylǵan bilim júıesinde dintanýlyq bilim alý zaıyrly bolyp tabylady.
Dintanýshy - sarapshy, zertteýshi jáne ǵalym, joǵarǵy mamandandyrylǵan deńgeıde konfesıaaralyq kıkiljińderdi saraptaýǵa qabiletti, sonymen qatar:
1) Dintaný aıasyndaǵy aktýaldy problemalarǵa ǵylymı zertteýler júrgizý (tarıh jáne dinı teorıalar, zamanaýı adam bolmysynyń dinı - fılosofıalyq problemalary)
2) Sholýlar jazý, anotasıa, zerttelgen taqyryptar boıynsha bıblıografıa jáne referat qurý, memlekettik organdarǵa dinı birlestikter men qoǵamdyq uıymdardyń ózara árekettesý boıynsha suraqtarǵa keńes berý. Memlekettik quqyqtyq bılik organdarynda, İİM mádenı mekemesinde, qoǵamdyq uıymdarda, komersıalyq fırmalarda din jóninde ekspert mindetterin oryndaý.
Dintaný stýdentteri - kásibı tájirıbeleri UQK jáne İİM analıtıkalyq qyzmetter organdarynda, memlekettik basqarý, ishki saıasat bólimderinde, halyqaralyq mádenıet jáne din ortalyqtarynda, din jaıyndaǵy suraqtar ǵylymı - zertteý jáne analıtıkalyq ortalyqtarda, din isteri jáne azamattyq qoǵam mınıstrliginde, dinı basqarma bólimderinde ótedi.
«Dintaný» degen ataýdyń astarynda adamzat tarıhynyń barlyq kezeńderin qamtıtyn jáne qoǵamnyń barlyq salalaryna úlken yqpal etetin mádenıettiń eń qyzyq, kúrdeli salalarynyń birin zertteıtin ǵylymı tanym jatyr.