InfoHub Logo

İ. Qyzyǵýshylyqty oıatý. «Oı qozǵaý».
1. Shattyq sheńberi.
Psıhologıalyq sát. Balalardyń kózderin jumǵyzyp, Astanaǵa saıahat jasatý.
Tárbıeshi túrli jetildirýshi suraqtar beredi.
- Biz qaı Respýblıkada turamyz?
- Bizdiń elbasymyz kim?
- Qazaqstan Respýblıkasynyń elordasy qaı qala?
- Astana qalasynda júrip sender qandaı kórikti, ádemi ǵımarattardy kórip tursyńdar? t. b
2. Astana týraly taqpaq oqý.
- Balalar senderge unady ma?
- Astanaǵa baryp kórińder me?
- Olaı bolsa, Astana qalasyna óz bilimin jetildirýge oqýǵa balabaqshadaǵy Gúlmarjan, Ǵalıa, Raıhan apaılaryń baryp keldi. Sol apaılarymyzdyń biri - Raıhan apaılaryńdy qonaqqa shaqyryp, Astana qalasy týraly óz aýyzynan áńgimesin esiteıikshi. Balalardy mýltımedıany tamashalaýǵa shaqyrady. Raıhan apaı estelik áńgimesin aıtyp beredi.

İİ. Maǵynany taný. «Toptastyrý.
1 Astanaǵa saıahat. Bizde Astana qalasyna serýenge baraıyq dep, tárbıeshi ózi mýltımedıa arqyly Astana qalasynyń kórikti jerlerin tanystyrady. «Han shatyry», «Nur - Astana meshiti», «Beıbitshilik jáne Kelisim saraıy», «Astana - Báıterek», «Qazaq eli» monýmentterine jeke - jeke toqtalyp túsinikter beredi.
2. Habarlama: İri qurylys materıaldarynan «Meniń Astanam» taqyrybynda ujymdyq jumys jasaıtyndaryn eskertedi.
- Aldymen qurylys materıaldarymen tanystyrady.
- Balalar osy ádemi de bıik qurylystardy kimder salady dep oılaısyńdar?
- Durys aıtasyńdar. Endeshe, búgin bizder sol qurylysshy aǵalarymyz sıaqty túrli qurylystardy ózimiz salamyz.
Aldymen qurylysty bastamas buryn jumys kıimderimizdi kıip alaıyq.
3. Boı sergitý jattyǵýlary.
4.«Sýretti tańdap, ornyńdy tap» dıd/oıyny. Tárbıeshi kómek qajet etken toptarǵa kómektesedi. Tárbıeshi ózi balalardyń jumystaryn kómektese júrip, bizder búgin ne qurastyrdyq?
5. Qurylystardy atap, toptastyrady.
6. «Bes joldy óleń» strategıasy.
Ne?(Zat esim)-
Qandaı?(Syn esim)-
Ne isteıdi? (Etistik) -
Balama sóz (4 sózden quralǵan sóılem) -
Sınonım – (sóz) -
İİİ. Oı tolǵanys.
«Meniń oıymsha» strategıasy. (taqtaǵa ilingen sýretterge suraq qoıý arqyly atyn tez tabý)
Balalar ár túrli stıkerler arqyly baǵdarsham ádisi boıynsha búgingi oqý is - áreketten alǵan áserlerin, baǵdarsham betindegi túske aparyp belgileıdi.
Tárbıeshi balalardyń jumystaryna baǵa berip, búgingi oqý is - áreketti qorytyndylaıdy.
Kútiletin nátıje
Balalar qurylys materıaldarynan ózderi qurastyra biledi.
Astana - el ordasy, bıikte ádemi qala ekenin túsinedi.
Astana týraly óz betimen áńgimelep bere alady.

Atyraý oblysy, Isataı aýdany,
Qulynshaq balabaqshasy tárbıeshisi:
Aıýpova Adına Saparqyzy