InfoHub Logo

Taqyryp: Meniń elim - Qazaqstan

Maqsaty: balalardy otansúıgishtikke baýlyp, týǵan jerin, elin súıýge tárbıeleı otyryp, eline degen patrıottyq sezimin oıatý. Balalardy Qazaqstan Respýblıkasynyń rámizderi týraly bilimderin bekitý, qurmetteýge tárbıeleý.
Ádis - tásilderi: Qazaqstan Respýblıkasy týraly áńgimeleý, taqpaqtar kórsetý, túsindirý, suraq - jaýap, sergitý sáti.
Kórnekilikter: Qazaqstan Respýblıkasynyń rámizderiniń sýretteri,

Demonstrasıalyq materıaldar.
İ. Kirispe bólim. Motıvasıalyq kezeń.
Araılanyp tań atty
Altyn sáýle taratty
Jarqyraıdy kúnimiz
Jarqyraıdy dalamyz
Qaıyrly tań dostar
Qaıyrly tań qonaqtar

1. Jyl mezgili:
1. Balalar qazir jyldyń qaı mezgili?
2. Qysta aýa - raıy qandaı bolady?
3. Qys týraly kim taqpaq biledi?
4. Qys mezgilinde qandaı merekeler bolady?
Tárbıeshi: Balalar qysta aýa - raıy sýyq, aıaz bolady, dala, aınalanyń barlyǵy aq kórpe oranǵandaı appaq bolady.

Negizgi bólim. Uıymdastyrý kezeńi. Endi balalar búgingi jańa sabaǵymyz «Meniń elim - Qazaqstan».
- Balalar sender qandaı aýylda turasyńdar?
- Biz qandaı memlekette turamyz?
- Qazaqstan Respýblıkasynda turamyz.
- Otan degendi qalaı túsinesińder?
- Otan týraly myna óleńdi esimizge túsireıikshi.
Otan - meniń ata - anam,
Otan – dosym, baýyrym,
Otan – ólkem, Astanam,
Otan – týǵan aýylym.
Otan – tarıh, Otan – til,
Jasaǵan elim, óz halqym.
Otan – óleń, Otan – jyr.
Kótergen kókke el dańqyn.
- Balalar kórdińder me óleń joldarynda Otandy qandaı jaqsy sózdermen jetkizgen. Otan seniń ata - anań, Otan – týǵan jer, Otan – bul Qazaqstan Respýblıkasy. Sondyqtan biz Otandy joǵary baǵalap, qadirleı bilýimiz kerek.
- Elbasymyz kim?
- Elbasymyz Nursultan Ábishuly Nazarbaev.
- Balalar aıtyńdarshy Qazaqstan Respýblıkasynyń memlekettik rámizderin bilesińder me? Káne ataıyqshy.
- Tý, Eltańba, Ánuran
- Al, endeshe memlekettik rámizder týraly taqpaq aıtyp berińdershi?
1. Eltańbasy elimniń
Ortasynda shańyraq.
Memlekettik týymnan
Kún shyǵyp tur jarqyrap.
2. Ánurany elimniń
Shaqyrady birlikke.
Egemendi halqymnyń,
Bolashaǵy birlikte
3. Qazaqstan – elim meniń
Qazaqstan – jerim meniń,
Saǵan arnap aıtylady
Ánim meniń.
4. On altynshy jeltoqsan –
Táýelsizdik alǵan kún.
Erekshe bop máńgilik,
El jadynda qalǵan kún.

Dıdaktıkalyq oıyn: «Óz túsińdi tap»,«Oılan tap».
Maqsaty: Balalarǵa úsh túrli tústerdi berip, mýzyka oınaǵanda aralasyp bılep, mýzyka toqtaǵanda óz tústerin taýyp tura qalady.
Maqsaty: Balalardy úsh topqa bólip, úsh bólek ústelge tapsyrmalar qoıyp, durys oryndaýyn qadaǵalaý.

Sergitý sáti: Uzyn murtty qumyrsqa
Jolǵa shyqty jumysqa,
Qoıdym dopty jolyna
Aldy dopty qolyna
Ońǵa qarady,
Solǵa qarady,
Úlken taý dep oılady.

Qorytyndy: «Meniń elim - Qazaqstan» taqyrybynda ózimizdiń elimiz Qazaqstan týraly bildik. Qazaqstan Respýblıkasynyń memlekettik rámizderimen tanystyq.
Oıyn: «Jyly sózder» jyly sózder aıtyp kún shýaǵyn japsyrý.
Búgingi oqý is - áreketimiz senderge unady ma? Barlyqtaryń óte jaqsy qatystyńdar.
- Al endi, balalar, bárimiz qonaqtarmen qoshtasaıyq.
Qol ustasyp turaıyq,
Sheńberdi biz quraıyq.
Kóriskenshe kún jaqsy,
Caý-salamat bolaıyq

Pavlodar oblysy, Aqsý aýdany,
Úshterek orta mektebi "Shaǵyn ortalyq" tárbıeshisi
Avıty Jenekýl