InfoHub Logo

Atyraý obylysy, Isataı aýdany,
Selo Tushshyqudyq, Chapaev bastaýysh mektebiniń
ózin - ózi taný páni muǵalimi
Nurmuhanova Gúlshat

Qundylyǵy: «Qamqorlyq» qundylyqtary uǵymy týraly túsinikterin keńeıtý
Qasıetteri: úı janýarlaryna qamqorlyq jasaý týraly túsinikterin keńeıtý;

Sabaqtyń maqsaty:
- úı janýarlaryna qamqorlyq jasaý týraly túsinikterin keńeıtý;
- úı janýarlaryna qamqorlyq jasaı bilý daǵdylaryn damytý;
- qamqorlyqqa tárbıeleý.

Resýstar (quraldar málimetter)
Dápter, túrli tústi qarandashtar,
Sýretter ádeptilik týraly.

Sabaqtyń barysy:
İ Uıymdastyrý kezeńi
Tynyshtyq sáti: "Nurǵa bólený"

Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge nemese ústelge qoıýǵa bolady. Kózderińizdi jumýlaryńyzdy ótinemin.
Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn jáne taza ásem gúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp, júregińizdiń qaýyzyn ashty.

Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy.

Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi.
Nur birte - birte qarqyn jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa tolsyn.
Osy nur búkil álemge: barlyq adamdarǵa, jan - janýarlarǵa, ósimdikterge, barlyq tiri janǵa taralsyn... Ǵalamnyń barlyq túpkir - túpkirine nur baǵyttańyz.
Oısha aıtyńyz:
«Men nurlymyn...
Nur meniń ishimde...
Men Nurmyn».
Osyndaı Nur, Mahabbat jáne Tynyshtyq kúıinde otyra turyńyz...
Endi osy Nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz.
- Jaımen kózińizdi ashýǵa bolady.
- Rahmet. Kim óziniń áserimen bóliskisi keledi?

Sabaq barysyn talqylaý:
Tynyshtyq sáti:
Jaqsylyqqa tynyshtyqqa toly tynyshtyq sátin sezindi.

İİ Úı tapsyrmasyn tekserý.

İİİ Dáıek sóz
«It – jeti qazynanyń biri» naqyl sóz.
Úı janýarlary adamnyń paıdasyna jaraıtyn dosy, kómekshisi eken.
It adamdardyń janynda júrip qorǵaıdy, úılerin kúzetedi. Al biz ıtti qamqorlyqqa alyp, jaqsy kóredi ekenbiz.
Sondyqtan da «It – jeti qazynanyń biri» - dep beker aıtpaǵan.

Dáıek sóz maǵynasyn asha bildi balalar.

İV Áńgimelesý:
Balalar, sender qandaı úı janýarlaryn jaqsy kóresińder?
Olarǵa qandaı qamqorlyq jasaýǵa bolady?
Balalar jaýabyn tyńdap qorytyndylaý.

Áńgimeleý.
«Jeti qazynanyń biri» ańyzyn áńgimelep berý.
- It nelikten dostyqqa adamdy tańdady?
- «It – adamnyń dosy» dep nelikten aıtady?
Balalar árqaısysy óziniń kishkentaı dostary jaıly áńgimeleıdi.

Suraqqa jaýap berdi.
«Shoq gúl» qımyldy oıyny.
V Shyǵarmashylyq jumys:

Toptyq jumys:
Úı janýarlary sýretin salý, músindeý, japsyrý.
-Toptyq jumys júrgizildi.

İV Toppen án aıtý: Aq buzaý
Aq buzaýym unaıdy,
«Mó - mó», - dep sút suraıdy.
Aq buzaý jaqsy fermada,
Aparamyn kórmege.
Keledi ósip kún sanap
Qoıamyn ba tumshalap
Tumsyǵyn sozyp qaraıdy,
Tilimen murnyn jalaıdy

«Aq buzaý» ánin toppen aıtty
İİV Úı tapsyrmasy
Aq buzaý óleńin jattaý

İİİV. Sońǵy tyńyshtyq sáti:
Balalar, denelerińdi túzý usta, bastaryńdy joǵary kóterip, yńǵaılanyp otyryńdar. Kózderińdi jumyp. aýany tereń jutyp, erkin tynys alyńdar. Ózderińniń tynys alýlaryńdy baqylap, baqytqa toly, jaqsylyq, tynyshtyqqa toly taza, shıpaly aýanyń tula boılaryna tolǵandaryn sezinińder. Al, endi kózderińdi ashyńdar.
Madaqtaý
Tynyshtyq bar jerde, tynyshtyq búkil álemde.