InfoHub Logo

Dúnıedegi mamandyq ataýlynyń tóresi – ustaz. Ustaz - ol barlyq mamandyq ıesin tárbıeleıtin, oqytatyn mamandyq. Ustaz bergen tárbıe árbir jannyń ómirine jol silter shamshyraq sekildi. Qaı mamannyń ıesin alyp qarasaqta barlyǵy ustazdyń aldynan bilim, tárbıe alǵan. Sondyqtan barlyq adam balasy ustazdardyń aldynda basyn ıedi.
Men jas maman retinde ustazdyq jolym áli qalyptasyp jatyr dep túsinemin... Pedagog qansha jerden bilimdi bolsada, zaman talaby boıynsha adamdardyń kózqarasyda ózgerip jatyr jáne soǵan oraı adamdardyń talaby qoıar suraǵyda ózgerip jatyr.
Ustazdyń eń basty syry – balanyń júregi men janyn túsine bilý. Bala júregi kirshiksiz taza, sol júrekti ustaz odan ári jaqsylyq pen meıirimge, bilimge toltyra bilý kerek. «Dúnıedegi ǵajaıyptardyń ishindegi, eń ǵajaıyby - jaqsy tárbıelengen adam» - dep danalarymyz aıtqandaı, durys adam tárbıeleý - búgingi ustazdyń basty mindeti.
Meniń qazirgi ustazdyq jolym №40 jalpy bilim beretin mektepte aǵylshyn tili muǵalimi retinde ótip jatyr. Sonymen qatar 10 «Á» synybynyń jetekshisimin. Ómirdegi eń qıyny, ári eń qyzyǵy adammen qarym – qatynas jasaý ekenin, mekteptegi pedagogıkalyq úrdis barysynda bildim. Bala jany taza taqta bolsa, sol taqtaǵa ustazdyń ne jazýyna baılanysty aldynda otyrǵan oqýshy, erteńgi úlken azamattyń taǵdyry soǵan baılanysty. Osyndaı jaǵdaılardy saraptaı kele, ustazdyń jaýapkershiligi ult aldynda, urpaq aldynda orasan zor.
Ustazdyqty júregimen sezingen adamǵa ustaz - kıeli mamandyq. Men pedagog retinde oqýshylardy tárbıeleýde halqymyzdyń ǵasyrlar boıy kele jatqan ulttyq qundylyqtary men salt - sanasyn boıyna sińirip, oıyna uıalatýǵa tyrysamyn. Adam tárbıeleý oǵan ǵylymı negizdermen málimet berý, balany ómir súrýge úıretý - óte qıyn ekeni belgili. Muǵalim óz balasynan buryn ózgeniń balasy úshin jaratylǵan jan dep beker aıtylmasa kerek.
Meniń mamandyǵyma degen qyzyǵýshylyqtyń, durys kózqarastyń qalyptasýyna áriptes ustazdarymnyń róli erekshe. Ujymdaǵy tájirıbeli pedagogtardan úlgi - ónege alamyn. Meniń bir túsingenim ár tańda jumysyna, mektepke, oqýshyǵa asyǵa jetken ustaz, ol – úlken júrekti ustaz.