InfoHub Logo

«Meniń súıikti Elbasym» atty tárbıe saǵatynyń senarıi.
Maqsaty:
1. Qazaq halqynyń tuńǵysh prezıdenti Nursultan Ábishuly Nazarbaevtyń ómir joly, týyp - ósken, oqyp bilim alǵan, qyzmet etken
jerleri týraly maǵlumat berý;
2. Elbasynyń ómir jolynan úlgi ala otyryp Otanyn, halqyn súıýge, erjúrektilikke azamattyqqa, patrıottyq sezimge tárbıeleý;
3. Shákirt júreginde elbasyna degen súıispenshilik sezimin oıatý, qurmetteý
Kórnekiligi: slaıdtar kórsetý, úntaspa, sharlar,

Muǵalim: Táýelsizdigimizdi alǵannan soń halyqtyń basyn biriktirip N. Á. Nazarbaev tuńǵysh elbasy boldy. Elbasynyń bastaýymen meniń Otanym álemge tanyldy. Elim eldigin kórsetti, erligin tanytty. Qazaq halqy egemendigin alyp, Táýelsizdikke qol jetkizgende óz aldymyzǵa el bola alatyndyǵymyzǵa kúmándanǵan jandar da bolǵan eken. Biraq ar - namysty tý etken Elbasymyz ben úkimet basyndaǵy el úshin eńbek etken aǵalarymyzdyń aıanbaı eńbek etýi osy nurly kúnderge jetkizdi.

Erdáýlet:
Q. Amanjolov:
Qazaqstan deıtin meniń bar elim.
Jatyr alyp jarty dúnıe álemin!
Bul dalany anam jaspen sýarǵan,
Bul dalada atam qolǵa tý alǵan,
Bul dalada jylap kelip, ýanǵan
Bul dalany kórip alǵash qýanǵan
Bul dalada ósken janda joq arman!

Aıanat: Nursultan Ábishuly Nazarbaev 6 - shilde 1940 jyly Almaty oblysy Qaskeleń aýdanyndaǵy Shamalǵan aýylynda týǵan. Balalyq shaǵy keıde aıta beretinimizdeı tarshylyq jaǵdaıda ótti. Úlkenderdiń mal baǵýyna, baý - baqsha ósirýine kómek kórsetý kerek boldy, shópshek terip, otyn jardy. Mektepti jaqsy oqyp, jaqsy bilim aldy. Ata - anasyn qatty qurmet tutty.

Dinıslam: Ol erte eseıdi, orta mektepti bitire salysymen Keńes Odaǵyndaǵy asa iri Qaraǵandy metalýrgıa kombınatynyń kólemdi qurylysyna attandy. Qurylysta biraz eńbek etkennen keıin bir top qazaqstandyqtarmen Ýkraınanyń Dneprodzerjınsk qalasyna baryp metalýrg – jumysshy mamandyǵyn meńgerdi. Bul shoıyn quıýshy, domna peshiniń kómekshisi jumystaryn atqardy, al keıinirek ınjener dárejesine kóterildi.
Ómirzaq: Sol jyldary onyń basshylyq qasıetteri jarqyrap kórindi. Qalalyq, oblystyq jáne respýblıkalyq kólemde basshy organdarda jaýapty qyzmetter atqardy. Metalýrgıalyq kombınatynda partkom hatshysy, Temirtaý qalalyq, Qaraǵandy oblystyq jáne respýblıkalyq partıa uıymdarynda ekonomıkalyq salaǵa jaýap beretin hatshy boldy.

Sanjar: Ol Qazaqstan Úkimetin basqarǵanda 44 jasta boldy. Osylaısha onyń saıası ómirbaıany bastalady.
Ernar: 1991 jyly 1 - jeltoqsanda respýblıka jurtshylyǵy tuńǵysh ret Nursultan Ábishuly Nazarbaevty Respýblıkamyzdyń Prezıdenti etip saılandy.
Bekjan: 1991 jyldyń 16 jeltoqsanynda Qazaqstan Respýblıkasy Joǵarǵy sesıasy «Táýelsiz demokratıalyq jáne quqylyq memleket» dep jarıalady.
Narıman: 1992 jyly 4 - maýsymda jańa memlekettik rámizder Eltańba, Tý, Ánuran bekitildi. Eltańba avtorlary: Jandarbek Málibekuly, Shotaman Ýálıhanov.

Aınara: Shańyraq – Otan otbasynan bastalady. Ortaq shańyraq bıik, bosaǵa berik bolsyn degen maǵynany, al ýyqtar – úlken úıdiń ýyqtaryn shyn nıetterimen qosyla tanytqan elshiles el jurtqa da baı, qýatty tileımin degendi bildiredi. Aı múıizdi, altyn qanatty qos pyraq - arystannyń júrektiligin, qyrannyń qyraǵylyǵyn, ógizdiń qara kúshin, eliktiń shapshańdyǵyn, qyrmyzy qyzyl túlkiniń jaýyn jer soqtyrar aılakerligin bildiredi. Bes buryshty juldyz «Baǵymyz ashylyp, juldyzymyz jarqyraı bersin» degen asyl armandy arqalap tur.

Dıana: Memlekettik Tý - 1992 jyly 4 - maýsymda qabyldanyp, 6 - maýsymda kúshine endi. Týdyń ortasynda shuǵylaly kún, onyń astynda qalyqtap ushqan qyran beınelengen, tik buryshty kógildir matanyń sol jaǵynda qyzyl órnegi bar. Jalaýdyń uzyndyǵy - 2 metr, eni - 1metr. Jalaýdyń jobasyn jasaǵan – sýretshi Sháken Nıazbekov.
Án: “Kók týdyń jelbiregeni”
Ómirzaq: 1993 jyly 15 - qarashada Qazaqstan Respýblıkasynyń Ulttyq aqshasy – Teńge aınalymǵa endi.
Aqsham shyqty ózimniń tuńǵysh ret,
Bildim derbes elimniń úlgisi dep.
Beınelengen han, aqyn, ǵalymdarym,
Betterinen kóz tartyp turdy sýret.
Teńdikti aıtyp tur aty teńge degen,
Qut - bereke bolshy bir elge kelgen.
Óz týy, eltańba, ánurany bar
Aıtyńdarshy, endi elim kem de neden?

Ernar: 1995 jyly 28 - qańtarynda táýelsiz QR – nyń tuńǵysh «Ata Zańy» qabyldandy.
Ermek Ótetileýuly. «Ata Zań»
Azat eldiń bastalǵan aıqyn joly tárizdi,
Ata Zań dep atalǵan Konstıtýsıamyz bar bizdiń.
Ata Zańmen bekitken derbestigin elimiz,
Ata - baba mura etken, tutastyǵyn jerimiz.
Halyq sengen zańymyz ádildikti qoldaıdy,
Jaqsarsyn dep halimiz adam quqyn qorǵaıdy.
Deıdi zańy memleket úlkenge de, balaǵa:
“Oqý oqy, eńbek et, kásip jasa qalaǵan!”
Árbir baby mańyzdy, ár kóńildiń jyry bir,
Bizde 30 tamyz – Ata Zańnyń kúni bul.

Shuǵyla: Astana - Qazaqstan Respýblıkasynyń saıası, ákimshilik jáne mádenı ortalyǵy. Elbasy - Nursultan Nazarbaevtyń jarlyǵyna sáıkes 1997 jyly munda burynǵy astanamyz Almatydan Respýblıkanyń basshy oryndary Prezıdent keńesi, Qazaqstan Respýblıkasynyń Úkimeti jáne Parlament kóship keldi. Elimizdiń basqarý jumystary osy jerden júzege asyrylady.

Núrken: 1998 jyly 10 - maýsymda jańa astananyń resmı tusaý keseri boldy. Qala Esil ózeniniń oń jaǵalaýynda Saryarqanyń soltústik bóliginde ornalasqan.
Kóteredi shańyraq Astanam asqaq,
Jańaryp qalam, jasaryp dalam!
Basyńnan serpi bodandyq júgin,
Ketpeıdi oıdan Otandyq uǵym.
Arystan júrek, aıbyndy elim,
Tanıdy seni bar álem búgin.