InfoHub Logo

Taqyryby: «Meıirimdilik senen bastalady» (Tárbıe saǵaty)
Taqyryby: «Meıirimdilik senen bastalady»
Maqsaty: Tárbıelenýshilerdiń meıirimdilik, qaıyrymdylyq qundylyqtary týraly, «qaıyrymdy adam» týraly túsinikterin keńeıtý jáne jaqsylyq pen jamandyqtyń qatar júrip adam ómirinde san qıly beleń kórsetetinin uǵyndyrý.
Mindetteri: - Meıirimdiliktiń adam ómirindegi máni jáne jaqsylyq jasaýdyń qýanysh ákeletindigin sezindirý, jaqsylyqty túsiný, jaqsylyq jasaýǵa tárbıeleý.

Tárbıe saǵaty syn turǵysynan oılaý tehnologıasy boıynsha qurylǵan

Júrý barysy
1. Uıymdastyrý bólimi
Aldymen tárbıelenýshilerge ózderine unaǵan tústerin tańdaýyn suraımyn (men úsh topqa bes baladan bóldim: sary, jasyl, qyzyl pishinder) Sol túster boıynsha topqa bólinedi.
Oı shaqyrý
Tárbıeshi sózi: Balalar, búgingi taqyrypty aıtpas buryn, men sizderge myna slaıd shoýdy mán berip qaraýdy suraımyn. Sodan keıin ózderiń taqyrypty tabatyn bolasyzdar. (jaı mýzyka júrip turady, slaıd kórsetiledi)
Al, búgingi tárbıe saǵatymyzdyń negizgi taqyryby ne bolmaq, qalaı oılaısyzdar? (balalardyń jaýaptary tyńdalady)
Durys aıttyńdar, búgin bizder meıirimdilik týraly sóz qozǵaımyz. Jaqsylyq pen jamandyq adamnyń is - áreketi arqyly ólshenedi. Halqymyz «jaqsylyq» degen uǵymdy adamgershilikke balaǵan. Adamgershiligi mol meıirimdi, qaıyrymdy adamdy «jaqsy adam» degen. Endeshe jaqsylyq pen jamandyq týraly oılanyp kóreıik. Tárbıelenýshilerge suraq qoıylady:
- Jaqsylyq, jamandyq degen uǵymdardy qalaı túsinesizder?
- Jaqsy bolý, jaqsylyq jasaýdy qalaı úırenýge bolady?
- Jaqsy sóz aıtý, jaqsylyqqa jata ma?
- Jaqsylyq jasaý adam jasyna baılanysty ma?
- jaqsy adamnyń boıynda qandaı qasıetter bolady?
Tárbıeshi: Adamnyń ishki sulýlyǵy — adamnyń júregi, júrek jylýy, mahabbat, ar - uıat, qaırat, meıirimdilik, jaqsylyq, adamshylyq osy júrekten týyndaıdy. Oıymyzdy ári qaraı órbitý úshin vıdeorolık boıynsha jumys júrgizemiz.

Ár topqa úsh túrli vıdeo mysal kórsetiledi.
İ top: «Jaqsylyq synyqtary» mátini
Suraqtar: Bul mysaldan neni uqtyńdar?
Sender qalaı oılaısyńdar, áje nelikten kóp jyldar boıy áınek synyqtaryn jınap júrdi?
Eger de adamdar ájeniń ne istep júrgenin bilgende ne ister edi?

İİ top: «Meıirimdilik álemdi qutqarady»
Suraqtar:
Bul mysaldan keıin qandaı sezimde boldyńdar?
Adamdar jasaǵan jaqsylyǵynyń qaıyryn suraıma, qalaı oılaısyńdar?
Men jańa aıtyp kettim, Adamnyń ishki sulýlyǵy — adamnyń júregi, júrek jylýy, mahabbat, ar - uıat, qaırat, meıirimdilik, jaqsylyq, adamshylyq osy júrekten týyndaıdy dep, júregimizdi jamandyq jaýyp tastasa biz qalaısha jaqsy adam bolamyz. Sondyqtan da bul áńgimeden ne túıýge bolady?

İİİ top: «Eki qasqyr» áńgimesi
- Ata Eki qasqyr dep neni meńzep otyr?
Jamandyq pen jaqsylyq ómirde birge júredi eken. Al qaısysy jeńedi? Jaqsylyq jeńý úshin adam ne isteý kerek?
- Osy úsh mátindi bir birimen baılanystyrýǵa bola ma? Úsheýi bir birin tolyqtyryp tur ma?
Endi biraz boı sergitý maqsatynda mynandaı oıyn oınaıyq. Aldymen men senderge bir suraq qoıamyn, sol suraqtyń jaýabyn izdep kóresizder. («Aralas, qatyp qozǵalma, toptas» ádisi boıynsha ótkiziledi. Tárbıelenýshiler qoldaryna qalam men qaǵazdaryn alyp shyǵady da bir mınýt ishinde málimet jazyp alý kerek)
Suraq: Meıirimdi adam degen qandaı adam?
Tárbıeshi «Aralas» degende tárbıelenýshiler bólme ishinde arly berli júrip, aralasyp «Meıirimdi adam degen kim, jáne bizdiń balalar úıinde kimdi eń meıirimdi, eń qaıyrymdy adam dep oılaısyńdar?» degen suraqtarǵa jaýap alyp, qaǵazdaryna jaýaptaryn jazady.
«Qatyp, qozǵalma» degende ornynda turyp qalady. Tárbıeshi tárbıelenýshilerdiń jaýabyn jınap alady. Jazylǵan jaýaptar sabaqqa qatysyp otyrǵan úlkenderge tapsyrylady. Jaýaptaǵy eń meıirimdi, eń qaıyrymdy dep tabylǵan adamnyń esimi sabaqtyń sońyna deıin jasyryn bolady.
«Toptas» degende óz toptaryna otyrady.
Tárbıeshi: Rahmet, men de óz jaýabymdy aıtaıyn:
Meıirimdi kisi dep sózinen isi kórinetin, aıtqan sózin keıinnen ózi ustanatyn kisini aıtady. Meıirimdi kisi túsinýge tyrysady, biraq odan paıda izdemeıdi. Jaı adam paıda izdeıdi, biraq túsinýge tyryspaıdy. Adam dúnıege eshteme qalap kelmeıdi. Jaqsy men jamandy ósken soń óziń qalap alasyń.
Aldaryńyzda birneshe jaǵdaıattar kórsetilgen sol boıynsha tyǵyryqtan shyǵýdyń amaldaryn keltirip, oılaryńyzdy ortaǵa salsańyzdar. Tárbıelenýshilerdiń jaýaptaryn tyńdaý.
Kelesi tapsyrma shyǵarmashylyq jumys: slaıdta kórsetilgen sýret boıynsha tárbıelenýshilerdiń jaýaptaryn talqylaý.
Tárbıeshi: Sabaqtyń qorytyndylaı kele «Júrekten júrekke» degen nıetpen mynandaı kishkentaı júrekshelerge óz tilekterińdi qalaǵan adamdaryńa jazyp tapsyrýlaryńdy suraımyn. Sonymen balalar búgingi sabaqtan ne bildik? Ne týraly, qandaı adamı qundylyqtar, qasıetter týraly bilim aldyq?
Sabaǵymyzdyń basynda senderge «Eń meıirimdi, eń qaıyrymdy adamdy tabý tapsyrylǵan bolatyn. Sol tapsyrmanyń qorytyndysy boıynsha «Altyn júrek» ıesin anyqtasaq deımin. Ol úshin senderdiń jaýaptaryńdy qorytyndylaǵan adamdarǵa sóz bereıik.(«Altyn júrek» ıesin altyn júrekshemen marapattaý).

№8 otbasylyq úlgidegi balalar úıi» KMM
Ótkizgen: Ermýhambetova A. S.

Meıirimdilik senen bastalady. júkteý