InfoHub Logo

Synyby: 5

Tárbıe saǵatynyń taqyryby Myń bir maqal (slaıdymen)
Silteme jospar
Jalpy maqsaty: Maqal – mátel aıtý arqyly oqýshylardy kórkem, utymdy sóıleýge, qıynnan qıystyra bilýge, sózdik qoryn molaıtýǵa, oılaryn mazmundy jetkize bilýge úıretý.
Kútiletin nátıje: Maqal – mátel aıtý arqyly oqýshylar tapqyr oı aıtyp, utymdy sóıleýge, qıynnan qıystyra bilýge, sózdik qoryn molaıtýǵa qalyptasady.
Negizgi ıdeıalar: Maqal - mátel – ata babamyzdan qalǵan óshpes mura. Kólemi jaǵynan shaǵyn bolǵanmen, ýaqyt ótken saıyn maǵynasy tereńdep, quny artyp, qymbat qazynaǵa aınalyp keledi. Maqal - mátel – tárbıelik máni zor, rýhanı baılyq.
Tapsyrmalar:
Ujymdyq jumys (Dóńgelek ústel)
Ujymdyq jumys (Eki jaqty túsindirme kúndeligi)
Toptyq jumys (Jasyryn taqyryp)
Toptyq jumys (Sýretter sóıleıdi)
Ujymdyq jumys (Qandaı sóz?)

Sabaq boıynsha muǵalimniń jazbalary: (muǵalim jáne oqýshy nemen aınalysady)

İ. Uıymdastyrý
1. Synyp oqýshylaryna jaǵymdy ahýal týǵyzý. Kóńil - kúılerin smaılıkter arqyly kórsetý. (1 mınýt)
2. Topqa bólý (Maqal - mátel arqyly qıyndylardy qurastyrady
/Toıdyń bolǵanynan boladysy qyzyq, Aqsaq qoı tústen keıin mańyraıdy, İnisi bardyń tynysy bar, Aǵasy bardyń jaǵasy bar/ maqaldary boıynsha 3 topqa bólinedi, 2 mınýt)
- Jaraısyzdar, rahmet! Bárimiz árqashan birge júreıik jáne synybymyz úshin, tobymyz úshin janymyz bir bolsyn!

İİ. Toptyq jumys: «Dóńgelek ústel» (3 mınýt)
- Kim qandaı maqal - mátelder biledi?
Ortada jatqan aq paraqqa top músheleri túgel saǵat tili boıynsha úıden jattap kelgen maqal - mátelderiniń 3 - 4 - eýin jazady, bir aınalym ǵana jasalynady. Sońǵy oqýshy tobynyń jazǵanyn oqyp shyǵady. (Oqýshylar suraqtary madaqtaý, qoshemetteý arqyly formatıvti baǵalanady)
- Al, balalar, ár toptan buryn estimegen bir maqal - máteldi tańdap, onyń maǵynasyn ashaıyq. Taqtaǵa «eki jaqty túsindirme kúndeligi» ádisine salyp, maqal - mátelderdiń maǵynasyn ashyp jazý. (2 mınýt)
Eki jaqty túsindirme kúndeligi (mysaly)
Top Maqal - mátel Maǵynasy
İ Qarańǵyda tapqanyńdy hanǵa berme,
Jaryqta tapqanyńdy janǵa berme. Eńbekpen tapqanyńdy orynsyz shashpa.
İİ Ózin - ózi syılaǵan er baqytty,
Ózin - ózi bılegen el baqytty. Adam áýeli óz qadirin bilse ǵana el men jer qadirin bile alady.
İİİ Shyn er jeńse, tasymas,
Jeńilse jasymas. Qandaı jaǵdaı bolsa da, óz - ózińdi sabyrly ustap úıren.

İİİ. Maǵynany taný. (3 mınýt)
Maqal - mátel – ata babamyzdan qalǵan óshpes mura. Kólemi jaǵynan shaǵyn bolǵanmen, ýaqyt ótken saıyn maǵynasy tereńdep, quny artyp, qymbat qazynaǵa aınalyp keledi. Maqal - mátel – tárbıelik máni zor, rýhanı baılyq. Osy tusta men osy maqal men mátel aıyrmashylyǵyn túsindirip ótkim kelip otyr. Mysaly: Maqalda qorytyndy, tujyrymdy túıin aıtylady. Aıtylar oı naqty tolyq jetkiziledi. Mysaly: «Er jigit eli úshin týady, eli úshin óledi» degen maqalda eldi qorǵaý, jerdi qorǵaý naǵyz jigittiń isi ekendigi aıtylyp tur. Al, mátelde oı tikeleı bildirilmeı tuspaldap, janamalap aıtylady. Mysaly: «Kóppen kórgen uly toı». Munda ne kórseń de halyqpen birge kór, óz basyńnyń ǵana qamyn oılama degen sóz tuspaldap aıtylyp tur.

İV. Toptyq jumys «Jasyryn taqyryp» (20 mınýt)
Ár topqa jasyryn taqyryp beriledi, sol taqyrypqa baılanysty plakatqa sýret salady. Salǵan sýretterin qarama - qarsy topqa berip, ol top qandaı taqyrypqa salynǵanyn taýyp, sol plakatqa maqal - mátelder jazyp tolyqtyrady jáne qorǵaıdy.
Jasyryn taqyrypty jupta, topta talqylap, posterge túsirý. (8 mınýt)
Saǵat tili boıynsha aldyńǵy toptyń plakatyn alyp, talqylap, taqyrybyn taýyp, maqal - mátelmen jalǵastyryp aıaqtaý. (3 mınýt)
Poster qorǵalady. Ár topqa 1, 5 mınýttan (6 mınýt)
Saǵat tiline qarsy toptar bir - birin «Eki juldyz, bir usynys» arqyly formatıvti baǵalaıdy. (3 mınýt)
İ top – Otan
İİ top – Dostyq
İİİ top – Bilim
V. Toptyq jumys «Sýretter sóıleıdi» (3 mınýt)
Ár topqa slaıd arqyly sýretter kórsetiledi, sol sýrettiń sáıkes maqal - mátelin tabady.
(Oqýshylar jaýaptary madaqtaý, qoshemetteý arqyly formatıvti baǵalanady)
İ top.
Batyr týsa – el yrysy,
Jańbyr jaýsa – jer yrysy.
İİ top.
100 teńgeń bolǵansha,
100 dosyń bolsyn

İİİ top.
Mektep - keme,
Bilim - teńiz.

Vİ. Ujymdyq jumys «Qandaı sóz?» (6 mınýt)
Ár toptan bir oqýshydan shyǵyp, árip kıimdi ústerine kıedi. Kıgen áripterinen suraqqa baılanysty sózder qurastyrady.
1 2 3 4
O Z Y Q
A S T A
1. Pák, kirshiksiz... (taza)
2. Jeke, dara, qatarynan... (ozyq)
3. Qoıdyń tóli (qozy)
4. Eń úzdik oqýshy (ozat)
5.... oınaǵan azar, dop oınaǵan tozar (asyq)
6. Ettiń bári... emes, ıttiń bári tazy emes (qazy)

Al, balalar búgingi sabaqta bárimiz de belsendilik tanytyp, sabaǵymyz sátti shyǵýyna birigip atsalystyq. Endeshe, dostyǵymyz berik bolsyn degen tilekpen bárimiz birge «Dos bolaıyq, bárimiz» ánin ujym bolyp oryndaıyq. (2 mınýt)

Keri baılanys. Paraqqa búgingi kúnnen alǵan áserlerin jazady. (3 mınýt)
Keıingi tapsyrmalar Ata - ájelerimizden eski maqal - mátelder tyńdap, jazyp jattaý.