InfoHub Logo

Sabaqtyń taqyryby: Mirjaqyp Dýlatovtyń aqyndyǵy «Oıan, qazaq»
Sabaqtyń maqsaty: M. Dýlatovtyń «Oıan, qazaq» jınaǵy týraly; óleńderiniń taqyryptary men mazmunyn áńgimeleý; ıdeıalyq erekshelikterin tanytý; aqyn lırıkasyn taldaı, túsine bilýge úıretý; oqýshylardy otanshyldyqqa tárbıeleý.
Sabaqtyń kórnekiligi: 1. M. Dýlatov. Óleńder jınaǵy
2. M. Dýlatov óleńderi jazylǵan paraqshalar.
3. Stol vızıtkalary.

Sabaqtyń ádisi:
1. Kórnekilik
2. Sáıkestik
3. STO strategıalary: «JIGSO - 1»; «Oı qozǵaý»; «Toptastyrý»
4. Tez jattatý
Sabaqtyń túri: Jańa sabaq ótý
Uıymdastyrý túri: Toptyq jáne jalpy synyptyq

Sabaqtyń júrisi: İ. Uıymdastyrý bólimi
Oqýshylardy 5 topqa bólip otyrǵyzý.

İİ. Jańa sabaq ótý. Oı qozǵaý strategıasy boıynsha suraqtar qoıý.
1. M. Dýlatov óleńderinen ne bilemiz?
2. Tómengi synyptarda qandaı óleńderimen tanystyq?(«Jastarǵa», « Jas qazaqtarǵa»)
3. «Oıan, qazaq!» degen tirkes senderge qandaı oı salady?
Áńgimeleý:
«Oıan, qazaq» jınaǵy – 1909 jyly Ýfada – 1 - ret;
1911 jyly Orynborda 2 - ret basylǵan. Sol úshin 1911 j maýsym aıynda ustalý, 19 aı túrmede otyrý.
Keıingi jınaqtary «Terme» 1913 j; «Azamat» 1915 j shyqqan.
«Oıan, qazaq» qalaı sottaldy?»; «Oıan, qazaq» gýbernatorlardyń uıqysyn buzǵan» maqalalary týraly aıtyp, «Tutqyndalǵan «Oıan, qazaq» Almatyda» kórnekiligimen tanystyrý.
Oqýlyqta berilgen óleńderdi taldaý úshin JIGSO - 1 strategıasy boıynsha oqýshylardy 5 topqa bólip, óleń mátinderin taratý.
A stolyna – «Qazaq jerleri»
B stolyna – «Shaǵym»
V stolyna – «Tarshylyq hálimiz haqynda»
G stolyna – «Qaıda ediń?»
D stolyna – «Nasıhat - ǵýmýmıa»
Toptarǵa ortaq tapsyrma jáne daıyndalýǵa ýaqyt beriledi:
1. Óleńdi oqyp, tanysý.
2. Taqyrybyn ashý.
3. Ideıalyq mazmunyn aıtý.
4. Sózdikpen jumys.
5. Qorytý.

Ár top óz tapsyrmalary boıynsha sóılep, taqyrypty túsindiredi.
Toptastyrý strategıasy boıynsha balalar M. Dýlatov óleńderiniń mektep oqýlyǵynda berilgen taqyryptaryn toptastyrady. Sonda tómendegideı taqyryptar ashylýy kerek:
Halyqtyń áleýmettik jaǵdaıy;
Otarlaý saıasatyn áshkereleý;
El basqarar azamattardy ańsaý;
Oqý - bilim izdeýge úndeý;
El úshin kúreske shaqyrý.

Muǵalim áńgimesi:
I. Jaqanovtyń «Kez bolǵan soń ker zaman bizdiń baqqa» maqalasyn paıdalana otyryp, «Alashqa», «Alash marshy» óleńderi týraly áńgimelep, M. Dýlatovtyń sazger ekenin tanytý, án notasyn kórsetý. «Aıyrylǵanda», «Súıgen jarǵa», «Qanat taldy» sıaqty da ánderi baryn, J.Aımaýytovtyń «Alash urany» óleńine saz shyǵarǵan shyǵarmashylyq baılanystary týraly habardar etý. Bul – Mirjaqyptyń 2 - marshy.

İİİ. Bekitý bólimi
«Tez jattatý» ádisi arqyly «Oıan, qazaq»shýmaǵyn jattatý:

Kózińdi ash,......,... basty,
... qarańǵyda beker....
Jer..., din..., hal......,
..., endi jatý...-....

İÝ. Úıge tapsyrma berý
Mirjaqyp aqyndyǵy. Hrestomatıadan qalaǵan óleńin jattaý.
Ý. Baǵalaý. Toptyq jumys kezindegi belsendiligi boıynsha jáne qorytyndy bólim boıynsha baǵalaý.