InfoHub Logo

Kúnderdiń kúninde bir torǵaı ushyp kep, bir sharýanyń qorasyna qonady da, shashylǵan dánderdi terip jeı bastady. Muny kórip, qojaıynynń mysyǵy bir múıistiń tasasynda turyp torıdy. Ańdyp otyrǵan mysyq bir mezette shorshyp baryp torǵaıdy bas salady. Qanatynan qapsyra tistep turyp:

— Endi bir jaqsylap toıatyn boldym! — deıdi.

— Eı, mysyq myrza, uıalsańshy! Jýynǵandy umytyp barasyz ǵoı, ózi! Ózińizdiń qojaıynyńyz da, onyń áıeli de, jýynǵannan keıin baryp tamaq jeıdi, — deıdi torǵaı.

— Onyń da durys eken-aý, — dep mysyq jaqsylap jýynyp, súrtiný úshin aldyńǵy aıaǵyn tumysyǵyna aparady.

Sol kezde torǵaı, uzaq oılanyp jatpaı, jalt beredi! Qanatyn qaǵyp, ushady da ketedi! Mysyq yza bolady. Sodan beri qaraı mysyq ataýly tamaq jegennen keıin jýynatyn bolǵan eken.

---