InfoHub Logo

Bir kisi bazarǵa baryp keledi. Aýylda ońaı paıda izdeıtin, jumys dese kejegesi keıin tartatyn bir kisi bar eken, sol:

— E, aqsaqal, bazarda ne arzan, ne qymbat eken? — deıdi. Bazarshy qaljyńdap:

— Bazarda mysyq pul eken, — deıdi.

Anaý aýyldaǵy barlyq mysyqtardy jınap, bir qapqa toltyra salady da, aýzyn býyp, bazarǵa júrip ketedi. Bazar tústik jer eken, mysyqtar qarny ashyp, biriniń ústine biri bastyǵyrylyp, qarańǵy túnekten qalaı qutylýdyń jolyn taba almaı mıaýlaı bastaıdy.

Bir ýaqytta álgi kisi bazarǵa keledi. Bazardaǵy bireýler búlkildep jatqan qapty kórip:

— Bul ne? — deıdi.

— Mysyq, alasyń ba? — dep suraıdy.

Onyń «mysyq» degenine analar túsinbeı kórsetshi degen kisishe qaptyń qasyna keledi. Anaý qaptyń aýzyn asha bergende, ishindegi mysyqtar tym-tyraqaı qasha jónelipti. Paıdakúnem aýzy ańqıyp qala beredi.

---