InfoHub Logo

Sabaqtyń taqyryby: M. Maqataev «Raıymbek, Raıymbek» poemasy, taqyryby, ıdeıasy.
Sabaqtyń maqsaty: Shyǵarmanyń mazmunyn meńgertý, taqyryby men ıdeıasyn ashqyzý, til kórkemdigin meńgertý.
Sabaqtyń mindeti: Shyǵarmany bólimderge bólip jumystandyra otyryp, ádebı tilde sóıleý daǵdylaryn qalyptastyrý.
Ne arqyly: Úsh jaqty kúndelik, venn dıagramsy, kýbızm, semantıkalyq karta t. b.
Sabaqtyń barysy: İ. Úı tapsyrmasyn tekserý.
Synyp oqýshylary úsh topqa bólinedi. Oqýshylar úıge berilgen aqyn shyǵarmashylyǵynyń basty taqyryptaryna toqtalady.
1. Aqyn óleńderiniń taqyryptary, ereksheligi.
2. Poemalary.
3. Muqaǵalıdyń prozalyq shyǵarmalary, dramasy.
4. Aýdarmalary

İİ. Qyzyǵýshylyǵyn oıatý.
Oı qozǵaý
«Men bir nársege – poezıanyń tirshilikpen birge, ıaǵnı adammen, tabıǵatpen birge óletinine - kámil senemin. Adamzat jany qatygez tartsa tarta bersin. Qaıtse de bir parasatty adam qalady. Ol – aqyn. Aqyrǵy sóz soniki»,- dep ózi kúndeliginde jazǵandaı Muqaǵalı poezıasy ómirmen birge jasasyp keledi. Aqyn jyrlaryn oqı otyryp árkim odan óziniń búgini men ótkenin, keleshegi men armanyn kóredi. Kóredi de sodan sabaq alady.
Jetkiz jurtqa búgini, ótkenderin,
Qysyn, kúzin, jazy men kóktemderin.
Jadynda tutsyn urpaq jasyrmaı aıt,
Aqtaban shubyryndy ótkelderin,
Arýdy aram jandar ópkenderin,
Boz ingen botasy ólgen boı jaza almaı,
«Elim - aı»
Arýana shókken jerin.
Ólshesin búgini men ótkenderin! – aqyn óziniń shyǵarmalary arqyly týǵan jeriniń qadyr - qasıetin, tarıhyn keleshek urpaqqa uǵyndyryp ketýge tyrysady. Soǵan mysal retinde «Raıymbek» poemasyn alýǵa bolady. (Raıymbektiń portreti kórsetiledi)

İİİ. Maǵynany taný.
«Kýbızm» strategıasy boıynsha poemaǵa jan - jaqty taldaý jasalady.
Búgingi sabaqta M. Maqataevtyń «Raıymbek, Raıymbek!» poemasyna taldaý jasaı otyryp oqımyz. Aqynnyń tereń oımen jazylǵan bul shyǵarmasy jońǵar shapqynshylyǵy kezinde eline qorǵan bolǵan Raıymbek batyrǵa arnalady.
Taqtaǵa jospar ilinedi.
1.«Qarataýdyń basynan kósh keledi».
2. «- Óziń bala bolsań da, sóziń dana, otty eken,
Aq kún týsyn aldyńnan, basqa aıtarym joq bóten».
3. «Daýasy joq jan eken, oty janǵan,
İlesińder osyǵan oty barlar!»

Oqýshylar birlese otyryp shyǵarmanyń kompozısıalyq josparyn qurady. Osy jospar boıynsha shyǵarmanyń mazmuny aıtylady.
Kompozısıalyq jospar:
Oqıǵanyń bastalýy: Jaý shapqan qazaq aýyly.
Oqıǵanyń baılanysy: Jyraýdyń balaǵa kezdesýi.
Oqıǵanyń órbýi: Jyraý men balanyń áýlıege baryp táý etýi.
Oqıǵanyń shıelenisýi: Balanyń óz atyn urandaýy, halyqtyń narazylyǵy.
Oqıǵanyń sharyqtaý shegi: Qatal syn.
Oqıǵanyń sheshimi: Raıymbektiń qolbasshylyqqa qol jetkizýi.

İ top. Taldaý. Aqyn sheberligin tanytatyn kórkemdik quraldardyń shyǵarmanyń ıdeıasyn ashýdaǵy rólin anyqtaıdy. (Úsh jaqty kúndelikke toltyrady )
İİ top. Sıpattaý. Poemadaǵy keıipkerlerdiń is - áreketine taldaý jasaı otyryp, ózinshe baǵalaıdy, minezdeme beredi.
İİİ top. Salystyrý. Tarıhı derekter men poemadaǵy Raıymbektiń ádebı beınesin salystyrady. Osy poemanyń taqyrybyn, ıdeıasyn, keıipkerlerin ózge shyǵarmalardyń keıipkerleri, ıdeıasy, taqyrybymen salystyrady (Venn dıagramsy).

«Talqylaý kestesin» toltyra otyryp osy sabaq barysynda alǵan bilimderin jınaqtaıdy.
Poemanyń avtory
Poemanyń taqyryby
Poemanyń ıdeıasy
Oqıǵa bolǵan jer
Basty keıipkerleri
Túıin.

İÚ. Tolǵanys.
«Hat jazý» strategıasy boıynsha avtorǵa, poema keıipkerlerine óz pikirlerin bildirip hat joldaıdy.
Ú. Úı tapsyrmasy.
1. Poemadan úzindi jattaý.
2. «Bolar bala on besinde baspyn der» degen taqyrypta Raıymbektiń is - áreketine taldaý jasaı otyryp esse jazý.