InfoHub Logo

Bilim berý salasy: Shyǵarmashylyq.
Bólimi: Músindeý
Taqyryby: Torǵaı
Bilimdilik: Balalarǵa ermeksazdy paıdalanyp, qustardyń birneshe bólikten músindeı bilýge úıretý;
Damytýshylyq: Olardyń dene bólikterin durys ornalastyrý, damytý, oı – órisin, oılaý qabiletin, qol ıkemderin damytý;
Tárbıelik: Balalardy shyǵarmashylyqqa, uqyptylyqqa, qustardy qorǵaýǵa, meıirimdilikke tárbıeleý.
Oqý is – áreketine qoldanylatyn quraldar: qustardyń sýreti, ermeksaz, taqtaıshalar.

Motıvasıalyq - qozǵaýshylyq
Shattyq sheńberi:
Kún jaryǵyn alaqanǵa salamyn
Júregime basyn ustap qalamyn
İzgi ári názik, jaryq, meıirimdi
Bolyp keter sonda bálkim jan jaǵym

Uıymdastyrýshylyq izdenistik

Shyǵarmashylyq jumys
Tárbıeshiniń túsindirýi:
- Balalar Qazaqstandaǵy qandaı qustardy bilesińder me?
- Endeshe balalar, bizder torǵaı degen quspen tanysamyz jáne ony ermeksazdan jasap úırenemiz.
Qustar týraly beıne rolık
Jer sharyna keń taraǵan 27 túri bar. Afrıka, Eýropa men Azıada keń taralǵan, keıbir túrleri jersindirý maqsatymen Amerıka, Avstralıa men Jańa Zelandıaǵa aparylǵan. Qorazy men mekıeniniń syrtqy túsi ártúrli: qorazdarynyń tamaq asty qara tústi bolady. Kópshiligi – otyryqshy, keıbireýleri – jyl qustary. Uzyndyǵy 12 – 15 sm. Aǵash qýystaryn, inderdi, úı - jaılardy mekendeıdi nemese aǵashtarǵa shar tárizdes uıalar salady. Qoregi – dánmen; balapandaryn bastapqy ýaqytta jándiktermen, keıinnen ósimdik tuqymdarymen qorektendiredi. Shól torǵaılar sırek kezdesetin qus retinde «Qyzyl kitapqa» engizilip, qorǵaýǵa alynǵan.
Torǵaıdy músindeý úshin denesin sopaqsha etip esip alamyz, moınyn sál sozyp shyǵarý. Basyn domalaqtap jasap alyp, moınyna ákelip biriktirip jabystyramyz, saýsaqtarmen tegisteıdi. Berik ornalasýyna mán berýimiz kerek. Tumsyǵyn basynan shymshyp sozyp shyǵarady. Qanattaryn taıaqshamen eki jaq búıirine syzyp bederlep túsirý.

Sergitý sáti:
Boıymyzdy uzartyp
Bıikke qol sozaıyq
Barmaq basyn qozǵaltyp
Beske jumys jasaıyq.

Balalar kórsetilgen úlgimen torǵaıdyń músinin jasaıdy.
Músindeý: Torǵaı. júkteý