InfoHub Logo

Qazaq ádebıeti 7 synyp
Sabaqtyń taqyryby: M. Áýezov «Kókserek» áńgimesindegi negizgi másele (prezentasıasymen)
Maqsaty: Bilimdilik: Áńgime mazmuny arqyly keıipkerler is - áreketine, avtor kózqarasyna boılaý;
Damytýshylyq: Oqýshylardyń qyzyǵýshylyǵyn oıatyp, olardyń iskerlik daǵdysyn qalyptastyrý, shyǵarmashylyq qabiletterin damytý;
Tárbıelik: Tabıǵatty qorǵaýǵa, aıalap, baptap kútýge úndeý, adamgershilikke tárbıeleý

Túri: jınaqtaý, qorytyndylaý sabaǵy
Ádisi: synı turǵydan oılaý strategıalaryn qoldaný, aqparattyq - kommýnıkatıvtik tehnologıalardy qoldaný
Kórnekiligi: ınteraktıvti taqta, jobalaý syzbalary, ılústrasıalyq sýretter
Pánaralyq baılanysy: kıno óneri, mýzyka

Barysy: 1. Uıymdastyrý
Balalar, biz sizdermen ótken sabaqtarda álem moıyndaǵan áıgili jazýshymyz M. Áýezovtiń bárimizge kórkem fılm arqyly jaqsy tanys, adamzatqa úlken oı salarlyq kórkem týyndysymen tanysqan bolatynbyz. Al búgin sol alǵan bilimimizdi, túıgenimizdi jınaqtap qorytyndylaımyz. Endeshe qazir bar ynta - yqylasymyz ben nazarymyzdy taqtaǵa aýdarsaq...
Oı qozǵaý (fılmnen epızod kórsetiledi) 1 mınýt
Osy fılm men shyǵarma arasynda qandaı baılanys bar?
Mine, osyndaı óner týyndylarynyń bizge aıtar oıy, kótergen máselesi qandaı? Biz ne uqtyq?
Osy saýaldarǵa jaýap izdeý, oı qozǵaý – ıaǵnı shyǵarmadaǵy túıindi oı, negizgi problemany anyqtap, keıipkerler álemin boljaý, top bolyp birlesip taldaý jasaý – búgingi sabaǵymyzdyń maqsaty dep bilemiz.
Áýezovten bizge jetti kóp derek,
Tutqyn bopty Qurmashjanǵa Kókserek.
Shýyldasyp aýyldyń bar ıtteri
Jabylypty Kókserekke kóp tóbet
- Olaı bolsa, biz ótken shyǵarmanyń oqıǵalyq jelisi kimderdiń arasynda órbıdi, keıipkerleri kimder?
- Árıne, Kókserek pen onyń ıesi jáne adamdar is - áreketine baılanysty damıdy. Olaı bolsa, biz qazir «Adamdar» jáne «Qasqyrlar» toby bolyp eki topqa bólinip jumys jasaımyz.
Baıqaǵan bolsańyzdar, keıipkerler is - áreketi shyǵarmanyń ár bóliminde ár qyrynan kórinedi. Soǵan saı negizgi oqıǵany óz qıaldaryńyzben beınelep, sýret salyp kelý tapsyrylǵan bolatyn jáne biz alǵash mátinmen tanysqan kezde, keıipkerler is - áreketin anyq aıyrý úshin negizgi oqıǵalardy jobalaý syzbasyna da túsirip otyrdyq. Mine, osyndaı tapsyrmalardy top bolyp jınaqtap qorǵaısyzdar.

«Adamdar» toby – qazir sol salǵan sýretterińizdi jınaqtaý arqyly shyǵarmanyń
kompozısıalyq qurylysyna taldaý jasaý jobasyn qorǵaısyzdar.
«Qasqyrlar» toby – jobalaý syzbalaryńyzdy jınaqtap, model qurasyzdar. (2 mın)

Maǵynany taný.
Jazýshy adam men tabıǵat arasyndaǵy baılanysty, túrli qaıshylyqtardy sheber kórsete bilgen. Kishkentaı Qurmashtyń tragedıasy senderge de oı salary anyq.
Olaı ıýolsa, keıipkerler harakterin tereń taný úshin shyǵarmanyń ón boıyna zer sala úńilip taldaý jasasaq.
1. Kestemen jumys «Qasqyrlar» toby
Jer - sý ataýlary: Qaradyr

Shóp, ósimdik ataýlary: Itmuryn
«Adamdar» toby
Keıipkerler ---------------- İs - áreketi -------------------- Minezdeme
Qurmash ---------------------- Kúshikti asyraıdy ----------- Meıirimdi

2. Kýbızm
SÝRETTE – Kókserektiń portretin sýretteńiz
SALYSTYR – Kókserek pen Aqqasqany salystyr
ZERTTE – Qasqyr týraly ne bilemiz?
QOLDAN – Kókserek týraly el adamdary ne dedi?
DÁLELDE – Kókserekti jaýyzdyqqa ıtermelegen de, Qurmashqa aýyz saldyrǵan da qandaı jaǵdaı?
TALDA – Kókserektiń qatygezdigin qaı tustarda baıqadyńyz?

3. Shyǵarma epızodyn mazmundap jazý
«Adamdar» toby
Kókserek bastaǵan qasqyrlardyń at shanaly jalǵyz jolaýshyny qamaǵan sátin mazmundap jazyp, at qoıyńdar.

«Qasqyrlar» toby
Túıeli adammen qaqtyǵysta Kókserektiń jaralanǵany sýretteletin sátti mazmundap jazyp, laıyqty at qoıyńdar.
4. Taldaý suraqtaryna erkin jaýap bersek...
• Kózin ashpaǵan kishkentaı kezinen jaqsy kórip asyraǵan, talaı ret talaǵan ıtterden, óshtesken úlkenderdiń qolynan aman alyp qalǵan Qurmashty Kókserek tanymady ma, álde ashtyq jeńdi me? Taǵy qandaı sebepteri bolýy múmkin dep oılaısyńdar?
• Adamdardyń Kókserekti kúshik kezinde óz uıalastarynan ajyratýy durys pa?
• Kókserek jaýyzdyq is - áreket jasaǵanyna kináli me?
• Áńgime tek Kókserek aınalasynda ǵana ma?

5. Kestemen jumys
«Qasqyrlar» toby
«Adamdar» toby

6. Jazýshynyń shuraıly tilimen jazylǵan shyǵarma ózderińizge unady ma? Nesimen? Kestemen jumys
Shyǵarma nesimen unady?
Saǵan unaǵan keıipker
Jasaǵan qorytyndy
• Qasqyrlar týraly qandaı maqal - mátel bilesizder?
• Osy shyǵarmanyń jazylý tarıhyna ne sebep bolǵan?
- Mine, osyndaı shoqtyǵy bıik shyǵarma jelisi boıynsha túsirilgen fılmniń kıno tarıhyna sholý jasasaq. (Slaıd kórsetiledi)
● Al endi bir sát boljaý jasap kórsek
1. Qalaı oılaısyzdar, qasqyrdy qolǵa úıretýge bola ma?
2. Oqıǵany siz qalaı aıaqtaǵan bolar edińiz?
3. Qasqyrdy túgel qurtyp tastaýǵa bola ma?
● Mýzyka tyńdalady («Mır jıvotnyh»)
o Osy mýzykany tyńdaǵanda kóz aldaryńa qandaı kórinis elesteıdi?
o Olaı bolsa, osy shyǵarma arqyly qandaı oı túıýge bolady?
(Tabıǵatqa qıanat jasama, adamzat)
Belgili jerles aqynymyz Q. Myrzalıevtiń myna oıyna nazar aýdaraıyq
Haıýanatqa jasaǵan qıanatyń,
Adamzatqa jasaǵan opasyzdyq,- deı otyryp, «qasqyr», «adam» sózderine bes joldy óleń jazyp kóreıik

Úıge: «Adam jáne tabıǵat» shyǵarma jazý
Baǵalaý