InfoHub Logo

Jazýshy Tomas Korlı bes jyl boıy óz kúshimen dáýletke jetken 177 mıllıonerdiń ádetterin zerttedi. Ol olardyń kúndelikti áreketteri bir-birine uqsaıtynyn baıqady jáne dál sol áreketter olardyń tabysqa jetýlerine yqpal eti degen qorytyndyǵa keldi.

Ómirińizge búginnen bastap qoldanýǵa bolatyn mıllıonerlerdiń 17 ádeti:

1. Únemi oqý

Mıllıonerler kóńil kóterý úshin emes, ózin-ózi damytý úshin oqıdy. Korlı olardyń 88%-y «kúnine ózdiginen bilim alý nemese ózin-ózi kemeldendirý úshin kem degende 30 mınýt ýaqytyn oqýǵa bóledi» jáne «olardyń kópshiligi kóńil kóterý úshin oqymaıdy» dep jazdy.

«Baılar bilim alý úshin nemese ony demeý úshin oqıdy» deıdi ol.

Sondaı-aq, Tomas Korlı mıllıonerler ádebıettiń úsh túrin tańdaýǵa beıim ekenin anyqtady: tabysty adamdardyń ómirbaıany, tulǵany damytý týraly kitaptar jáne tarıhı kitaptary.

2. Sportpen shuǵyldaný

«Baı adamdardyń 76%-y kún saıyn kem degende 30 mınýt boıy aerobty jattyǵýlar jasaıdy», — deıdi Korlı. Aerobty jattyǵýlar kardıoǵa baılanysty barlyq nárselerdi qamtıdy: júgirý, júrý jáne velosıped.

«Kardıo tek fızıkalyq jaǵdaıǵa ǵana emes, sonymen qatar mıǵa da paıdaly. Ol neırondardy qalpyna keltirýge kómektesedi», — dep jazady Korlı.

«Dene jattyǵýlary sonymen qatar glúkoza óndirimin arttyrady. Glúkoza mıǵa arnalǵan otyn. Siz oǵan qanshalyqty kóp janarmaı berseńiz, ol soǵurlym jaqsy jumys isteıdi jáne siz aqyldy bolasyz» — deıdi Korlı.

3. Tabysty adamdarmen aralasý

«Sizdiń jetistikterińiz Siz jıi sóılesetin adamdar qanshalyqty tabysty bolýyna baılanysty. Mıllıonerler árqashan maqsatty, optımısi, yntaly jáne jalpy pozıtıvti oılaıtyn adamdardy izdeıdi», — dep jazady Korlı. Ol teris kózqarasty adamdardan aýlaq bolý óte mańyzdy ekenin basa aıtady, óıtkeni «destrýktıvti syn sizdi tabysty bolýdan aıyrady».

4. Qaıyrymdylyqpen aınalysý

Ózderin bedeldi adamdarmen qorshaý úshin kóptegen mıllıonerler qaıyrymdylyq jumystarymen aınalysady, deıdi Korlı. «Mine, sondyqtan kóptegen baı adamdar qoǵamdyq uıymdarda óz erikterimen jumys isteıdi. Bul olarǵa basqa tabysty adamdarmen tanysý jelisin keńeıtýge kómektesedi», — dep jazady ol. Ol ádetterin zerttegen mıllıonerlerdiń 72% aı saıyn eriktilerdiń jumysyna kem degende bes saǵat bólgen.

5. Armandardy tujyrymdaý

«Armandardy tujyrymdaýǵa sizdiń ıdealdy ómirińizdiń senarıin jasaý kiredi. Sizdiń barlyq tilekterińiz oryndalady dep elestetip, Siz ózińizdi jáne bolashaqtaǵy ómirińizdi sýretteısiz. Sodan keıin bes júzden myńǵa deıin sózderdi qoldanyp qaǵaz betine túsiresiz.», — dep túsindiredi Korlı. Onyń zertteýlerine qatysqandardyń 61%-y osy ádisti qoldanatyndaryn habarlady.

6. Óz maqsattaryńdy kózdeý

«Óz qalaýyńyz ben maqsattaryńyzǵa jetýge tyrysyp qýdalaý uzaq ýaqyttyq baqyt pen úlken baılyqqa qol jetkizýge múmkindik beredi», — dep jazady Korlı. Kóptegen adamdardyń jiberetin qateligi basqa bireýdiń armanyna jetýge tyrysý, mysaly, ata-analarynyń armany, tabysty adamdar ózderiniń maqsattaryn anyqtaıdy jáne olarǵa jetý úshin bar kúshin salady.

«Qumarlyq jumysty jaǵymdy etedi. Qumarlyq sátsizdikter men qatelikterdi jeńý úshin qajet qýat pen tabandylyqty beredi», — dep jazady Korlı.

7. Jeti saǵattan az uıyqtamaý

«Uıqy sáttilik úshin óte mańyzdy», — deıdi Korlı. Onyń zertteýine qatysqandardyń 89%-y jeti saǵattan az uıyqtamaıtyndaryn aıtty. «Uıqy kóptegen beımaǵlum tapsyrmalardy oryndaıdy» onyń ishinde este saqtaý qabiletin jaqsartý da bar, — deıdi ol.

8. Erte turý

Ádetteri zerttelgen mıllıonerlerdiń shamamen 50%-y jumys kúni bastalǵanǵa deıin úsh saǵat aldyn oıanatyndaryn aıtty. Osylaısha  olar uzaq ýaqytqa sozylatyn jınalys, kólik keptelisi nemese aýyryp qalǵan balany mektepten alyp ketý sıaqty sózsiz bolyp turatyn jaǵdaılarmen kúresedi.

«Bul tosyn jaǵdaılar bizge psıhologıalyq áser etedi. Olar túpsanaǵa enip, bizdiń ómirimizdi basqara almaımyz degen senim qalyptastyrýy múmkin. Bir kúnde aıaqtaǵyńyz keletin úsh negizgi nárseni aıaqtaý úshin tańǵy beste turý sizge baqylaýdy qalpyna keltirýge kómektesedi. Ol sizge shynymen ómirdi basqaratyndyǵyńyzǵa senimdilik beredi», — dep jazady Korlı.

9. Birneshe kiris kózine ıe bolý

«Óz kúshimen dáýletke jetken mıllıonerler bir tabys kózine súıenbeıdi. Olar birneshe aqsha aǵyndaryn damytady», — dep jazady jazýshy. «Úsh sany meniń zertteýimde sıqyrly sanǵa aınalǵanǵa uqsaıdy», — dep jazady Korlı, respondentterdiń 65%-y «alǵashqy mıllıonyna qol jetkizgenge deıin kem degende úsh tabys kózine ıe bolǵanyn» atap kórsetti. Osy qosymsha aqsha aǵyndarynyń mysaldaryna: jalǵa jyljymaıtyn múlikti berý, qor naryǵynda ınvestısıalardyń bolýy jáne qosymsha bızneste jartylaı menshik ıesi bolý jatady.

10. Tálimgerlerdi tabý

«Tálimger tabý baılyqty jınaý prosesin tezdetedi», — deıdi Korlı. «Tálimgerler sizge tek oń áser etpeıdi. Olar únemi jáne belsendi túrde sizdiń jetistikterińizge qatysady, ne isteý kerek jáne ne istemeý kerek dep keńes beredi. Olar ózderiniń tálimgerlerinen nemese ómirdiń qatal mektebinen alǵan qundy sabaqtarymen bólisedi».

11. Basqalarǵa jetistikke jetýge kómektesý

«Jetistikke umtylǵan adamdarǵa kómektesý ózińizge de jetistikke jetýge múmkindik beredi. Muny maqsattas adamdar tobynyń qoldaýynsyz eshkim jasaı almaıdy. Komanda qurýdyń eń jaqsy tásili — basqa órshil adamdarǵa kómek usyný. Jetistikke umtylatyn, ómirge qushtar, maqsatty, pozıtıvti jáne shabyttandyratyn adamdarǵa kómektesýge basa nazar aýdarý kerek» — deıdi Korlı.

12. Árqashan pozıtıvti oılaý

«Álemge pozıtıvti kózqarasta bolǵanda ǵana uzaq merzimdi jetistikke jetýge bolady. Meniń zertteýimde barlyq mıllıonerlerdiń erekshe belgisi pozıtıvtilik boldy», — dep jazady Korlı. Onyń pikirinshe, adamdardyń kópshiliginiń problemasy — olar oń da, teris te bolsyn óz oılaryn sezinbeıdi. «Eger siz óz oılaryńyzǵa kóńil bólip zerdesine jetseńiz olardyń kópshiligi negatıvti ekenin baıqaısyz. Biraq siz olardy zerdelegende ǵana olardyń mundaı ekenin túsinesiz. Zerdeleý — bul kilt», — deıdi jazýshy.

13. Kópshiliktiń artynan ermeý

«Biz kópshilikpen birigip, kópshiliktiń qataryna qosylǵymyz keledi, sondyqtan odan shyqpaý úshin qolymyzdan kelgenniń bárin jasaımyz», — dep sanaıdy Korlı. Sondyqtan «kóptegen adamdardyń jetistikke jete almaýlarynyń sebebi ózin tobyrdan bóle almaýy», — deıdi ol. Jazýshynyń aıtýynsha, tabysty adamdar ózderiniń toptaryn quryp, izbasarlaryn tartady.

14. Etıket erejelerin úırený

«Óz kúshimen dáýletke jetken mıllıonerler belgili bir etıket erejelerin ıgergen, siz de jetistikke jetýdi qalasańyz, olardy ıgerýińiz kerek» dep jazady Korlı.

Bul erejelerge alǵys hattardy jiberý, úılený jáne týǵan kúnder sıaqty mańyzdy oqıǵalarda quttyqtaý, dastarqan basynda ádep ejelerin saqtaý jáne is-sharalarǵa durys kıimdi tańdaý kiredi.

15. Kúnine 15-30 mınýt oıǵa shomý

«Oılanyp-tolǵaný tabystyń kilti», — deıdi Korlı. Baı adamdar kúnde tańerteń keminde 15 mınýtyn jalǵyzdyqta oıǵa shomýǵa bóledi.

Jazýshynyń aıtýynsha, «olar kún saıyn jeke qalyp kóptegen máselelerdi qamtıtyn mı shabýyldaryn ótkizedi» — mansap pen qarjydan bastap densaýlyq pen qaıyrymdylyqqa deıin.

Olar «Kóbirek aqsha tabý úshin ne isteı alamyn?», «Jumysym meni baqytty etedi me?», «Men kóp jattyǵamyn ba?», «Men taǵy qandaı qaıyrymdylyq jobalaryna qatysa alamyn?» degen sıaqty suraqtar qoıady.

16. Keri baılanys izdeý

«Synnan qorqý — bul keri baılanysqa júginbeýimizdiń sebebi. Biraq ol ne durys bolyp jatqanyn, qaı jerde qatelikter ketkenin túsiný úshin qajet. Keri baılanys sizge durys jolda ekenińizdi túsinýge kómektesedi. Jaqsy da, jaman da pikirler oqý men ósýdiń mańyzdy elementi bolyp tabylady», — deıdi Korlı.

Sonymen qatar, keri baılanys sizge baǵytty ózgertýge jáne jańa jumys nemese kásippen tájirıbe jasaýǵa múmkindik beredi. Korlı aıtqandaı, «keri baılanys kez-kelgen bastamada jetistikke jetý úshin qajetti aqparatty beredi».

17. Eshqashan berilmeý

«Óz kúshimen dáýletke jetken mıllıonerler tabandy. Olar eshqashan óz armandarynan bas tartpaıdy. Olar kemeni tastap ketkennen góri kememen birge sýǵa batyp keter edi», — dep jazady Korlı. Onyń zertteýine qatysqandardyń tórtten birinen kóbi bızneste kem degende bir ret sátsizdikke ushyrap, qaıtadan oralǵandaryn aıtty. «Eger siz jetistikke jetkińiz kelse, sheksiz bolyp kórinetin baqytsyzdyqtarǵa qarsy tózimdi bolýyńyz kerek», — dep jazady jazýshy.

Kerimsal Jubatqanov, tarıh ǵylymdarynyń kandıdaty

Oqýǵa keńes beremiz:

Bıll Geıtstiń kóshbasshylyq syrlary

Baı bolý úshin oqylýy tıis 10 kitap

Qalaı mıllıoner bolýǵa bolady: San-Fransıskodaǵy qańǵybastyń tarıhy

Siz nege áli kúnge deıin baı emessiz: 7 sebebi

---