InfoHub Logo

O, Naǵashym,
Báıteregim, jemisim,
Qurǵan ómir kileminde jelimiń!
Ortaq bolǵan shattyǵym men qaıǵyma,
Óziń qamqor, batagóısiń men úshin!
 
Saýap, izet nurlandyryp sanasyn,
Álpeshtegen apasyn da, anasyn,
Qutty bolsyn jasap jatqan toıyńyz,
Dana ornyna dana bolǵan naǵashym!
 
Qonystanyp qalasyn da, dalasyn,
Jetildirgen toǵyz ul-qyz balasyn,
Qutty bolsyn búgingi altyn toıyńyz,
Aǵa ornyna aǵa bolǵan naǵashym!
Ońnan týyp Kúnińiz ben Aıyńyz,
Tulpar boldy siz baptaǵan taıyńyz.
Bar tilegi – bizdeı aqyn jıenniń,
Qutty bolsyn búgingi nur toıyńyz!

*** *** *** ***

Úsh jurttyń ulyǵy dep, ulysy dep,
Sóziniń burynǵynyń durysy kóp.
Men seni jaqsy kórem, naǵashyjan,
Ardaqty anashymnyń týysy dep.
Aıaýly inisi dep aq mamamnyń,
Syrymdy saǵan ǵana aqtaramyn.
Keıde bir kelip qaıtsań, jolyń túsip,
Marqaıyp, maqtanamyn, shattanamyn.
Beıneńnen bir uqsastyq tapsam tanys,
Baıqatpaı qaraı berem qalyp táriz.
Anamnyń qymbat júzi túsedi eske,
Kóńilimniń túkpirinde jatqan alys.
Jol qarap, keler deýmen kúz be, qys pa,
Júgirem ıt úrgende túnde tysqa.
Anamdy saǵynǵanda seni oılap,
Ótkizem alańdaýmen kúndi qysqa.
Jarq etip, jaqsy aǵa, aq mańdaıyń,
Tireı ber bizdiń úıge at mańdaıyn.
Qaraımyn kókjıekke kúnde turyp,
Artyńda anam kele jatqandaıyn.

*** *** *** ***

Bólinbeıdi bóleler, tatý-tátti sanalar,
Bólinseńder bóri jer, dushpandaryń tabalar.
Men naǵashy bilseńder, sender maǵan jıensiń,
Jaqsy bolsań jıender, naǵashyny súıersiń,
Sýyǵyna qaltyrap, ystyǵyna kúıersiń,
Maǵynasyn túsinseń, báriń oılap bilersiń.
Eńbek etseń erinbeı baqytty bolyp júrersiń,
Meniń aıtqan  aqylym, týǵan-týys jaqynym,
Túsinbeseń sózime, jetpegeni aqylym.
Bala-shaǵa, jastarym óse bersin baqtaryń,
Bereke, birlik etińder, kóbeıe bersin dostaryń.

*** *** *** ***

Sol ekeýden jeti-segiz biz barmyz
Bári jıen, bári sizge bóten be?!
Bári jıen, bári sizdiń qanyńyz,
Bári sizdiń shashqan tuqym-taryńyz.

*** *** *** ***

Qymbat bolar týǵan jerdiń aǵashy da,
Árkimniń jetý kerek baǵasyna.
Anamnyń aq súti úshin ómir boıy,
Bárimiz boryshtymyz naǵashyǵa!

*** *** *** ***

Alys aýyl arasyn
Jaqyn qylǵan naǵashym,
Aq kóńildi balasyn
Aqyn qylǵan naǵashym,
Naǵashymnyń jańasyn
İzdeseń qaıdan tabasyń?

*** *** *** ***

Jıenge
Ósip-óner jurtyma,
Óris bolǵan jıenim.
Aıqasqanda jaýymen,
Jeńisti alǵan jıenim.
Eldigin de bilemin,
Keńdigin de bilemin,
Taıma osy qalpyńnan
Ózińe aıtar tilegim.

*** *** *** ***

JIENDERİM,
Toıyńa arnap men keldim,
Qyz degeniń – jat jurttyq,
adamy dep ózge eldiń.
Armysyńdar, jınalǵan jurttary apamnyń,
Qalyp ketken kózderi meniń asyl jezdemniń.
 
Ata dástúr boıynsha satpaıdy qyz súıgenin,
Apam úshin maqtanam – jaqsy boldy  jıenim!
Qutty bolsyn toılaryń .......... áýleti,
Barlyǵyńdy keýdeme basyp, qysyp súıemin.
 
Sendersińder tirliktiń jelkildegen quraǵy,
Apam, jezdem armanyn ózderińe ulady!
Toıǵa ulyssyn toılaryń – tý qadańdar bıikke,
Jaqsy týǵan jigitke jat jurt kelip turady.