InfoHub Logo

Taqyryby: NAǴYZ QAZAQ - DOMBYRA!
Maqsaty: Oqýshylardyń shyǵarmashylyq qabiletin ósire otyryp jeke tulǵanyń rýhanı adamgershiligin damytý. Mádenı saýatty, qazaqtyń aspaptyq mýzykasyn tereń túsinetin, qurmetteıtin, óresi bıik, halqymyzdyń ulttyq aspaby dombyrany qasterleıtin urpaq tárbıeleý. Ónerge beıimdeý arqyly ásemdik álemin tanytý, ónerge degen súıispenshiligin, ynta - yqylasyn arttyrý.
Kórnekiligi: Sahnanyń ortasynda sımvoldyq «aqqý - dombyra»;
Dombyra jáne qazaq óneri týraly óner zertteýshileriniń naqyl sózderi; «Dombyra - dastan» atty tarıhı - etnografıalyq málimetter toptastyrylǵan stend.

Jospary:
1 - bólim «Dombyra týraly ańyz» sahnalyq kórinis.
2 - bólim «Dombyra - dastan» dombyranyń syr - sıpaty týraly.
3 - bólim «Ánim de sen, jyrym da sen - dombyra»

Ótilý barysy:
Júrgizýshi
Ertede baı kedeıdi,
Adam eken demeıdi.
Kúıshi bopty bir kedeı,
Sol kezde aqqý kómeıli.
Tebirense kúı tartyp,
Tyńdapty jurt tamsanyp.
Halqy qatty tamsandy,
Hannan beter qarsy alyp.
Baılar ony jek kórip,
Júredi eken kektenip.
Qoryqqannan syılapty,
Qymyz berip, et berip.
Qolǵa bir kún túsirdi,
Ol da ónerin túsindi.
Ólmesin dep kúılerin,
Aqqý qylyp ushyrdy. (10 - synyp qyzdarynyń oryndaýyndaǵy «Aqqý» bıimen sahna ashylady.)

1 - júrgizýshi: Dombyra munsha sheshen boldyń nege,
Kúı tolǵan kókiregiń shejire me?
Syr qozǵap ǵasyrlardan jónelesiń,
Saýsaǵym tıip ketse ishegińe.
Aqqýdyń áýenindeı úniń bar - aý,
Saryarqa samalyndaı esken baıaý.
Bóbekteı besiginde maýjyraǵan
Tyńdaımyn men otyryp uıqyly - oıaý.

2 - júrgizýshi: Dombyrada asqaqtata án salyp, kúmbirletip kúı tókken ónerpaz halqymyzdyń asylynan artyq qasterlep úki taqqan, jalǵyzyndaı aıalap qaq tórine ilgen eń qymbat, eń súıikti mýzykalyq aspaptardyń biri - dombyra. Ol ulttyń tarıhynda qarapaıym halyqtyń qýanyshy men qaıǵy - qasiretin teń bólisip, qazaqtyń basyn torlaǵan aýyr kezeńderinde jubanysh bola bilgen alyp ta uly aspap. Dombyra – jazý - syzý men qazaqtyń qalamy men sahnasynyń qyzmetin teń atqarǵan aspap. Dombyra - ishekti aspaptardyń eń kóne túri. Dombyra qasıetin jyrlaıtyn etnologıalyq ańyzdar óte kóp. Solardyń birin tamashalańyzdar. («Dombyra týraly ańyz» sahnalyq kórinis)

1 - júrgizýshi: Dombyram júregimmen úndes ediń,
Senimen syrlasymdaı tildesemin.
Babamnan qalǵan muram sen bolmasań,
Ónerdiń ne ekenin bilmes edim.

2 - júrgizýshi: Dombyra túsingenge muń aıtady,
Janyńa jaıly tıer syr aıtady.
Júrekte qaıǵy menen naza bolsa,
Danadaı demeý bolǵan tyńaıtady.

1 - júrgizýshi: Dombyra sheshen bolsa sańqyldaıdy,
Kósilip báıge atyndaı ańqyldaıdy.
Kezdesseń baby taıǵan qý aǵashqa,
Kóńiliń sý sepkendeı jartylaıdy,- dep aqyn aǵamyz jyrlaǵandaı dombyranyń da úlken bir dastanǵa ózek bolarlyq syr - sıpaty bar. Olaı bolsa, kelesi kezekti «Dombyra - dastan» aıdarymen izdenip kelgen oqýshylarǵa bereıik.