InfoHub Logo

Bilim salasy: «Áleýmettik orta»
Ashyq oqý is - áreketi: «Ekologıa negizderi»
Taqyryby: Nan qaıdan paıda bolady?
Maqsaty: Balalardy nannyń bizdiń dastarhanymyzǵa qalaı keletini jaıly túsinik berý.
Dándi egýden bastap, nan bolǵanǵa deıingi eńbek túrlerimen tanystyrý. Adam eńbegin qurmetteýdi, nandy qadirleýdi úıretý.
Kórnekiligi: Sýretter, nan túrleri.
Bılıngvızm: Nan – hleb, bálish - pıroshkı, bólishke – býlochka.

Motıvasıalyq qozǵalys.
Nan qoqymyn shashpańdar,
Jerde jatsa baspańdar
Terip alyp qasterlep
Torǵaılarǵa tastańdar.

İzdený uıymdastyrýshysy.
- Balalar jyldyń neshe mezgili bar? (4mezgil)
- Qazir qaı mezgil? (Kúz)
- Kúzde neshe aı bar? (3 aı)
- Kúzde aýa raıy qandaı bolady? (salqyn)
- Balalar men jumbaq jasyramyn, qane kim jaýabyn aıtar eken,
Aspaı pisken
Qaınamaı túsken (jemis)
- Jemister qashan pisedi?
- Kúzde
Asty tas, ústi tas,
Ortasynda pisken as (nan)
- Balalar, biz kúnde aq nan, qara nan nemese tátti bólkeler, pecheneler, torttar jeımiz. Bular neden jasalatynyn bilesińder me?
- Unnan
- Al undy neden alady?
- Undy myna ydystaǵy dánderden alady.
- Barlyǵyń muqıat qarańdar, Barlyq dánder birdeı me? Myna dóńgelek dánder – bıdaı, al sopaq dánder arpa. Bıdaı men arpa dándi – daqyldar. Bıdaıdan - aq nan, arpadan – qara nan daıyndalady. Olar egistikte ósedi aldymen egis dalasyn, jerdi traktormen jyrtady. Ábden jumsartylǵan jerge tuqym sebedi. Ony sý quıyp baptaıdy. Eginge jańbyrdyń da paıdasy kóp. Kún kózi men sý mol bolsa, egin bitik shyǵady. Kúzde egin piskende ony kombaıynmen jınaıdy. Ol sabaqtardy orap, odan dánderdi bólek shyǵarady. Bul dánder uzyn arnaýly jenderden júk mashınalaryna quıylady. Sosyn dánderdi elevatorǵa aparady. Onda olardy keptirip, bir bóligin tuqymdyqqa qaldyrsa, bir bóligin dıirmenge tartady.
- Endi undy qaıda aparady dep oılaısyńdar?
- Naýbaıhanaǵa.
- Naýbaıhanada naýbaıshy kóp nandar. Toqashtar, pecheneler pisiredi.
Esik soǵylady.
- Balalar, esik soǵyp turǵan kim eken kóreıikshi.
- Naýbaıshy keledi. Balalarǵa nan pisirý jolyn kórsetedi.
- Sóıtip pisken nan dúkenge keledi. Biz dúkennen nan satyp alamyz.

Sergitý sáti
Kólbeń, kólbeń, kóleńkem,
Kólbeńdegen kóleńkem.
Tasyp pisken bıdaıdy.
Aıtshy qalaı jınaıdy?
Kombaıynmen bıdaıdy,
Bylaı, bylaı jınaıdy.
Qaptap ushqan torǵaıdan,
Ony qalaı qorǵaıdy?
Qaptap ushqan torǵaıdan,
Ony bylaı qorǵaıdy.

Qyzylorda qalasy, Qaraózek aýyly,
№39 «Qyzylózek» orta mektebiniń
«Aqerke» shaǵyn ortalyǵy tárbıeshisi
Saıdova Nargız Meıramovna
Nan qaıdan paıda bolady? júkteý