InfoHub Logo

Taqyryby: «Nar tulǵa – Nur aǵa!»
Sabaqtyń maqsaty: Jas urpaqqa elbasymyz Nursultan Ábishuly Nazarbaev týraly tereń maǵlumat berý; Elbasynyń ómirin, eńbek jolyn úlgi – ónege ete otyryp el jandylyqqa, otansúıgishtikke, azamattyqqa baýlý; el bolashaǵyn oılaıtyn, halqy úshin eńbek etetin, ulttyq sanasy, quqyqtyq mádenıeti qalyptasqan jastardy tárbıeleý.
Qoldanylǵan ádis - tásilder: Oı - pikir almasý, mıǵa shabýyl, shyǵarmashylyq jumystar.
Sabaqtyń túri: Syrttaı saıahat, telekópir.
Kórnekiligi: «Uly dostyqta», «El jáne Elbasy», «Astana - jańa qala» atty stendter, Elbasynyń portreti, QR rámizderi, kartasy, oqýshylar shyǵarmasy.

Sabaqtyń barysy:
Úntaspadan «Elim meniń» áni estilip turady.
Muǵalim: Balalar Qazaqstan Respýblıkasynyń Ata zańynyń 3 bólim 40 babynda Prezıdent týraly bylaı delingen...
Oqýshylarǵa suraqtar qoıylady (mıǵa shabýyl).
- QR - da Prezıdent saılaýy qaı jyldan bastaldy?
- Sońǵy saılaý qaı jyly ótti?
- QR - nyń qandaı rámizderin bilesiń?
Jaýaptar alynǵan soń úıge berilgen tapsyrmalar boıynsha «Meniń Prezıdentim» degen taqyryptaǵy shyǵarmalarynan úzindiler oqıdy. (shyǵarmalardyń ishinen úzdik dep tanylǵan shyǵarmalardy marapattaý).

1 - oqýshy: Oqýshy shyǵarmasynan úzindi.
Meniń Prezıdentim.
Biz otbasymyzben kúndelikti teledıdar kórýdi ádetke aınaldyrǵanbyz. Teleekrannan N. Á. Nazarbaevtyń beınesi kóringennen – aq ájemniń jańylmaı qaıtalaıtyn bir tilegi bar: «Alla taǵala, osyndaı ul bergen saǵan rahmet. Tek el sheti buzylmasyn», - deýden jańylmaıdy. Burynyraq ájemniń bul sózine mán bermeıtinmin, endi tarıh páninen tereńdeı oqyǵan saıyn, ájemniń sózinde kóp maǵyna jatqanyn túsinip kelemin. Rasynda da kóp ultty respýblıkanyń tynyshyn ketirmeı ustaý, ondaǵy ár ulttyń ókilderiniń tilin tabý, kórshi memlekettermen tatý - tátti qatynas ornatý úlken júrekti, asqan aqyldy, parasatty adamnyń ǵana qolynan keletini sózsiz. Olaı bolsa, Nursultan Ábishuly árbir qazaqstandyq úshin uly tulǵa. Qazir men de ájemmen birge Alladan Nursultan Ábishulyna densaýlyq tileımin.

2 - oqýshy shyǵarmasynan úzindi:
Meniń Prezıdentim.
Qazaq halqy erekshe qonaqjaı halyq ekeni belgili. Menińshe, bizdiń Prezıdentimizdiń boıynda da osy qasıet bar. Sońǵy jıyrma jylda Qazaqstanǵa kimder at basyn tiremedi deseńshi? Belgili saıasatkerler, prezıdentter, memleket qaıratkerleri men basshylary, ǵalymdar men óner qaıratkerleri. Ár elden kelgen qonaqtarǵa uıalmaı kórsetetin jańa qala Astanamyzdy Prezıdenttiń aqyl - oıynyń jemisi der edim. Astana kúnnen kúnge boı túzep jasaryp, jańaryp kele jatqan jas qala. Saryarqanyń tósindegi shaǵyn ǵana qaladan, álem tanyǵan ásem Astana jasaǵan Elbasynyń aqyl - oıyna kim basyn ımes? Men Prezıdentimizdi jaqsy kóremin jáne soǵan uqsaǵym keledi. Muǵalim: Shyǵarmada atalǵandardan basqa Elbasyn qandaı adam retinde tanısyńdar?