InfoHub Logo

Páni: Qarjylyq esep jáne uıym ekonomıkasy

Taqyryby: Negizgi óndiristik qorlardyń ekonomıkalyq máni. Negizgi quraldardyń esebi

Sabaqtyń maqsaty:
Bilimdilik: Negizgi óndiristik qorlardyń ekonomıkalyq máni baǵalanýy, tozýy amortızasıasy jáne qarjylyq shottarda beınelenýi.
Tárbıelik: Bilim alýshylardy durys sheshim tabýǵa úıretý, derbestikpen jaýapkershilikke, adamgershilikke tárbıeleý.

Damytýshylyq: Pánge degen qyzyǵýshylyǵyn arttyrý, bilim alýshylardy ujymdyq jumys jasaı bilýge baýlý, tujyrymdaý, logıkalyq suraqtar arqyly oı - órisin, dúnıetanymyn keńeıtý, este saqtaý qabiletin damytý, shyǵarmashylyq jaǵdaılarda sheshim qabyldaýǵa kómek kórsetý, oqýshylardy ózdiginen bilim alý daǵdylaryn, analıtıkalyq qasıetterin damytý.
Sabaqtyń tıpi: teorıalyq,
Sabaq túri: Jańa taqyrypty meńgertý.
Sabaq ádisi: Bınarly sabaq, túsindirý, suraq - jaýap, baıandaý, oıyn, leksıa elementter.
Bınarly sabaq – pán aralyq baılanys pen pánderdi biriktirýdi júzege asyrýdyń bir túri. Bınarly sabaq 1 máseleni sheshý úshin túrli salalardan bilimderdi biriktirýge múmkindik berip, tájirıbede alǵan bilimderdi paıdalanýǵa múmkindik beredi.
Pánaralyq baılanys: Ekonomıkalyq taldaý. Matematıka. Ekonomıka negizderi. Qazaq ádebıeti. Menejment.
Kórneki qural: Interaktıvti taqta, kespe qaǵazdary, beıne, upaı jınaý paraǵy, materıaldar syzbalar.

Sabaqtyń barysy
1. Uıymdastyrý: Oqýshylarmen sálemdesip, túgendeý. Dárishananyń tazalyǵyna nazar aýdarý. Oqýshylar eki topqa bólinip, sarapshy saılanady.- 2 mınýt

1 - bólim Beıne rolık /3 - mın/
Beınerolıkke oqýshylardyń pikiri./3 mın/
Jańa taqyrypty jáne onyń maqsatyn aıtamyz.
Taqyryby: Negizgi óndiristik qorlardyń ekonomıkalyq máni. Negizgi quraldardyń esebi.
Maqsaty: Negizgi óndiristik qorlardyń ekonomıkalyq mánin ashyp, baǵalanýyn, tozý túrlerin, amortızasıasyn jáne qarjylyq shottarda beınelenýin oqýshylarǵa meńgertip, bilimderin arttyrý.

Jospary:
1. Negizgi óndiristik qorlar máni jáne onyń baǵalanýy
2. Negizgi quraldardyń esebi jáne amortızasıasy

Oqýshylarǵa jańa taqyryptyń materıaldary taratylady. Oqýshylar ózdiginen taqyrypqa daıyndalady.
Kelisim erejesimen tanystyrý:
Bárimiz de oqýymyzǵa jaýaptymyz;
Bir - birimizdi tyńdaımyz, sóz bólmeımiz;
"Kóterilgen qol" erejesimen bireý ǵana sóıleıdi;
Tek istiń máni boıynsha aıtamyz.
Óz pikirimizdi bólmeımiz.
Maǵynasyz suraqtar qoımaımyz.
Basqalardyń sózin baǵalaımyz.
Ýaqyt shekteýin saqtaımyz.
Osy ýaqytta:
Negizgi qor túsinigi olardyń baǵalanýy týraly túsinik beredi.
Óndiristik qorlar elimizdiń ulttyq baılyǵynyń asa mańyzdy bóligin quraıdy.
Negizgi qor – uzaq jyldar boıy óndiris salasynda jumys isteıtin, materıaldyq ıgilikterdi óndirýge qatysyp, óziniń zattaı túrin saqtaıtyn, birte - birte tozatyn jáne óziniń qunyn óndiriletin jańa ónimge tozý mólsherine qaraı amortızasıalyq jarna túrinde aýdaratyn óndiris quraldaryn aıtamyz.
Kásiporynnyń óndiris qory únemi qozǵalysta bolyp, aınalymda bolady.
Qordyń ártúrli elementteri aınalymda bolýy birdeı emes. Mine osyndaı jaǵdaıǵa baılanysty óndiris sheńberinde bolǵan qorlar nemese óndiris qorlary negizgi jáne aınalym bolyp bólinedi.
Negizgi qorlardyń eki túri bolady: óndiristik negizgi qorlar jáne beıóndiristik negizgi qorlar.
Materıaldyq óndiris salasynda jumys isteıtin negizgi qorlar - óndiristik negizgi qorlar dep, óndiristik emes salada jumys isteıtin negizgi qorlar – beıóndiristik negizgi qorlar dep atalady (turǵyn úı, mádenıet, sport mekemeleri, balabaqshalar, emdeý oryndary jáne taǵy basqa da kásiporyn balansyndaǵy jumysshylarǵa qyzmet etetin obektiler).