Oksford ýnıversıteti tuńǵysh ret álemdegi úzdik JOO-lar reıtıńinde kósh bastady
Brıtandyq Oksford ýnıversıteti tuńǵysh ret álemdegi úzdik JOO-lar reıtıńinde kósh bastady. Anglıada jaryq kóretin Times Higher Education (THE, "Taıms haıer edúkeıshn") jýrnalynda basylǵan tizimde osy jahandyq zertteý qorytyndysy jarıalanyp kele jatqan sońǵy 12 jyl ishinde AQSH birinshi ret THE World University Rankings 2016-17 nátıjesi boıynsha úzdik JOO-lar reıtıńiniń basynan syrǵydy, dep jazady TASS.
Sońǵy 5 jyl boıy reıtıń basynan túspegen Kalıfornıa tehnologıa ınstıtýty tizimniń 2 qatarynan oryn aldy. Al 3-ten 9-shy qatarǵa deıingiler byltyrǵy ornynda qaldy.
Úshinshi orynda - Stenford ýnıversıteti (AQSH). Odan keıingi oryndarda Kembrıdj ýnıversıteti (Ulybrıtanıa, 4), Massachýsets tehnologıa ınstıtýty (AQSH, 5), Garvard ýnıversıteti (AQSH, 6), Prınston ýnıversıteti (AQSH, 7), Londonnyń ımperlik koleji (Ulybrıtanıa, 8), Súrıhtegi Shveısar federaldyq tehnologıalyq ınstıtýty (9), Berklıdegi Kalıfornıa ýnıversıteti (AQSH) tur.
Zertteýge barlyǵy 980 JOO qatysty.
You Might Also Like
-
Muǵalimder kúni qarsańynda №78 mektep-gımnazıada muǵalimderdi, úzdik pedagogtar áýletterin, jas mamandar men tálimgerlerdi quttyqtaý saltanaty ótti, dep habarlaıdy elorda ákimdiginiń baspasóz qyzmeti.
-
21 qyrkúıek kúni QR Parlament Májilisiniń otyrysynda depýtat Irına Smırnova bilim berý salasyndaǵy qarjylandyrý máselesin kóterip, qazaqstandyq muǵalimderdiń jalaqysyn myń dollarǵa jetkizý bastamas...
