InfoHub Logo

Muǵalimder kúni qarsańynda №78 mektep-gımnazıada muǵalimderdi, úzdik pedagogtar áýletterin, jas mamandar men tálimgerlerdi quttyqtaý saltanaty ótti, dep habarlaıdy elorda ákimdiginiń baspasóz qyzmeti.

Mundaı sharalar dástúrdi jalǵastyrýǵa, kásiporyndar men uıymdarda qyzmetkerlerge jaǵdaı jasaýǵa jáne olardyń eńbeginiń bedelin arttyrýǵa septigin tıgizedi.

Búgin elordanyń úzdik muǵalimderi, jumys ótili júz jyldan asqan úzdik eńbek áýletteri marapattaldy.

Nomınasıada pedagogıkalyq ótili 478 jyldy quraıtyn Nosıevter áýleti kósh bastady. Bul áýlette 26 muǵalim bar, olar tarıh, qazaq tili, áskerı is jáne t.b. pánderden sabaq beredi.

-  Men Nosıevterdiń kelinimin, atam men enem - tarıh muǵalimderi, kúıeýim de. Men tarıhshylar áýletine túsippin, ózim aǵylshyn tilinen sabaq beremin, 67-shi gımnazıada isteımin, eńbek ótilim 11 jyl. Bizdiń úlken áýletimizde túrli pánderdiń muǵalimderi bar, bárimiz bir birimizge kómektesemiz, - deıdi Anargúl Nosıeva.

Úzdik eńbek áýletteriniń ishinde eńbek ótili 200 jyldy quraıtyn Inertbaevtar, ótili 219 jyldy quraıtyn Arǵynbektar, sondaı-aq, 172 jyldan beri oqýshylardy oqytyp kele jatqan Ábdiqulovtar men 159 jyldyq ótili bar Ámirjanovtar áýletteri bar.

Jumys ótili 5 jylǵa deıingi jas mamandardyń ishinde Tolqyn Qazbekova, Raýshan Ákimbekova jáne Marjan Ónerbaeva úzdik atandy.

-  Men aǵylshyn tilinen sabaq beremin, bizdiń zamanymyzda árbir qazaqstandyq úsh tildi meńgerýge tıis dep sanaımyn. Ony jastaıynan úıretý kerek, - deıdi Tolqyn Qazbekova.

Shara barysynda eńbek ótili 20 jyldan asqan úzdik tálimgerler de quttyqtaýlardy qabyl aldy. Atap aıtqanda, Qushaı Terdikbaı (eńbek ótili 38 jyl), Náıla Qudaıbergenova (eńbek ótili 25 jyl), Qarlyǵash Qusaıynova (eńbek ótili 28 jyl) jáne Qaıyrbek Shambekov (eńbek ótili 21 jyl).

Aıta keteıik, jyl saıyn Astanada «Jyl muǵalimi», «Úzdik mektep», «Úzdik mektepke deıingi mekeme», «Úzdik arnaıy bilim mekemesi» jáne t.b. baıqaýlar uıymdastyrylady.

Jumysynda joǵary jetistikterge qol jetkizgen 1464 pedagog marapattaldy. Sońǵy úsh jylda 1300 muǵalim respýblıkalyq jáne halyqaralyq forýmdarǵa qatysqan, 193 muǵalim oqý ǵylymı-ádistemelik oqý quraldarynyń avtory atansa, 400 jýyǵy respýblıkalyq ǵylymı-ádistemelik basylymdarda óz maqalalaryn jarıalaǵan.

Jalpy Astanadaǵy mektepter men bilim mekemelerinde 13760 pedagog jumys isteıdi.

---