InfoHub Logo

Urpaq úni
Abaı Qunanbaevqa arnaý
Men baqyttymyn!
Táýelsiz elde týyldym,
Ómirge ińkár, óleńge qumar qyzyńmyn.
Kemeńger oıly, danyshpan Abaı atamdy,
Jan - tánimmen jyrlaýǵa búgin júgindim.

Men baqyttymyn!
Ǵulama Abaı – sóz basy,
Qarasózderi - tálim - tárbıe qoımasy.
Adamdyqtyń negizin shashqan jyrymen,
Shákárimnen tabylǵan oı jalǵasy.

Men baqyttymyn!
Shattana maǵan qarańdar,
Abaı menen Shákárimdeı danam bar.
Aýadaı kerek darabozdardyń jyrlary,
Ár aıtqan oıyn qazynaǵa balańdar!

Men baqyttymyn!
Jattadym jyryn Abaıdyń,
«Júrekten terbep» sezimin ashqan talaıdyń,
Barsha qazaqtyń kemeńger, asyl ustazy
Danyshpan - Abaı, shattyǵym - Abaı, Abaı - muń.

Men baqyttymyn!
Shákirt edim jyr qýǵan,
Abaıdan attap óte almas eshbir jyr, dýman.
Maǵjan aqyn da bas ıip ótken Abaıǵa
Muqaǵalı da muńyn shaǵyp, jyr býǵan.

Men baqyttymyn!
Baqytty meniń Otanym,
Abaıdy aıtsam túsedi eske Shákárim.
«Adamdyq borysh – halqyńa eńbek et» degen,
Abaı jolymen jalǵastyryp saparyn.

Men baqyttymyn!
Abaı, Shákárim – pyraǵym,
Eki ǵulama - halqymnyń eki shyraǵy.
Qos qaınardaı qos arysy qazaqtyń,
Ádebıetimniń tórinde bolar turaǵy.

Men baqyttymyn!
Baqyttyń máni tereńde,
Qos aqynnyń taraıdy marjan áni elge.
Abaı men Shákárim syndy qos dana,
Qazaqtyń atyn tanytqan barsha álemge!

Farıza Ońǵarsynovaǵa

Jaıyqtyń sýyndaı jaǵany soǵatyn,
Jyrlaryn oqysań kóńilge qonatyn,
Farıza aqynnyń aıbyndy óleńi,
Júrektiń túbinen óz ornyn alatyn.

Kaspııdiń alapat tolqyny sekildi,
Mańǵaz jyr samaly óbedi betińdi.
Aqqýdaı pák jyrdyń ıesin pir tutyp,
Ózińdi men búgin jyrlaýǵa bekindim.

Batystyń batyl da birtýar qyzysyń,
Ózindik orny bar aqynnyń birisiń
Otandy súıýdi úndegen oıyńnyń
Máni men mańyzy zor áste biz úshin.

Jyryńdy oqysam nár alyp, nurlanam,
Sol sátte júregim tolqyndaı týlaǵan.
Tulǵańdy pir tutqan tek qana men emes
Aqıyq Muqańda ózińdi jyrlaǵan.

Ár aqyn ózindik bıikke qonady,
Árkimniń ózindik orny bolady.
Farıza sekildi daraboz aqynnyń
Árdaıym bolsynshy juldyzy joǵary!

Daýylpaz aqyn

Darhan halyqpyz, dáripteı alar aqynyn,
Azattyq úni er Mahambet batyrym.
Erkindik teńdik kerek dep qozǵaı bildi ǵoı
Er kóńiliniń tunyǵyndaǵy asylyn.

Ottaı qyzýly, serpini seldeı jyrlary,
Aq júrekterge tolqý saldy tynbady.
Áldılegen armany bolǵan azattyq,
Pir tutamyz Mahambetteı tulǵany.

Jyraýlar týǵan qutty mekende týyldyń,
Qylyshtaı ótkir óleńderińdi úǵyndym.
Júzdegen jyldar jyljyp ótse de arada,
Syry ketpeıdi, syny túspeıdi jyryńnyń.

Ádiletsizdik pen teńsizdikke tózbedi,
Qorǵasynnan quıylǵandaı sózderi,
«Toqtamaı tartyp, tolarsaqtan saz keship»,
Ulttyń rýhyn kóterdi soǵys kezderi.

Jyrlaryńdy oqyǵan urpaq tildesip,
Rýhtanar sózsiz táýelsiz, azat kúı keship.
Daýylpaz aqyn dáýir sıpatyn tanytty,
Aqyndyǵy men batyrlyǵy úndesip.

Mahambet sózi qurysh bolattaı ótimdi,
Erkindik týyn jelbiretýge bekindi.
Óshpek emes batyrdyń ójet beınesi
«Atadan týǵan ardaqty erler» sekildi.

Qazaǵymnyń mańdaıyna syımaı ketken suńqarym Tólegen Aıbergenovke arnaý

Óleńi órt, óshire almas ǵasyr da,
Tólegendi teńeımin men asylǵa,
Aq júregi ańqyldaǵan uqsaıdy,
Muqaǵalı, Muhtar syndy dosyna.

Aı mańdaı aqyn perzenti ediń ultymnyń
Jalyn jyrmen býyrqandyń, bulqyndyń
Shalqar shabyt alyp seniń jyryńnan
Men de ózińdeı óleń sózge umtyldym.

Az ǵumyrda mol murańdy qaldyrdyń
Oqyrmanǵa jiger berdiń, jandyrdyń
Ǵumyryńdy jalǵastyrdy jyrlaryń,
Qulamaıtyn jyr munara saldyrdyń.

Naızaǵaı jyr, jastyq jalyn boıyńda,
Jyr oqydyq, mine, búgin toıyńda
Qazaǵymnyń Tólegeni ólmeıdi.
Jyrlarynan halqy ǵıbrat alýda.