InfoHub Logo

Ómir — teńiz, júzem onda demeńiz,
İzgilikten jasalmasa kemeńiz.
Rýdakı
Ómir — ol úlken jol. Ómir adamǵa bir – aq ret berilgen úlken syı. Ómirdiń máni adaldyq, adamdyqta. Ómir arnasy keń ózen, sol ózennen óz arnamyzdy taýyp aǵý bizdiń basty maqsatymyz. Al óz maqsatymyzǵa jetý ońaı emes, ol úshin qandaı da bir qıyndyqtarǵa, kedergilerge kezdesýimiz múmkin. Endi bireýlerge qıyndyqtar kezdespeýi de múmkin. Sondaı kezderde bireýlerge qyzǵanshaqtyq, kóre almaýshylyq tanytpaı, óz maqsatymyz úshin kúrese bilýimiz kerek. Ózimizdiń kúshti jaqtarymyzdy kórsetip, álsizdik, sharasyzdyq tanytpaýymyz kerek. Biz óz ómirimiz úshin ómir súrýge tıispiz. Bireýge renjip nege op ońaı óle salýymyz kerek, baqa ǵurly joqpyz ba? Baqa da óz ómiri úshin kúresip aqyry jeńiske jetti.
Adam ózin — ózi tárbıelep, aldyna maqsat qoıa bilýi kerek. Sol maqsatqa jetý úshin adamı qundylyqtardy baǵalaı otyryp, “óz ómirim ózime qundy ” degen qaǵıdany basty nazarda ustaýymyz qajet. Biz ómirde ózimizge maqsat qoıa bilemiz be? Ómir — arpalys, kúres. Bul tabıǵat zańdylyqtary.
Ómir – kópir, ot ústine salynǵan,
Dińgekteri zándem otqa malynǵan.
Qorqý bilme, aıaqtaryń taımasyn,
Oınap otpen, sharpý kórme jalynnan!
Bir – aq ret beriletin baǵa jetpes qymbat syıdy bizge syılaǵan kim?…
Árıne bizge osyndaı baǵa jetpes syı syılaǵan eń qymbat adamdarymyz, ol bizdiń ata – anamyz. Sondyqtan olardy renjitpeýimiz kerek. Halyq aýzynda mynadaı áńgime bar emes pe? “Anańdy úsh ret Mekkege arqalap aparsań da boryshyńdy óteı almaısyń” - dep. Sebebi, birinshiden ol bizge “ómir” syılady, bizge jaryq dúnıeni kórsetti, bizdi ósirdi, bizdiń ystyǵymyzǵa kúıdi, sýyǵymyzǵa tońdy, tún uıqysyn tórt bólip bizdi aıalady, tárbıelep ósirdi. Eger bizge anamyz osyndaı baǵa jetpes syı syılasa, bizde oǵan laıyqty ómir súrýge tıispiz. Bireýge renjip, bireýdi kinálap, min taǵý durys emes. Ómirdegi qaıǵyny, qıyndyqty, sátsizdikti kótere bilý kerek. Jańa, jaqsy oılar oılaý kerek.
Ǵajaıyp Ómir! Sulýlyq pen úılesimdilikti talap etetin tátti ómir! Adam men adamgershilikti qalaıtyn tamasha ómir! «Ómir» shynymen de tátti, ǵajap, tamasha. Alaıda osy sulýlyqty, ǵajap ómirdiń qadirin túsinbeıtinder kóp qoı. Qaıtalanyp kelmeıtin, Allanyń bergen syıyn adamgershilik, ımandylyqpen nege ótkizbeske? Ǵajap ómirdi adamdardyń nege jaqsy kórmeıtinine tań qalamyn.
Iá, ómir, ómir, ómir… Allah adamǵa ómirdi tek bir ret qana beredi, sol arqyly adamnyń bul ómirdegi jasaǵan jaqsylyǵyna, adamgershiligine, kishipeıildiligine, ózi aldansada eshqashan ózge adamdy aldamaı, adal bolsa ǵana ómirde shynaıy baqytqa jetkizedi. Keıbireý ómir óz qolyńda óziń qalaı qurasań solaı bolady deıdi. Bálkim solaı da shyǵar… Al men olaı dep oılamaımyn sebebi ómirdi qalaı qursań da, Allahtyń bergenin eshqashan ózgerte almaısyń. Meıli qolyńdaǵy bar nárseni salsań da Allahtyń buıyrtqanynan basqa eshnárse bolmaıdy. Men úshin bul ómir tek qana synaq. Ómirde basyńa qandaı qıynshylyq tússe de, soǵan tótep berip, shydamdy bolyp, sabyrly bolyp, sol qıyn kezeńnen shyǵa bilsek bul bizdiń úlken jeńisimiz. Aınaladaǵy adamdarǵa qarańyzshy báriniń óz ómiri, tirligi bar. Bireýi qınalady, bireýi qýanady, bireýi dúnıege kelip jatsa, endi bireýi qabirde jatady. Keıde adamdar osynyń bárin baıqamaı, men sharshadym, ómir súrgim kelmeıdi,- deıdi. Keı kezderde ózderine qol jumsap jatady. Sonda bul ómirden ótkende jany tynysh bola ma?
Adam ómiri jeńis pen jeńilisten, sáttilik pen sátsizdikten, qaıǵy men qýanyshtan quralady. Mine ómirdiń ózi bile – bilsek sonysymen qymbat. Ómirde báride ótkinshi.
Ómir — seniń múmkindigiń, paıdalana bil;
Ómir — sulýlyq, súısine bil;
Ómir — arman, júzege asyr;
Ómir — paryz, oryndaı bil;
Ómir — oıyn, oınaı bil;
Ómir — baılyq, baǵalaı bil;
Ómir — mahabbat, lázzat ala bil;
Ómir — qupıa, syryn ash;
Ómir — qaıǵy, kótere bil;
Ómir — kúres, jeńe bil;
Ómir — baqyt, baıandy ete bil.
Árıne, ómir joly – dańǵyl emes. Óri de, yldıyda jeterlik. Ómir synynan súrinbeı ótý – ár adamzattyń basty paryzy. Árbir adam ańsaǵan armanyna jetý úshin ómir boıy kúresedi. Talaptanady, talpynady. Ómirdiń «bir kirpishi bop qalanýǵa» bar — ynta jigerin salady. Bizde sondaı jastyń birimiz. Ańsaǵan armanymyzǵa jetýimiz kerek. Qatarymyzdan qalmaı, ómir shyńyna kóterilý bizdiń basty maqsatymyz. Elimizdiń jarqyn bolashaǵy bizdiń qolymyzda! Sony umytpaýymyz kerek…