Bireý maǵan ot jaq dep qyldy buıryq,
Jaǵaıyn dep umtyldym, kóńil júırik.
Ot jaqqaly jatqanym –bir úlken úı,
Otyn jıyp qoıypty talaı kúndik.

Shaqpaq shaǵyp jiberdim, qýǵa tústi,
Tutandyryp alýym boldy kúshti.
Qyzyl óńesh bolǵanda azar janyp,
Soǵan sheıin asyǵyp, ishim pysty.

Otqa ákelip otyndy salyp edi,
Jalyn shyǵyp lapyldap janyp edi.
Úı jylynsa, qaıteıin, zalal da kóp,
Jalyn baryp talaıdy shalyp edi.

Jalyn ketip, azdan soń shoq boldy qur,
Otyn bitti, úrsem de jana almaı tur.
Jalyndy ottaı jaınaǵan, qaıran, ómir,
Shoq sóngen soń qap-qara boldy kómir.

Ysh-aq túrli ómir bar: bári de – mas,
Bir ráýishti bolady shal menen jas.
Eń kerekti degeniń – ortanshy ómir,
Túgel qolyń jetpeıtin bir jantalas.

Qapy ótkizbe sol kezdiń bir saǵatyn,
Ókinishi qalmaıdy, ketse aǵatyń.
Kúni-túni deı kópme, ǵylym izde,
Qalsyn deseń artyńda adam atyń.

Ómirdiń basy – bala, ortasy – adam,
Qartaıyp, shal bolǵan soń ketti shamań.
Maqtap júrgen ómiriń osy bolsa,
Úsh-aq aýyz óleńmen boldy tamam.

---