InfoHub Logo

«Óner álemine saıahat» tárbıe saǵaty

Ashyq tárbıe saǵatynyń taqyryby: «Óner álemine saıahat»
Maqsaty: oqýshylarǵa «óner» uǵymyn túsindirý, ónerge qushtarlyq sezimderin oıatý, ónerli adamdardyń jetistikteri arqyly qyzyǵýshylyqtaryn qalyptastyrý jáne estetıkalyq turǵyda tárbıeleý;
Túri: saıahat sabaq.
Ádis – tásili: jekeleı, toptyq jumys, evrıstıkalyq, Múnsternberg ádistemesi.
Kórnekilik, qural - jabdyqtar: slaıdtyq kórsetilim, býklet, «Chýpa – chýps» kámpıtteri, qımalar, shashý, ata – analar ázirlegen qolóner buıymdar,
/synyp sabaqqa daıyn, slaıdtyq kórsetilim qosylady, dombyranyń súıemeldeýimen kúı oryndalady/

Synyp jetekshi:
- Búgingi «Óner álemine saıahat» atty ashyq tárbıe saǵatymyzǵa qosh keldińizder!
«Blıs - týrnır» shıratý saýaldary:
1. Ónerli degenimiz kimder?
2. Ónerdiń túrleri bar ma?
3. Aýylymyzda óner adamdary barma?

Synyp jetekshi:
- Rahmet, al, endi biz búgin saıahatqa shyǵamyz. Saıahatymyzdy bastamas buryn myna meniń sózderimnen ne týraly aıtqanymdy tabýlaryńyz kerek. Onda ertedegi kóne zattar bar. Biz sol zattar arqyly ótken tarıhymyzdy biletin bolamyz. Sender qyzyqty kóp nárselerdi kóre alasyńdar. Qane kim aıtady? Men qandaı mádenı oryn týraly aıtyp turmyn?» /Jaýap: murajaı/
- Iá, balalar durys taptyńdar murajaı biz úshin óte qundy mádenı oryn. Endeshe mektebimizdiń murajaıyna saıahat jasap óteıik
- Qandaı saz aspaptaryn bilemiz?
/jaýap: dombyra, sherter, jetigen, qobyz, sybyzǵy, úskirik, sazsyrnaı, shańqobyz, dańǵyra, dabyl, asataıaq /

«Jalǵasyn tap» oıyny
- 6 balaǵa chýpa – chýpstyń basyna japsyrylǵan maqal – mátelderdiń jartysy ǵana jazylǵan qyzyl, jasyl tústi qımalar taratady, qyzyl alǵandar bir top, jasyl alǵandar bir top bolyp tura qalady da maqaldardy jalǵastyryp aıtyp beredi/
1. Ónerli... /órge júzer/
2. Óner aldy... /qyzyl til/
3. Ónerliniń... /órisi keń/
4. Sheberdiń qoly ortaq... /sheshenniń sózi ortaq/
5. Óner... /kıeli/
6. Jigitke jeti... /óner de az/

Synyp jetekshi:
- Óte jaqsy! Jaraısyńdar! Tamasha! Endi, saıahatymyzdy ári qaraı jalǵastyraıyq. Ol úshin taǵy meniń jumbaq sózimniń sheshýin tabyńdar. İshinde ánshiler, aqyndar, bıshiler, kúıshiler, t. b ónerpazdar jáne óner kórsetetin sahnasy bar úlken úı. Onda jaqsy - jaqsy merekeler, konsertter ótkiziledi. Ol qandaı mádenı oryn?
/Jaýap: mádenıet saraıy/
- Durys aıtasyńdar. Bizdiń aýdanymyzda, aýylymyzda mádenıet saraıy bar ma? /balalar jaýap beredi, mádenıet úıleriniń sýretterinen turatyn býklet kórsetiledi/
- Osy mádenıet saraıynyń úlken sahnasynda óner kórsetetin ónerpazdyń biri kúı, biri shyǵarma, biri án, endi biri syrnaı, sybyzǵy, qobyz, terme aıtady, bı bıleıdi. Solaı emes pe?
- Sahna – kıeli oryn. Al, óner degenimiz – adam boıyndaǵy atanyń qanymen, ananyń sútimen daryǵan erekshe qasıet. Án aıtý, kúı shertý, sýret salý, qolóner degenimiz, ıaǵnı toqyma toqý, quraq tigý, aǵashtan, temirden buıymdar jasaý, oıý oıý, tigin tigý t. b. Búgin bizde qonaqta, ortamyzda aýylymyzdyń týma talanty, Mádenıet qaıratkeri, laýreat kóptegen sahnalarda óner kórsetip júrgen Qydyrmoldın Esmurat aǵalaryń. Endeshe, aǵamyzdyń ónerin tamashalap, barshamyz ánge qosylaıyq!

/«Tarbaǵataı taýlary» áni oryndalyp, basynda shashý shashylyp, ortasynda ata – analar ózderi ázirlegen qolóner buıymdaryn arnaıy ázirlengen ústelge kezekpen ákelip qoıady, ánniń sońǵy kýpletinde qazaq kıimin kıgen 3 oqýshy ortaǵa shyǵady/

1 – oqýshy:
Án men kúıdi tógiltip
İnjý - marjan shashaıyq!
Qonaqtardy tamsandyryp.
Ónerden shashý shashaıyq.
2 – oqýshy:
Dombyrany qolǵa alyp,
Terme aıtamyn tolǵanyp.
Qobyz da aspap kıeli,
Ony bári súıedi.
3 – oqýshy:
Sybyzǵyny úrleımiz,
Jalqaýlyqty bilmeımiz.
Sal kúıińdi dombyra,
Atadan qalǵan bul mura.
Dombyra dastan, jyr dastan,
Endi alaıyn qolyma.
Ónerdi súıgen jasynan,
Biz osyndaı Jas Ulan!
Synyp jetekshi:
- Al, kánekı, bizdiń konsertimiz búgingi bilimderińizdi baıqaý bolyp tabylady! /Múnsternberg ádisi boıynsha slaıdtan tizbek shyǵady da qonaqtar shatysqan áripter ishinen ónerge qatysty ataýlardy atap aıtý kerek, durys tapqandarǵa sývenırler, kıiz úı, dombyra, taqıa t. s. s beriledi/
hlvánrpaknlfpekınoalyoımbıympbúlsýretymúbáykúıejrashsózshksnı
/qonaqtarǵa tómendegi sózder jazylǵan, oqýshylardyń sýreti salynǵan, ózderi jasaǵan otkrytkalar taratylady/
Synyp jetekshi: ---------------------------- Qonaqtar, oqýshylar hormen aıtady:
Uǵymdy, oıly etetin... ------------------- zerde – zeıiniń /eki qolmen bastaryn ustap/
Seni órge súıreıtin... --------------------- óner – órisiń /aınalyp/
Tek ilgeri bastaıtyn... -------------------- talabyń /tómen qaraı qoldaryn jaıyp/
Eshqashan aldamaıtyn... ------------------ tapqyrlyǵyń /qoldaryn aldyǵa sozyp, jaıyp/
Qıyndyqta synalatyn... ----------------- qaıratyń /qoldaryn joǵary kóterip/
Bárinen de kúshti... ------------------- tártibiń men bilimiń
/ásem kúı oınalady/

Synyp jetekshi: Qymbatty qonaqtar bizdiń ata – analarymyzdyń balasy úshin úı tapsyrmasy retinde oryndap kelgen qolóner buıymdaryn tamashalańyzdar!
Talaı – talaı baspaldaqty attarmyz,
Ata – ananyń úmitin de aqtarmyz.
Ustazdardan alǵan óner, bilimdi,
Jadymyzda ómir – baqı saqtaımyz.
Bul ómirdiń laýlaǵan jalyndary,
Boıynda óner oty jalyndady.
Úlken ónerpaz bop bolashaqta.
Bolyńdar elimizdiń daryndary.
Tártipti, bilimdi bolaıyq!
Ónermen bal – bul janaıyq!
Kelesi tárbıe saǵatymyzǵa deıin aman – saý bolaıyq!!!