![Optımıster nelikten uzaq jasaıdy?](http://infohub.kz/uploads/thumbnail/20240120093525784_big.jpg)
- 27 qar. 2019 00:00
- 250
Optımıster nelikten uzaq jasaıdy?
AQSH-ta jasalǵan zertteý nátıjesinde pesımısterge qaraǵanda optımısterdiń uzaǵyraq ómir súretini anyqtaldy. Zertteý derekteri 1976 jyldan bastaý alatyn jáne 71173 adamnyń ómirine optımızm men pesımızmniń áserin zerttegen ǵalymdar – optımısterdiń 85 jastan artyq ómir súrý yqtımaly joǵary ekenin aıtady. Muny — otımıstterdiń jaqsy oılaýy, sezimderin ońaı retteı alýy jáne strestiń keri áserlerinen qorǵana alatyndyǵymen baılanystyrady. Zertteýde adamdardyń jalpy densaýlyǵymen qatar ómirge degen kózqarasy, optımısik ne pesımısik deńgeıi qarastyryldy. Dene jattyǵýy, qorektený daǵdylary jáne temeki, spırtti ishimdik qoldanýlary da esepke alyndy. Optımısik, ıaǵnı jaqsy oılaý deńgeıi tómender men jaqsy oılaý deńgeıi joǵary erler men áıelderdi salystyra kele, optımısik kózqarasy joǵarylardyń 10-15 paıyzǵa uzaǵyraq ómir súretindigi jáne 85 jastan asý yqtımaldyǵy joǵary bolatyndyǵy baıqalǵan.
Zertteý júrgizgen Boston ýnıversıteti Medısına fakúlteti psıhologıa salasynyń dosenti Levına Lı (Lewina Lee): Ashqan jańalyǵymyz pozıtıvti oılaý deńgeıin arttyrý adamnyń uzaq jasaý jáne salaýatty ómir súrýine yqpal etetindigin kórsetýde» dep málimdedi. Sondaı-aq barlyq nárseniń, is, turmys-tirshiliktiń durys júrip jatqandyǵyn oılaý jáne tanymdyq-amaldyq terapıa sekildi syrtqy áserler arqyly optımısik kózqarasty artyrýǵa bolatynyn aıtqan dosent Lı: «Zertteýler optımıs adamdardyń aldyna qoıǵan maqsatyna jete alatyndyǵyna senimi mol bolatyndyǵyn, keleńsizdikterdi sheshýde óte pármendi bolatyndyǵyn, al stresti jaǵdaılarda sezimderin ońaı retteı alatyndyǵyn kórsetýde» deıdi. Brıstol ýnıversıtetinen Brús Hýd bul: «Optımısterdiń kúızelisti ońaı jeńe alýy jáne negatıvti jaǵdaılardy jadynda ustamaýynyń saldary» dep túsindiredi.
Budan buryn Gambýrg ýnıversıtetiniń ǵalymdary optımısterdiń sýyq tıýi sekildi dertterge tózimdi keletinin málimdegen bolatyn.
Al Illınoıs ýnıversıtetiniń ǵalymdary bolsa, optımıster júrek qan-tamyr aýrýlarymen sırek aýyratynyn dáleldegen edi.
Igi oılaıyq, ıgi nátıjelerge jetýge tyrysaıyq!!!
Oqýǵa keńes beremiz:
Optımıster men pesımıster